spot_img
Homeຂ່າວພາຍ​ໃນໄພນໍ້າຖ້ວມໜັກ ທີ່ມ.ຊະນະຄາມ ຂ.ວຽງຈັນ ບ້ານນາສັກ ແລະ ບ້ານນາປາຝາ

ໄພນໍ້າຖ້ວມໜັກ ທີ່ມ.ຊະນະຄາມ ຂ.ວຽງຈັນ ບ້ານນາສັກ ແລະ ບ້ານນາປາຝາ

Published on

ເມືອງຊະນະຄາມ ແຂວງວຽງຈັນ ເປັນເມືອງໜຶ່ງທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ເນື່ອງຈາກມີຝົນຕົກໜັກຕິດຕໍ່ກັນຫຼາຍວັນ ເລີ່ມແຕ່ວັນທີ 21-24 ກັນຍາ 2024 ເຮັດໃຫ້ປະລິມານນ້ຳໃນແມ່ນ້ຳຕ່າງໆເພີ່ມຂຶ້ນ ໂດຍສະເພາະແມ່ນ້ຳມີ້ ແລະ ເໝືອງຝາຍຫຼາຍແຫ່ງ ໄດ້ລົ້ນຝັ່ງກາຍເປັນມວນນ້ຳໃຫຍ່ໄຫຼລົງສູ່ບ່ອນຕ່ຳ ເກີດມີໄພນ້ຳຖ້ວມໜັກຢູ່ 2 ບ້ານຄື: ບ້ານນາສັກ ແລະ ບ້ານນາປາຝາ ທີ່ໄດ້ຮັບຜົນກະທົບໜັກກວ່າບ້ານອື່ນ.

May be an image of 6 people

ນັບແຕ່ວັນທີ 24-26 ກັນຍາ 2024 ນ້ຳໄດ້ໄປເຂົ້າຖ້ວມເຮືອນ, ເລົ້າເຂົ້າ, ໜອງປາ ແລະ ທົ່ງນາຂອງປະຊາຊົນເປັນຈຳນວນຫຼວງຫຼາຍ, ນອກຈາກນັ້ນຍັງມີຊົນລະປະທານ ແລະ ເສັ້ນທາງໄດ້ຮັບຜົນເສຍຫາຍໂດຍສະເພາະແມ່ນເສັ້ນທາງເຂດບ້ານປົ່ງ ຖືກນ້ຳຖ້ວມລະດັບນ້ຳສູງປະມານ 1 ກວ່າແມັດ ຫຼື ພຽງແອວ ເຮັດໃຫ້ການສັນຈອນໄປມາຂອງປະຊາຊົນພົບຄວາມຫຍຸ້ງຍາກ.

May be an image of 3 people and body of water

ຕໍ່ກັບສະພາບການດັ່ງກ່າວ ທາງກອງເລຂາຄະນະກຳມະການຄຸ້ມຄອງໄພພິບັດຂັ້ນແຂວງ ສົມທົບກັບຂັ້ນເມືອງ ໄດ້ລົງຕິດຕາມສະພາບນ້ຳຖ້ວມ ເພຶ່ອເກັບກຳຂໍ້ມູນຜົນເສຍຫາຍ, ນຳພາໂດຍ ທ່ານ ບຸນຊ່ວງ ວັນສີ ຮອງເຈົ້າເມືອງ, ທັງເປັນປະທານຄະນະກຳມະການຄຸ້ມຄອງໄພພິບັດເມືອງຊະນະຄາມ ພ້ອມທັງໄດ້ໃຫ້ສໍາພາດຕໍ່ສື່ມວນຊົນວ່າ: ຕໍ່ກັບສະພາບໄພພິບັດນ້ຳຖ້ວມຄັ້ງນີ້ ທາງການນຳຂອງເມືອງກໍ່ຄືຄະນະຄຸ້ມຄອງໄພພິບັດຂັ້ນເມືອງ ໄດ້ໃຫ້ການຊ່ວຍເຫຼືອແກ້ໄຂໃນໄລຍະນ້ຳຖ້ວມ ໂດຍໄດ້ຈັດສົ່ງກຳລັງຕຳຫຼວດ, ທະຫານ ລົງຊ່ວຍປະຊາຊົນຍົກຍ້າຍວັດຖຸເຄື່ອງຂອງ, ຊັບສິນທີ່ມີຄ່າ ແລະ ສັດລ້ຽງຂຶ້ນໄປໄວ້ບ່ອນສູງ ແລະ ບ່ອນທີ່ປອດໄພ.

May be an image of 2 people

ທ່ານກ່າວຕື່ມອີກວ່າ: ມາຮອດວັນທີ 26 ກັນຍາ 2024 ເຫັນວ່າລະດັບນ້ຳເລີ່ມຫຼຸດລົງຫຼາຍແລ້ວ ປະຊາຊົນຈຳນວນໜຶ່ງເລີ່ມອານາໄມເຮືອນຂອງຕົນເອງ ຄາດວ່າອີກ 2-3 ວັນທາງໜ້າ, ຖ້າຫາກວ່າຝົນບໍ່ຕົກໜັກ ລະດັບນ້ຳຈະຢູ່ລະດັບປົກກະຕິ. ສຳລັບຜົນເສຍຫາຍຍັງບໍ່ທັນສາມາດປະເມີນໄດ້ ທາງຄະນະກຳມະການຄຸ້ມຄອງໄພພິບັດຂັ້ນເມືອງ ຈະສົມທົບກັບພາກສ່ວນທີ່ກ່ຽວຂ້ອງ ແລະ ອຳນາດການປົກຄອງບ້ານ ລົງເກັບກຳຂໍ້ມູນຜົນເສຍຫາຍແລ້ວຈະແຈ້ງໃຫ້ຮັບຮູ້ຕາມພາຍຫຼັງ.

ຂ່າວ: ວສລ

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...