Homeຂ່າວພາຍ​ໃນອົດສະຕຣາລີ ມອບປື້ມການຮຽນ-ການສອນ 7,740 ຫົວ-ປຶ້ມຄູ່ມືຄູ 1,530 ​ຫົວ ແກ່ໂຮງຮຽນທີ່ປະສົບໄພນໍ້າຖ້ວມທີ່ຫຼວງນໍ້າທາ

ອົດສະຕຣາລີ ມອບປື້ມການຮຽນ-ການສອນ 7,740 ຫົວ-ປຶ້ມຄູ່ມືຄູ 1,530 ​ຫົວ ແກ່ໂຮງຮຽນທີ່ປະສົບໄພນໍ້າຖ້ວມທີ່ຫຼວງນໍ້າທາ

Published on

ໃນວັນທີ 16 ຕຸລາ 2024 ທີ່ໂຮງພິມກະຊວງສຶກສາທິການ ແລະ ກິລາ ໂດຍໃຫ້ກຽດຕາງໜ້າມອບຂອງທ່ານ ນາງ ເບັນນິຕ້າ ຊໍາເມີວິວ ຮອງເອກອັກຄະລັດຖະທູດອົດສະຕຣາລີຄົນໃໝ່ ແລະ ກ່າວຮັບໂດຍທ່ານ ປອ ສຳລານ ພັນຄະວົງ ຮອງລັດຖະມົນຕີ ກະຊວງສຶກສາທິການ ແລະ ກິລາ, ມີບັນດາຄະນະນຳ ແລະ ວິຊາການທີ່ກ່ຽວຂ້ອງເຂົ້າຮ່ວມ.

ທ່ານ ປອ ສຳລານ ພັນຄະວົງ ໄດ້ກ່າວວ່າ: “ກະຊວງສຶກສາທິການ ແລະ ກິລາ ແລະ ອຳນາດການປົກຄອງແຂວງ ໄດ້ເລັ່ງແກ້ໄຂຜົນກະທົບຫຼັງຈາກພະຍຸໄຕ້ຝຸ່ນ ຢາງິ, ອະນາໄມຂີ້ຕົມ ແລະ ສິ່ງເສດເຫຼືອ ແລະ ຮັບປະກັນຄວາມປອດໄພຂອງໂຮງຮຽນ ເພື່ອໃຫ້ນັກຮຽນສາມາດກັບມາຮຽນຄືນໄດ້. ແຕ່​ໄພ​ນ້ຳ​ຖ້ວມໄດ້​ເຮັດ​ໃຫ້​ປຶ້ມ ​ແລະ​ ເອກະສານ​ເສຍ​ຫາຍ​ຢ່າງ​ໜັກໜ່ວງ. ໃນປັດຈຸບັນ, ວຽກບູລິມະສິດ ແມ່ນການທົດແທນປື້ມແບບຮຽນ ເພື່ອໃຫ້ຫ້ອງຮຽນສາມາດສືບຕໍ່ໄດ້ໄວເທົ່າທີ່ຈະໄວໄດ້. ຂ້າພະ​ເຈົ້າຂໍ​ຂອບ​ໃຈ​ລັດຖະບານ​ອົດ​ສະ​ຕຣາ​ລີ​ທີ່​ໄດ້​ໃຫ້ການ​ສະໜັບສະໜູນ​ແກ່​ຂະ​ແໜງ​ການ​ສຶກສາ​ຢ່າງ​ບໍ່​ຢຸດ​ຢັ້ງ​ໃນ​ໄລຍະ​ວິ​ກິດ​ການ​ນີ້. ​ເຖິງ​ວ່າ​ຈະປະສົບ​ກັບ​ຄວາມ​ຫຍຸ້ງຍາກ​ທີ່​ເກີດ​ຈາກ​ໄພ​ທຳ​ມະ​ຊາດ​ກໍ່ຕາມ, ​ແຕ່​ການ​ສຶກສາຈຳເປັນ​ຕ້ອງໄດ້​ດຳ​ເນີນ​ຕໍ່ໄປ”.

ທ່ານ ນາງ ເບັນນິຕ້າ ຊໍາເມີວິວ ໄດ້ກ່າວວ່າ “ຂ້າພະເຈົ້າຮູ້ສຶກເປັນກຽດຫຼາຍທີ່ໄດ້ມາຮ່ວມງານໃນວັນນີ້ ໄດ້ເຫັນປຶ້ມຖືກຈັດພິມອອກ ແລະ ກະກຽມສົ່ງໄປແຂວງຫຼວງນ້ຳທາ ເພື່ອຮັບປະກັນໃຫ້ຄູສອນສາມາດສອນຫ້ອງຮຽນຂອງເຂົາເຈົ້າ ແລະ ນັກຮຽນສາມາດສືບຕໍ່ການຮຽນໄດ້ ເຖິງແມ່ນວ່າໃນຍາມວິກິດ ລັດຖະບານອົດສະຕຣາລີ ໄດ້ມີການຮ່ວມມືໄລຍະຍາວກັບລັດຖະບານ ສປປ ລາວ ເພື່ອຮັບປະກັນການສຶກສາຊັ້ນປະຖົມສຶກສາທີ່ມີຄຸນນະພາບໃຫ້ສາມາດເຂົ້າເຖິງໄດ້ໂດຍນັກຮຽນທຸກຄົນ. ລັດຖະບານອົດສະຕຣາລີ ໄດ້ສະໜັບສະໜູນກະຊວງສຶກສາທິການ ແລະ ກິລາ ໃນການທົບທວນ, ຜະລິດ ແລະ ແຈກຢາຍສື່ການຮຽນສຳລັບທຸກຂັ້ນຮຽນຂອງໂຮງຮຽນຊັ້ນປະຖົມສຶກສາ. ໃນມື້ນີ້, ລັດຖະບານອົດສະຕຣາລີ ຈະຮ່ວມມືກັບກະຊວງສຶກສາທິການ ແລະ ກິລາ ໃນຄວາມພະຍາຍາມຟື້ນຟູ ແລະ ສະໜອງການສະໜັບສະໜູນພິເສດ ເພື່ອທົດແທນສື່ການຮຽນການສອນທີ່ເສຍຫາຍໃນເຂດທີ່ຖືກຜົນກະທົບ”.

ລັດຖະບານອົດ​ສະ​ຕຣາ​ລີ​ ໄດ້​ສະໜັບສະໜູນ​ການຈັດ​ຊື້​ປຶ້ມ​ແບບຮຽນ 7.740 ຫົວ ​ແລະ ປຶ້ມຄູ່ມືຄູ 1.530 ​ຫົວ ​ເປັນ​ມູນ​ຄ່າ​ລວມ 330.632.400 ​ກີບ (​ປະມານ 22.500 AUD). ວັດຖຸ​ອຸປະກອນ​ດັ່ງກ່າວ, ​ຈະ​ມອບ​ໃຫ້​ໂຮງຮຽນຊັ້ນ​ປະຖົມ​ສຶກສາໃນ​ເມືອງຫຼວງ​ນ້ຳທາ, ນາ​ແລ ​ແລະ ​ເມືອງ​ສິງ. ວິຊາທີ່ສະໜັບສະໜູນໂດຍລັດຖະບານອົດສະຕຣາລີ ປະກອບມີ ວິຊາພາສາລາວ, ຄຸນສົມບັດ, ວິທະຍາສາດ ແລະ ສິ່ງແວດລ້ອມ, ພາສາອັງກິດ, ການສຶກສາສັງຄົມ (ໂລກອ້ອມຕົວເຮົາ), ສິລະປະ ແລະ ຫັດຖະກຳ, ດົນຕີ ແລະ ພະລະສຶກສາ ສຳລັບຊັ້ນປະຖົມທັງໝົດ.

ຂ່າວ: ໜັງສືພິມສຶກສາ, ວິທະຍາສາດ ແລະ ກິລາ ອອນລາຍ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...