spot_img
Homeຂ່າວພາຍ​ໃນລັດຖະບານເລັ່ງຄົ້ນຄວ້າ ເພີ່ມເງິນເດືອນລັດຖະກອນ ໂຄຕ້າລັດຖະກອນ ປີ 2025 ມາດຕະການແກ້ໄຂລົດເຖື່ອນ

ລັດຖະບານເລັ່ງຄົ້ນຄວ້າ ເພີ່ມເງິນເດືອນລັດຖະກອນ ໂຄຕ້າລັດຖະກອນ ປີ 2025 ມາດຕະການແກ້ໄຂລົດເຖື່ອນ

Published on

ໃນຕອນແລງວັນທີ 24 ຕຸລາ 2024, ທ່ານ ສອນໄຊ ສິດພະໄຊ, ລັດຖະມົນຕີປະຈໍາສໍານັກງານນາຍົກລັດຖະ ມົນຕີ, ໂຄສົກລັດຖະບານ ໄດ້ຖະແຫຼງຂ່າວ ຕໍ່ສື່ມວນຊົນ ກ່ຽວກັບຜົນກອງປະຊຸມສະໄໝສາມັນ ຂອງລັດຖະບານ ປະຈໍາເດືອນຕຸລາ 2024 ໃຫ້ຮູ້ວ່າ: ກອງປະຊຸມໄດ້ໄຂຂຶ້ນ ໃນຕອນເຊົ້າວັນທີ 23 ແລະ ອັດລົງ ໃນຕອນບ່າຍ ວັນທີ 24 ຕຸລາ 2024 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ, ນາຍົກລັດຖະ ມົນຕີ; ມີບັນດາທ່ານ ຮອງນາຍົກ ລັດຖະມົນຕີ, ສະມາຊິກລັດຖະບານ, ຜູ້ຕາງໜ້າກະຊວງ-ອົງການ ເຂົ້າຮ່ວມແບບເຊິ່ງໜ້າ; ການນໍາຂອງບັນດາແຂວງ ແລະ ນະຄອນຫຼວງວຽງຈັນ ເຂົ້າຮ່ວມຜ່ານລະບົບກອງປະຊຸມທາງໄກ ເພື່ອຮັບຟັງ ແລະ ປະກອບຄຳເຫັນ ຕໍ່ການລາຍງານສະພາບພົ້ນເດັ່ນ ປະຈຳເດືອນຕຸລາ ແລະ ທິດທາງແຜນວຽກຈຸດສຸມ ປະຈຳເດືອນພະຈິກ 2024.

May be an image of 1 person and dais

ກອງປະຊຸມຄັ້ງນີ້ ໄດ້ພ້ອມກັນຄົ້ນຄວ້າ, ປຶກສາຫາລື, ປະກອບຄໍາເຫັນ ແລະ ເຫັນດີດ້ານຫຼັກການ ຮັບຮອງເອົາບັນດາຫົວຂໍ້ສໍາຄັນ ຄື:
ວາລະທີ 1: ລາຍງານສະຫຼຸບວຽກງານພົ້ນເດັ່ນປະຈໍາເດືອນຕຸລາ ແລະ ທິດທາງແຜນການ ປະຈຳເດືອນ ພະຈິກ 2024 ຂອງລັດຖະບານ; ລາຍງານກ່ຽວກັບການຄົ້ນຄວ້າການເພີ່ມເງິນເດືອນໃຫ້ພະນັກງານ-ລັດຖະກອນ ແລະ ໂຄຕ້າລັດຖະ ກອນ ປະຈຳປີ 2025; ລາຍງານການຄົ້ນຄວ້າມາດຕະການແກ້ໄຂລົດເຖື່ອນ; ລາຍງານຜົນສຳເລັດກອງປະຊຸມສຸດຍອດອາຊຽນ ຄັ້ງທີ 44, 45 ແລະ ກອງປະຊຸມສຸດຍອດທີ່ກ່ຽວຂ້ອງ ລວມທັງການສະເໜີແບ່ງຄວາມຮັບຜິດຊອບໃນການຜັນຂະຫຍາຍໃນຕໍ່ໜ້າ; ແລະ ລາຍງານຄາດໝາຍອັດຕາເງິນເຟີ້ ໃນປີ 2025

ຕໍ່ການຄົ້ນຄວ້າການເພີ່ມເງິນເດືອນໃຫ້ພະນັກງານ-ລັດຖະກອນ ແລະ ໂຄຕ້າລັດຖະກອນ ປະຈຳປີ 2025: ແມ່ນເຫັນດີຕາມການສະເໜີຂອງກະຊວງພາຍໃນ ບົນພື້ນຖານຕ້ອງຮັບປະກັນ ແລະ ສາມາດຕອບສະໜອງທາງດ້ານງົບປະມານ ໃນການເບີກຈ່າຍເງິນເດືອນ ແລະ ເງິນນະໂຍບາຍຕ່າງໆ ເພື່ອປັບປຸງຊີວິດການເປັນຢູ່ຂອງພະນັກງານ-ລັດຖະກອນ ໃຫ້ສອດຄ່ອງກັບສະພາບເສດຖະກິດໃນປັດຈຸບັນ, ທັງໃຫ້ສາມາດຮັບປະກັນ ມີພະນັກງານສືບທອດປ່ຽນແທນ ໃນການຈັດຕັ້ງປະຕິບັດໜ້າທີ່ວຽກງານ ຢ່າງຕໍ່ເນື່ອງ, ມີປະສິດທິພາບ ແລະ ປະສິດທິຜົນ.

May be an image of 9 people, dais and text

ຕໍ່ການແກ້ໄຂບັນຫາລົດເຖື່ອນ: ໃຫ້ຈັດຕັ້ງປະຕິບັດຕາມລະບຽບການ ແລະ ກົດໝາຍທີ່ກ່ຽວຂ້ອງ ຢ່າງເຂັ້ມງວດ, ເດັດຂາດ, ວ່ອງໄວ, ທັນການ, ບໍ່ແກ່ຍາວເວລາ, ຮັບປະກັນຈໍາກັດໄດ້ຊ່ອງຫວ່າງການສວຍໂອກາດຕ່າງໆ ທັງນີ້ ເພື່ອສະກັດກັ້ນບັນຫາລົດເຖື່ອນ ໃຫ້ນັບມື້ຫຼຸດໜ້ອຍຖອຍລົງ ແລະ ໄດ້ຮັບການແກ້ໄຂຢ່າງຂາດຕົວໃນຕໍ່ໜ້າ. ພ້ອມກັນນີ້, ລັດຖະບານ ໄດ້ມອບໃຫ້ຄະນະສະເພາະກິດ ຮີບຮ້ອນຮ່ວມກັບບັນດາຂະແໜງການກ່ຽວຂ້ອງ ລົງເລິກກໍານົດເງື່ອນໄຂ, ວິທີການແກ້ໄຂລະອຽດ ໂດຍມີຄາດໝາຍທາງດ້ານເວລາ ທີ່ຊັດເຈນ ແລະ ໃຫ້ມີຜົນສໍາເລັດຕົວຈິງ.

รถนำเข้าผิดกฎหมายทั้งหมดนี้ถูกประมูลไปในราคาไม่ถึง 5 ล้านบาทที่สหรัฐฯ  อัปเดทข่าวยานยนต์ทุกวัน ที่น่าสนใจ - ไทยเลิฟเวอร์คาร์ รับซื้อรถยนต์มือสอง

ສຳລັບຄາດໝາຍອັດຕາເງິນເຟີ້ ໃນປີ 2025: ໃຫ້ສືບຕໍ່ຈັດຕັ້ງປະຕິບັດບັນດາມາດຕະການ, ແຜນວຽກຈຸດສຸມ ທີ່ລັດຖະບານໄດ້ກຳນົດໄວ້ ກໍ່ຄື ບັນດາທິດຊີ້ນຳ ຂອງກົມການເມືອງສູນກາງພັກ ໃນການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ບັນຫາເຄັ່ງຮ້ອນຕ່າງໆ ແນໃສ່ໃຫ້ອັດຕາເງິນເຟີ້ຫຼຸດລົງ.

ຂ່າວ: ປະເທດລາວ

ບົດຄວາມຫຼ້າສຸດ

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...