ອີງຕາມເວັບໄຊ VN Express ລາຍງານໃນເວລາ 10:30 ໂມງ ຂອງວັນທີ 6 ພະຈິກ 2024, ກະຊວງປ້ອງກັນປະເທດຫວຽດນາມ ລາຍງານເຫດການເຮືອບິນຮົບ Yak-130 ໄດ້ເກີດເຫດຕົກໃນລະຫວ່າງການຝຶກຊ້ອມຮົບ ຢູ່ພາກກາງແຂວງ Binh Dinh ເຮືອບິນຝຶກຊ້ອມທາງທະຫານລຳໜຶ່ງໄດ້ຕົກຢູ່ພາກກາງແຂວງ Binh Dinh.
ຕາມການລາຍງານໄດ້ລະບຸວ່າ: ເຈົ້າໜ້າທີ່ ພວມເລັ່ງ ຊອກຫາ ບ່ອນເກີດອຸບັດເຫດ ແລະ ຊອກຫາ ຜູ້ຫາຍສູນຫາຍກໍຄື ນັກບິນ 2 ຄົນ ສຳລັບເຮືອບິນຊ້ອມຮົບ Yak-130 ທີ່ຜະລິດໂດຍຣັດເຊຍ ມີຄວາມໄວສູງເຖິງ 1,060 ກິໂລແມັດຕໍ່ຊົ່ວໂມງ ແລະ ສາມາດບິນໄດ້ໃນລະດັບຄວາມສູງສຸດ 12,500 ແມັດ.
ເຊິ່ງກ່ອນໜ້ານີ້ ສປປ ລາວ ກໍເກີດເຫດການເຮືອບິນຊ້ອມຮົບ yak-130 ຕົກລະຫວ່າງການຝຶກຊ້ອມ ທີ່ແຂວງຊຽງຂວາງ ໃນວັນທີ 4 ຕຸລາ 2024 ຜ່ານມາ, ຈາກເຫດການດັ່ງກ່າວເຮັດໃຫ້ນັກບິນທັງ 2 ເສຍຊີວິດ.
ຂໍໃຫ້ເຈົ້າໜ້າທີ່ພົບນັກບິນທັງ 2 ດ້ວຍຄວາມປອດໄພ