Homeຂ່າວພາຍ​ໃນຫຼາຍເສັ້ນທາງໃນຫົວພັນ ຖືກຜົນກະທົບຈາກໄພພິບັດ ເສຍຫາຍ 53 ຕື້ 9 ຮ້ອຍລ້ານກວ່າກີບ

ຫຼາຍເສັ້ນທາງໃນຫົວພັນ ຖືກຜົນກະທົບຈາກໄພພິບັດ ເສຍຫາຍ 53 ຕື້ 9 ຮ້ອຍລ້ານກວ່າກີບ

Published on

ໃນກາງເດືອນສິງຫາ-ທ້າຍເດືອນກັນຍາ 2024, ໄດ້ມີຝົນຕົກໜັກຕິດຕໍ່ກັນຫຼາຍວັນ, ເຊິ່ງໄດ້ເຮັດໃຫ້ບັນດາເສັ້ນທາງຄົມມະນາຄົມພາຍໃນແຂວງຫົວພັນ ຖືກຜົນກະທົບຈາກໄພພິບັດທໍາມະຊາດ, ໂດຍສະເພາະແມ່ນ 9 ເມືອງຂອງແຂວງຄື: ເມືອງຊໍາເໜືອ, ເມືອງຮ້ຽມ, ເມືອງຊ່ອນ, ເມືອງຫົວເມືອງ, ເມືອງຊໍາໃຕ້, ເມືອງກວັນ, ເມືອງສົບເບົາ, ເມືອງແອດ ແລະ ເມືອງວຽງໄຊ.

May be an image of 1 person

May be an image of 1 person and road

ເຊິ່ງໄດ້ເຮັດໃຫ້ບາງເສັ້ນທາງເປ່ເພ ແລະ ຖືກຕັດຂາດ ເປັນຕົ້ນແມ່ນດິນຫຍຸບ, ດິນເຊາະເຈື່ອນ, ຕົ້ນໄມ້ຫັກທັບຖົມເສັ້ນທາງ, ເສັ້ນທາງທີ່ຖືກຜົນກະທົບທັງໝົດ 34 ເສັ້ນ, ມີ 1900 ກວ່າກິໂລແມັດ, ໃນນີ້ເສັ້ນທາງຫຼວງແຫ່ງຊາດ 9 ເສັ້ນ ເສຍຫາຍ 516 ກິໂລແມັດ, ເສັ້ນທາງຫຼວງຂອງແຂວງ 9 ເສັ້ນ ເສຍຫາຍ 576 ກິໂລແມັດ, ທາງຫຼວງເມືອງ 10 ເສັ້ນ 538 ກິໂລແມັດ, ເສັ້ນທາງຊົນນະບົດ 5 ເສັ້ນ 227 ກິໂລແມັດ, ເສັ້ນທາງຕົວເມືອງ 1 ເສັ້ນ 60 ກວ່າກິໂລແມັດ.

May be an image of 2 people

May be an image of road

ນອກຈາກນີ້, ຍັງມີຂົວອູ່ 3 ຈຸດ ແລະ ລະບົບນໍ້າປະປາເມືອງຊ່ອນ ເປ່ເພ ເຊິ່ງມີຜົນເສຍຫາຍທັງໝົດ 53 ຕື້ 9 ຮ້ອຍລ້ານກວ່າກີບ, ມາຮອດປັດຈຸບັນນີ້ພາກສ່ວນທີ່ກ່ຽວຂ້ອງຂັ້ນແຂວງ ສົມທົບກັບພາກສ່ວນທີ່ກ່ຽວຂ້ອງຂັ້ນເມືອງ ໄດ້ເອົາໃຈໃສ່ເລັ່ງແກ້ໄຂສຸກເສີນແຕ່ລະເສັ້ນທາງສໍາເລັດແລ້ວຈໍນວນໜຶ່ງ ເພື່ອເຮັດໃຫ້ການສັນຈອນໄປມາແຕ່ລະເສັ້ນທາງໃຫ້ມີຄວາມສະດວກ.

ຂ່າວ: ວສລ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...