spot_img
Homeຂ່າວຕ່າງປະເທດພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

Published on

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ.

ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ ທ້າບ ຄໍລິນ ເກ ຜູ້ເປັນພໍ່ຂອງເດັກຊາຍອາຍຸ 14 ປີທີ່ກໍ່ເຫດກາດຍິງໃນໂຮງຮຽນ ທີ່ເມືອງໄວເດີ ຂອງລັດຈໍເຈຍ ຈົນເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ ຈາກາກນສືບສວນຕຳລວດພົບວ່າປືນທີ່ເດັກຊາຍໃຊ້ໃນການກໍ່ເຫດເປັນປືນທີ່ເຂົາໄດ້ຮັບເປັນຂອງຂວັນໃນວັນຄິດສະມາສເມື່ອປີທີ່ແລ້ວຈາກພໍ່ທີ່ຊື້ນຳຮ້ານຂາຍປືນໃນທ້ອງຖິ່ນ ຕຳຫຼວດຈຶ່ງໄດ້ຕັ້ງຂໍ້ຫາຄາຕະກຳໂດຍບໍ່ສະມັກໃຈ 4 ຂໍ້ຫາ, ຂໍ້ຫາຄາຕະຳກໂດຍບໍ່ໄດ້ຄິດໄຕ່ຕອງໄວ້ກ່ອນ 2 ຂໍ້ຫາ ແລະ ຂໍ້ຫາທຳຮ້າຍຜູ້ເຍົາອີກ 8 ຂໍ້ຫາ ກັບພໍ່ຂອງເດັກຊາຍດັ່ງກ່າວ ເຊຶ່ງຂໍ້ຫາທັງໝົດນີ້ໄດ້ຖືກຕັ້ງຂຶ້ນໂດຍອີງຈາກພຶດຕິກຳຂອງຜູ້ເປັນພໍ່ທີ່ຮູ້ ແລະ ອານຸຍາດໃຫ້ລູກຊາຍຄອບຄອງປືນ.

ສ່ວນເດັກອາຍຸ 14 ປີຜູ້ເປັນມືປືນຖືກຕຳຫຼວດຕັ້ງຂໍ້ຫາຄາຕະກຳໂດຍເຈດຕະນາ ຂໍ້ຫາ ແລະ ຄະດີດັ່ງກ່າວຂອງເດັກຈະຖືກໃຊ້ຄະດີຄືກັນກັບຜູ້ໃຫຍ່ແລ້ວ ແຕ່ເຂົາຈະຢູ່ໃນຄວາມດູແລຂອງກົມຍຸຕິທຳເດັກ ແລະ ເຍົາວະຊົນຂອງລັດຈໍເຈຍ ຈົນຮອດວັນເກີດອາຍຸຄົບ 17 ປີ ເຊິ່ງຕາມກົດໝາຍຂອງລັດຈໍເຈຍ ເດັກນ້ອຍທີ່ມີອາຍຸລະຫວ່າງ 13-17 ປີ ທີ່ກໍ່ເຫດອາຊະຍາກໍາຮ້າຍແຮງຈະຖືກລົງໂທດແບບຜູ້ໃຫຍ່ໂດຍອັດຕະໂນມັດ.

ສ່ວນອີກສາເຫດໜຶ່ງທີ່ເປັນຕົ້ນຕໍໃນການກໍ່ເຫດຕຳຫຼວດເປີດເຜີຍວ່າ: ເປັນບັນຫາພາຍໃນຄອບຄົວຂອງຜູ້ກໍ່ເຫດ ພໍ່ແມ່ຂອງເດັກອາຍຸ 14 ປີ ໄດ້ຍ່າຮ້າງກັນ ແລະ ຕັດສິນໃຈໃຫ້ລູກອາໃສຢູ່ກັບທາງຝັ່ງຂອງພໍ່ ຕຳຫຼວດຄົນນີ້ກ່າວວ່າເດັກຄົນນີ້ຕ້ອງທົນຢູ່ກັບບັນຫາຄອບຄົວທີ່ບໍ່ສົມບູນແບບ ແຕ່ຂະນະດຽວກັນພົບວ່າພໍ່ເດັກຊາຍມີແນວໂນ້ມເປັນຕົ້ນແບບໃຫ້ລູກກໍ່ຄວາມຮຸນແຮງເນື່ອງຈາກພໍ່ລູກຄູ່ນີ້ມັກອອກໄປລ່າສັດ ແລະ ຈາກການຄົ້ນບ້ານຍັງພົບພາບຖ່າຍຂອງເດັກຊາຍພ້ອມກັບເລືອດດກວາງເປື້ອນເຕັມໜ້າອີກດ້ວຍ.

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...