ສຳນັກຂ່າວຕ່າງປະເທດລາຍງນໃນວັນທີ 30 ສິງຫາ 2024 ນີ້, ເຈົ້າໜ້າທີ່ຕຳຫຼວດອິນເດຍເລັ່ງຕາມຈັບໝາປ່າ 4 ໃນ 6 ໂຕ ທີ່ທຳຮ້າຍ ແລະ ກັດເດັກນ້ອຍຈົນເສຍຊີວິດທົງໝົດ 7 ຄົນ ຍິງ 1 ຄົນ ໃນລັດອຸດຕະປະເທດ ຢູ່ທາງຕອນເໜືອຂອງອິນເດຍ ໃນໄລຍະ 2 ເດືອນ ຜ່ານມາໄດ້ສຳເລັດ.
ຊາວບ້ານທີ່ອາໃສຢູ່ເມືອງບາຣາຊ ລັດອຸດຕະປະເທດຂອງອິນເດຍ ຕ້ອງໄດ້ໃຊ້ຊີວິດແບບຢ້ານກົວຕະຫຼອດ 2 ເດືອນທີ່ຜ່ານມາ ຫຼັງມີຝູງໝາປ່າອອກອາລະວາດ ແລະ ທຳຮ້າຍຄົນ ໂດຍມີເດັກນ້ອຍ 7 ຄົນໄດ້ສັງເວຍຊີວິດ ແລະ ມີຜູ້ຍິງຕົກເປັນເຫຍື່ອອິກ 1 ຄົນ ເຊິ່ງເຫຍື່ອລາຍຫຼ້າສຸດເປັນແອນ້ອຍທີ່ຖືກກັດເສຍຊີວິດໃນວັນອັງຄານ ທີ 27 ສິງຫາ 2024 ຜ່ານມາ, ເຮັດໃຫ້ເຈົ້າໜ້າທີ່ຕ້ອງນຳຂີ້ຊ້າງໄປຖິ້ມໄວ້ຕາມຈຸດຕ່າງໆແລ້ວໄດ້ຈູດໄຟເພື່ອສົ່ງກິ່ນຂູ່ໃຫ້ໝາປ່າຢ້ານ ແລະ ບໍ່ກ້າມາໃຫ້ພຶ້ນທີ່ຊຸມຊົນອີກ.
ເຈົ້າໜ້າທີ່ໄດ້ລະບຸວ່າເ ໝາປ່າໂຕທີ່ຈັບໄດ້ຫຼ້າສຸດເປັນ 1 ໃນ 6 ໂຕ ເຊິ່ງຖືກຈັບໄດ້ດ້ວຍໂດຣນກວດຈັບຄວາມຮ້ອນ ແລະ ໄດ້ແກະຮ່ອງຮອຍຕີນ ແລະ ສຸດທ້າຍກໍພົບຕົວມັນໃນວັນພຸດ ຜ່ານມາ, ກ່ອນຈະຍິງຢາສະຫຼົບ ແລະ ໃຊ້ຕາໜ່າງເພື່ອຈັບແລ້ວນຳໄປສວນສັດ ມາຮອດປັດຈຸບັນເຈົ້າໜ້າທີ່ສາມາດຈັບໄດ້ແລ້ວທັງໝົດຈາກ 4 ໃນ 6 ຍັງເຫຼືອອີກ 2 ໂຕທີ່ສາມາດໜີໄປໄດ້ ນອກຈາກນີ້ຍັງໄດ້ລະດົມທີມ 16 ທີມລົງພຶ້ນທີ່ເພື່ອເລັ່ງຄົ້ນຫາ ແລະ ຍັງໄດ້ທຳການເພີ່ມໜ່ວຍລາດຕະເວນຕອນກາງຄືນເພີ່ຄວາມປອດໄພໃນປະຊາຊົນໃນໝູບ້ານ.
ແຫຼ່ງຂ່າວ: NDTV