Homeຂ່າວພາຍ​ໃນເຈົ້າໜ້າທີ່ເມືອງຫົງສາ ສຶກສາອົບຮົມ ກຸ່ມແກ້ງຂີ່ລົດກວນເມືອງ-ດັດແປງເຕັກນິກລົດ

ເຈົ້າໜ້າທີ່ເມືອງຫົງສາ ສຶກສາອົບຮົມ ກຸ່ມແກ້ງຂີ່ລົດກວນເມືອງ-ດັດແປງເຕັກນິກລົດ

Published on

ໃນຕອນເຊົ້າຂອງວັນທີ 23 ຕຸລາ 2024, ຢູ່ທີ່ກອງບັນຊາການປກສເມືອງຫົງສາ, ໄດ້ສຶກສາອົບຮົມ, ກ່າວເຕືອນ ແລະ ເຮັດບົດບັນທຶກ ກັບກຸ່ມແກ້ງຂັບຂີ່ລົດໄວກວນເມືອງ ແລະ ດັດແປງສະພາບເຕັກນິກລົດ, ໂດຍການຂົ້າຮ່ວມຂອງ ທ່ານ ພັທ ລຳແພນ ຫອມເພັດ ຮອງຫົວຫນ້າກອງບັນຊາການປກສ ເມືອງຫົງສາ, ມີຕາງໜ້າຫ້ອງການສຶກສາທິການ ແລະ ກິລາເມືອງ, ອຳນວຍການໂຮງຮຽນ, ຜູ້ປົກຄອງພ້ອມດ້ວຍຜູ້ຂັບຂີ່ລະເມີດກົດລະບຽບຈະລາຈອນ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ພັທ ໄລ ແສນທອນ ຮອງຫົວໜ້າພະແນກຕຳຫຼວດ ກອງບັນຊາການ ປກສ ເມືອງຫົງສາ ໄດ້ລາຍງານສະພາບລວມ ການຈັດຕັ້ງປະຕິບັດໂຄງການຫຼຸດຜ່ອນອຸປະຕິເຫດຕາມທ້ອງຖະໜົນໃນໄລຍະ ເດືອນມັງກອນຫາເດືອນກັນຍາ ປີ 2024 ຜ່ານມາໃຫ້ຮູ້ວ່າ: ເຈົ້າໜ້າທີ່ໄດ້ລົງແກ້ໄຂພາກສ່ວນຂັບຂີ່ລົດດັດແປງສະພາບເຕັກນິກ (ທໍ່ໄອເສຍດັງ,ຢາງນ້ອຍ, ອື່ນໆ).

May be an image of 1 person, scooter, motorcycle and text

ພາກສ່ວນແຂ່ງລົດພາຍໃນເທດສະບ້ານເມືອງໄດ້ທັງໝົດ 12 ຄັ້ງ ພົບເຫັນຜູ້ລະເມີດທັງໝົດ 11 ຄົນ, ຍິງ 1 ຄົນ ຄື: ແຂ່ງລົດຈັກໂດຍບໍ່ໄດ້ຮັບອະນຸຍາດຢູ່ເຂດເສັ້ນທາງບ້ານຈອມແຈ້ງ 01 ຄັ້ງ ມີຜູ້ລະເມີດ 02 ຄົນ, ກັກພາກສ່ວນດັດແປງສະພາບເຕັກນິກລົດໄດ້ທັງໝົດ 11 ຄົນ, ຍິງ 1 ຄົນ,ມີລົດຈັກ 10 ຄັນ.

May be an image of 2 people, scooter and motorcycle

ຕໍ່ພາກສ່ວນລະເມີດແມ່ນໄດ້ນໍາຕົວມາກວດຫາສານເສບຕິດແລ້ວນໍາເຂົ້າໂຮງຮຽນສືກສາພົນລະເມືອງໄດ້ 02 ຄົນ, ສ້າງບົດບັນທືກສືກສາອົບຮົມ, ພ້ອມທັງຂຽນປະຫວັດຜູ້ລະເມີດລະບຽບການສັນຈອນ ແລະ ປັບໃໝຕາມດຳລັດເລກທີ 568/ລບ ລົງວັນທີ 16 ກັນຍາ 2021 ພ້ອມທັງໃຫ້ສ້ອມແປງລົດໃຫ້ຢູ່ໃນສະພາບເດີມໄດ້ຈຳນວນ 11 ຄົນ, ຍິງ 1 ຄົນ ລົດຈັກຈໍານວນ 11 ຄັນ.

ຂ່າວ: ສະຖານີວິທະຍຸໂທລະໂຄ່ງເມືອງຫົງສາ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...