ບຸນຊ່ວງເຮືອປະເພນີປະຈໍາປີ ພສ 2567, ຄສ 2024 ໃນ ໂອກາດບຸນຫໍ່ເຂົ້າປະດັບດີນ ທີ່ນະຄອນ ຫຼວງພະບາງ ໄດ້ຈັດຂື້ນໃນວັນທີ່ 2 ກັນຍາ ນີ້ ໂດຍມີເຮືອຊ່ວງຈາກບັນດາບ້ານພາຍໃນນະຄອນ ຫຼວງພະບາງ, ຕາງໜ້າຈາກເມືອງອ້ອມຂ້າງ ແລະຕ່າງແຂວງ ເຂົ້າຮ່ວມແຂ່ງຂັນລວມທັງໝົດ 25 ລໍາ.ຜ່ານການແຂ່ງຂັນທ່າມກາງສຽງຊົມສຽງເຊຍຢ່າງມ່ວນຊື່ນ ຕາມແຄມຝັ່ງນ້ຳຄານ ຜົນປະກົດວ່າ:
ອັນດັບທີ 1 ແມ່ນເຮືອຊ່ວງທະນາຄານພັດທະນາລາວ LDB ໄດ້ຮັບຂັນເງີນນ້ຳໜັກ 1,500 ກຼາມ 1 ໜ່ວຍ, ເປັນຂັນຄອງແຊ້ມ 3 ປີ (ປີທໍາອິດ) ພ້ອມຂັນແຊ້ມປະຈໍາປີ ເປັນຂັນເງີນ ນໍ້າໜັກ 1,000 ກຼາມ 1 ໜ່ວຍ ແລະ ເງີນສົດ 35.000.000 ກີບ ລວມມູນຄ່າລາງວັນ 125.000.000 ກີບ.
ອັນດັບທີ 2 ເຮືອຊ່ວງທະນາຄານຮ່ວມພັດທະນາ JDB, ໄດ້ຮັບຂັນເງີນ ນ້ຳໜັກ 800 ກຼາມ 1 ໜ່ວຍ ພ້ອມເງີນສົດ 32.000.000 ກີບ, ລວມມູນຄ່າລາງວັນ 60.000.000 ກີບ. ອັນດັບທີ 3 ເຮືອຊ່ວງຫຼວງພະບາງສະມາດຊິດຕີ ໄດ້ຮັບຂັນເງີນນໍ້າໜັກ 500 ກຼາມ 1 ໜ່ວຍ ພ້ອມເງີນສົດ 30.000.000 ກີບ, ລວມມູນຄ່າລາງວັນ 50.000.000 ກີບ.
ອັນດັບທີ 4 ເຮືອຊ່ວງ ເມືອງໂພນທອງ ຕະຫຼາດສາຍຊຸມຊົນ ໄດ້ຮັບເງີນສົດ 25.000.000 ກີບ.- ອັນດັບທີ 5 ເຮືອຊ່ວງເມືອງໂພນໄຊ ບໍລິສັດເພັດລົດຈົກ, ໄດ້ຮັບເງີນສົດ 22.000.000 ກີບ, ອັນດັບທີ 6 ເຮືອຊ່ວງເຮືອນພັກໄຊດລາ ບ້ານຫາດຮ່ຽນ ໄດ້ຮັບເງີນສົດ 20.000.000 ກີບ, ອັນດັບທີ 7 ເຮືອຊ່ວງເຈົ້າຫຼວງ ບ້ານນູນສະຫວາດ ໄດ້ຮັບເງີນສົດ 18.000.000 ກີບ, ອັນດັບທີ 8 ເຮືອຊ່ວງບ້ານຄົກມັນ (ຮ້ານຕຳຫວານຫຼວງພະບາງ ບໍລິສັດທ່ອງທ່ຽວສາກົນດາວເໜືອ).
ອັນດັບທີ່ 9 ເທົ່າ ມີ 4 ລຳຄື: ເຮືອຊ່ວງລາວແກັດ ສັງຄະໂລກ 2 ເຮືອນພັກມ້າວພາໂຊກ, ເຮືອຊ່ວງບໍລິສັດພັນທະມິດກຣຸບ ແຂວງໄຊຍະບູລີ, ເຮືອຊ່ວງລາວແກັດ ສັງຄະໂລກ 1 ເຮືອນພັກມ້າວພາໂຊກ, ເຮືອຊ່ວງວັດຊຽງທອງ 1 ນາງບົວເງີນ ພະແນກສຶກສາທິການ ແລະ ກິລາແຂວງ ໄດ້ຮັບເງີນລາງວັນລຳລະ 16.000.000 ກີບ. ອັນດັບທີ່ 13 ເທົ່າ ມີ 4 ລຳຄື: ເຮືອຊ່ວງບ້ານຖີ່ນຊົມ, ເຮືອຊ່ວງວັດຊຽງທອງ 1 ນາງບົວເງີນ, ເຮືອຊ່ວງເມືອງຊຽງເງີນ ຮ້ານສ້ອມແປງສັກສິດຮຸ່ງເຮືອງຊັບ ແລະເຮືອຊ່ວງຊາວໜຸ່ມບ້ານຫາດຮ່ຽນ ໄດ້ຮັບລາງວັນເງີນສົດລຳລະ 15.000.000 ກີບ.
ອັນດັບທີ່ 17 ເທົ່າ ມີ 8 ລໍາຄື: ເຮືອຊ່ວງພະທາດໝາກໂມ ບໍລິສັດບຸນຈະເລີນສວນອາຫານແຄມຄານ, ເຮືອຊ່ວງບ້ານເມືອງຂາຍ ບໍລິສັດຫຼວງພະບາງຊີມັງຈຽງເກີ ຈຳກັດ, ເຮືອຊ່ວງນາວາປາກເຊືອງ, ເຮືອຊ່ວງບ້ານໂພນສະອາດ, ເຮືອຊ່ວງບ້ານສະເລື່ອນ, ເຮືອຊ່ວງລາວຝອດຊີຕີ ກຸ່ມວັດທາດ ບ້ານທາດຫຼວງ, ເຮືອຊ່ວງບ້ານຄອຍ ບໍລິສັດສຸກສາວົງກໍ່ສ້າງຂົວທາງ ເຄຫາສະຖານ ແລະຊົນລະປະທານ, ເຮືອຊ່ວງບ້ານພັນຫຼວງ ສວນລ້ານຊ້າງ, ໄດ້ຮັບລາງວັນເງີນສົດລຳລະ 14.000.000 ກີບ. ອັນດັບທີ່ 25 ເຮືອຊ່ວງວັດໃໝ່ສຸວັນນະພູມມາຣາມ ສວນລາດແລງ ໄດ້ຮັບລາງວັນເງີນສົດ 13.000.000 ກີບ.
ພ້ອມນີ້ໄດ້ມີລາງວັນເຮືອງາມ ທີ່ 1 ເຮືອຊ່ວງວັດຊຽງທອງ 2 ນາງບົວເງີນ ໄດ້ຮັບລາງວັນເງີນສົດ 8.000.000 ກີບ, ທີ່ 2 ເຮືອຊ່ວງວັດໃໝ່ສຸວັນນະພູມມາຣາມສວນລາດແລງ ໄດ້ຮັບລາງວັນເງີນສົດ 7.000.000 ກີບ, ທີ່ 3 ເຮືອຊ່ວງບ້ານຄອຍ ບໍລິສັດສຸກສາວົງກໍ່ສ້າງຂົວທາງເຄຫາສະຖານ ແລະຊົນລະປະທານ ໄດ້ຮັບລາງວັນເງີນສົດ 6.000.000 ກີບ, ສ່ວນເຮືອນາງດຳນາງດ່ອນ ໄດ້ຮັບລາງວັນເງີນສົດ ລຳລະ 8.000.000 ກີບ. ໃຫ້ກຽດມອບລາງວັນໂດຍແມ່ນ ທ່ານ ຄຳຂັນ ຈັນທະວີສຸກ ເຈົ້າແຂວງຫລວງພະບາງ ພ້ອມດ້ວຍຄະນະ.
ຂ່າວ: ວສລ