spot_img
Homeຂ່າວພາຍ​ໃນເປີດສູນຢ້ຽມຢາມໂຄງການເກັບກູ້ລະເບີດ ທີ່ແຂວງຫຼວງພະບາງ

ເປີດສູນຢ້ຽມຢາມໂຄງການເກັບກູ້ລະເບີດ ທີ່ແຂວງຫຼວງພະບາງ

Published on

ເມື່ອບໍ່ດົນມານີ້, ທີ່ຫ້ອງການໂຄງການເກັບກູ້ລະເບີດປະຈໍາແຂວງຫຼວງພະບາງ ໄດ້ຈັດພິທີເປີດສູນຢ້ຽມຢາມ ໂຄງການເກັບກູ້ລະເບີດແຫ່ງຊາດໃຫ້ເປັນໜຶ່ງໃນສະຖານທີ່ທ່ອງທ່ຽວ-ສຶກສາຂໍ້ມູນຢູ່ແຂວງຫຼວງພະບາງ, ມີທ່ານ ອານຸສັກ ພົງສາ ຜູ້ອຳນວຍການໂຄງການເກັບກູ້ລະເບີດແຫ່ງຊາດ ພ້ອມດ້ວຍຜູ້ຕາງໜ້າຈາກກະຊວງກ່ຽວຂ້ອງ ແລະ ພະ ນັກງານອົງການເກັບກູ້ລະເບີດເຂົ້າຮ່ວມ.

May be an image of 2 people, speaker and text

ທ່ານ ອານຸສັກ ພົງສາ ກ່າວວ່າ: ສູນຢ້ຽມຢາມໂຄງການເກັບກູ້ລະເບີດປະຈຳແຂວງຫຼວງພະບາງ ໄດ້ຮັບການສ້າງຂຶ້ນແຕ່ປີ 2009 ນັບແຕ່ມື້ສ້າງຕັ້ງມາຮອດປັດຈຸບັນໄດ້ຕ້ອນຮັບຄະນະຜູ້ແທນລວມທັງນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າຢ້ຽມຊົມທັງໝົດ 117.764 ຄົນ ສ່ວນໃຫຍ່ແມ່ນນັກທ່ອງທ່ຽວທີ່ມາຈາກບັນດາປະເທດເອີຣົບ.

May be an image of 6 people

ພາຍໃນສູນໄດ້ວາງສະແດງຮ່າງລະເບີດລູກຫວ່ານ, ຮູບພາບ ແລະ ແຜ່ນແພທີ່ບອກເລົ່າເລື່ອງລາວຂອງຜູ້ທີ່ຖືກເຄາະຮ້າຍຈາກລະເບີດບໍ່ທັນແຕກທີ່ຕົກຄ້າງ ໂດຍຜ່ານການແກະສະລັກ ແລະ ການຕໍ່າແຜ່ນແພດ້ວຍຄວາມປານີດສະ ທ້ອນໃຫ້ເຫັນເຖິງຄວາມໂຫດຮ້າຍຂອງສົງຄາມ ແລະ ໄພຂົ່ມຂູ່ຈາກລະເບີດບໍ່ທັນແຕກທີ່ຕົກຄ້າງທີ່ປະຊາຊົນລາວບັນດາເຜົ່າຕ້ອງປະເຊີນເຖິງແມ່ນວ່າສົງຄາມຈະສິ້ນສຸດລົງ 50 ກວ່າປີແລ້ວກໍຕາມ, ການແກະສະຫຼັກ ແລະ ການຕ່ຳແຜ່ນໄດ້ສະແດງໃຫ້ເຫັນສະພາບການດຳລົງຊີວິດຂອງປະຊາຊົນລາວໃນເຂດທີ່ມີລະເບີດບໍ່ທັນແຕກຕົກຄ້າງ ທີ່ຕົກຢູ່ໃນສະພາບຄວາມຫຍຸ້ງຍາກຢ້ານກົວ ແລະ ໃນບາງກໍລະນີໄດ້ພົບກັບການສູນເສຍຈາກການເກີດອຸບັດເຫດ ຍ້ອນລະ ເບີດບໍ່ທັນແຕກທີ່ຕົກຄ້າງ.

May be an image of 6 people and wedding

ພ້ອມນັ້ນໄດ້ມີການວາງສະແດງບັນດາລູກລະເບີດເປົ່າ ທີ່ສາມາດທ້ອນໂຮມໄວ້ໄດ້ຈຳນວນໜຶ່ງ ຊຶ່ງເປັນລະເບີດທີ່ປອດໄພແລ້ວ ເພື່ອໃຫ້ຜູ້ເຂົ້າທ່ຽວຊົມໄດ້ເຫັນລະເບີດແຕ່ລະຊະນິດ ແລະ ສຳພະວຸດຕ່າງໆທີ່ຕົກຄ້າງຢູ່ສປປ ລາວ ທັງມີການປັບປຸງຫ້ອງສາຍວີດີໂອ ຊຶ່ງຈະເປັນວີດີໂອທີ່ບອກເລົ່າເລື່ອງລາວກ່ຽວກັບປະຫວັດຂອງສົງຄາມອິນດູຈີນຄັ້ງທີ 2 ແລະ ມີວີດີໂອກ່ຽວກັບການເຄື່ອນໄຫວວຽກງານຂອງໂຄງການເກັບກູ້ລະເບີດແຫ່ງຊາດອີກຈຳນວນໜຶ່ງ.

ຂ່າວ: ປະຊາຊົນ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...