spot_img
Homeຂ່າວພາຍ​ໃນຣັດເຊຍ ມອບນໍ້າມັນພືດ 3.400 ແກັດ ແກ່ໂຮງຮຽນທີ່ໄດ້ຮັບຜົນກະທົບຈາກນ້ຳຖ້ວມ

ຣັດເຊຍ ມອບນໍ້າມັນພືດ 3.400 ແກັດ ແກ່ໂຮງຮຽນທີ່ໄດ້ຮັບຜົນກະທົບຈາກນ້ຳຖ້ວມ

Published on

ລັດຖະບານຣັດເຊຍ ມອບນໍ້າມັນພືດປຸງແຕ່ງອາຫານ ຈໍານວນ 47 ໂຕນ (3.400 ແກັດ, ແຕ່ລະແກັດ ບັນຈຸນ້ຳມັນພືດ 15 ຕຸກ) ໃຫ້ລັດຖະບານລາວ ກໍຄື: ກະຊວງສຶກສາທິການ ແລະ ກິລາ ໂດຍມອບຜ່ານອົງການອາຫານໂລກ ປະຈຳ ສປປ ລາວ, ເພື່ອນຳໄປປຸງແຕ່ງອາຫານທ່ຽງ ໃຫ້ແກ່ນັກຮຽນຊັ້ນປະຖົມ ໃນ 12 ເມືອງ ຢູ່ແຂວງຫຼວງນ້ຳທາ ແລະ ແຂວງຜົ້ງສາລີ ທີ່ໄດ້ຮັບຜົນກະທົບຈາກໄພນ້ຳຖ້ວມ, ຕາງໜ້າມອບໂດຍ ທ່ານ ວະລາດີເມຍ ຄາລີນິນ ເອກອັກຄະລັດຖະທູດ ຣັດເຊຍ ປະຈຳ ສປປ ລາວ.

May be an image of 2 people, dais and text

ທ່ານ ວະລາດີເມຍ ຄາລີນິນ ໄດ້ໃຫ້ຮູ້ວ່າ: ນັບແຕ່ປີ 2018 ເປັນຕົ້ນມາ, ຣັດເຊຍ ໄດ້ເປັນຄູ່ຮ່ວມມືກັບອົງການອາຫານໂລກ ໃນການສະໜັບສະໜູນ ວຽກງານຂອງລັດຖະບານລາວ ໃນການສ້າງຄວາມຢືດຢຸ່ນຂອງຊຸມຊົນ ແລະ ອາຫານໃນໂຮງຮຽນ. ການຊ່ວຍເຫຼືອອາຫານ ໃຫ້ເດັກນ້ອຍ ຢູ່ໂຮງຮຽນໃນເຂດຊົນນະບົດຂອງ ສປປ ລາວ ຄັ້ງນີ້, ແມ່ນດຳເນີນໄປຄຽງຄູ່ກັບລະບົບການເສີມສ້າງຄວາມເຂັ້ມແຂງ ແລະ ການສ້າງຂີດຄວາມອາດສາມາດຂອງຣັດເຊຍ ທີ່ມີການຈັດຕັ້ງປະຕິບັດຢ່າງຕໍ່ເນື່ອງ, ເພື່ອສົ່ງເສີມວຽກງານອາຫານໃນໂຮງຮຽນຢູ່ 4 ແຂວງພາກເໜືອ ຂອງ ສປປ ລາວ. ພວກເຮົາເຊື່ອວ່າ: ການເຂົ້າເຖິງອາຫານທີ່ດີຕໍ່ສຸຂະພາບ ໃນໂຮງຮຽນເປັນປະຈຳ ເປັນຫົນທາງທີ່ດີໃນການຕໍ່ສູ້ກັບການຂາດສານອາຫານ ແລະ ສ້າງກໍາລັງແຮງງານທີ່ເຂັ້ມແຂງ ສໍາລັບອະນາຄົດຂອງ ສປປ ລາວ.

May be an image of 2 people and text

ທ່ານ ມາກ ອານເດຣ ໂປຣສ ຜູ້ຕາງໜ້າອົງການອາຫານໂລກ ປະຈຳ ສປປ ລາວ ກ່າວວ່າ: ອາຫານໃນໂຮງຮຽນມີບົດບາດສໍາຄັນໃນການຮັກສາເດັກນ້ອຍໃຫ້ຢູ່ໃນໂຮງຮຽນ ເພາະວ່າອາຫານໃນໂຮງຮຽນ ຊ່ວຍແບ່ງເບົາພາລະໃຫ້ແກ່ຄອບຄົວ ທີ່ມີຄວາມຫຍຸ້ງຍາກໃນການຫາອາຫານມາລ້ຽງດູຄອບຄົວ ໃນແຕ່ລະວັນ, ໂດຍສະເພາະໃນຊຸມຊົນ ທີ່ໄດ້ຮັບຜົນກະທົບຈາກໄພນໍ້າຖ້ວມ ເມື່ອບໍ່ດົນມານີ້, ການສູນເສຍສະບຽງອາຫານ ແລະ ການເກັບກ່ຽວຄັ້ງຕໍ່ໄປຍິ່ງມີຄວາມສຳຄັນຫຼາຍ.ນອກຈາກນີ້, ການຊ່ວຍເຫຼືອດ້ານສະບຽງອາຫານ ຈາກປະເທດຣັດເຊຍ ຍັງຊ່ວຍໃຫ້ໂຄງການອາຫານທ່ຽງແຫ່ງຊາດ ຂອງລັດຖະບານ ສປປ ລາວ ສາມາດສືບຕໍ່ຈັດຕັ້ງປະຕິບັດ, ໂດຍສະເພາະໃນພື້ນທີ່ ທີ່ປະສົບກັບບັນຫາການຂາດສານອາຫານສູງ ແລະ ຄວາມບໍ່ໝັ້ນຄົງທາງດ້ານອາຫານຕາມລະດູການ.

May be an image of text

ນັບແຕ່ປີ 2002 ເປັນຕົ້ນມາ, ລັດຖະບານ ແຫ່ງ ສປປ ລາວ ໄດ້ສ້າງລະບົບໂພຊະນາການຂອງໂຮງຮຽນໂດຍໄດ້ຮັບການສະໜັບສະໜູນຈາກຫລາຍພາກສ່ວນ ດ້ວຍການຊ່ວຍເຫລືອດັ່ງກ່າວ, ສປປ ລາວ ໄດ້ບັບັນລຸຜົນ ສຳເລັດຫລາຍດ້ານ ໂດຍສະເພາະ ການປັບປຸງຜົນການສຶກສາຄຽງຄູ່ ໄປກັບການແກ້ໄຂບັນຫາການຂາດສານອາຫານ ດ້ວຍການຈັດສັນທຶນຮອນແຫ່ງຊາດ ເຂົ້າໃນໂຄງການ ໂດຍການເຂົ້າຮ່ວມການເປັນສະມາຊິກສະຫະພັນອາຫານໃນໂຮງຮຽນສາກົນ, ສປປ ລາວ ກໍາລັງກ້າວເຂົ້າສູ່ໄລຍະຂອງການນຳເອົາໂຄງການອາຫານໃນໂຮງຮຽນຂອງຕົນຮວມເຂົ້າກັບນາໆຊາດ ໂດຍໄດ້ຮັບການຊ່ວຍເຫລືອຈາກຜູ້ຊ່ຽວຊານ ແລະ ຊັບພະຍາກອນຈາກ 100 ກວ່າປະເທດທົ່ວໂລກ.

ຂ່າວ: ວສລ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...