spot_img
Homeຂ່າວພາຍ​ໃນຈຳປາສັກ ເຂັ້ມງວດທຸລະກິດຮ້ານອາຫານ-ຮ້ານບັນເທີງ

ຈຳປາສັກ ເຂັ້ມງວດທຸລະກິດຮ້ານອາຫານ-ຮ້ານບັນເທີງ

Published on

ພະແນກຖະແຫລ່ງຂ່າວ, ວັດ ທະນະທຳ ແລະ ທ່ອງທ່ຽວ ແຂວງຈຳປາສັກ (ຖວທ) ໄດ້ອອກແຈ້ງການ ໃຫ້ເຂັ້ມງວດໃນການ ຄຸ້ມຄອງການເຄື່ອນໄຫວ ຂອງຫົວໜ່ວຍທຸລະກິດຮ້ານອາຫານ ຂອງບຸກຄົນ,ນິຕິບຸກຄົນ ທັງພາຍໃນ ແລະ ຕ່າງປະເທດ ພາຍໃນແຂວງຈຳປາສັກ ທີ່ຂໍໃບອະນຸຍາດເຄື່ອນໄຫວດຳເນີນທຸລະກິດເປັນຮ້ານອາຫານ ແຕ່ລະເມີດ ເປີດເປັນຮ້ານກິນດື່ມບັນເທີງ ພ້ອມທັງບໍລິການກາຍໂມງເວລາທີ່ທາງການກຳນົດ ແລະ ສົ່ງສຽງເນືອງນັນເກີນລະບຽບການກຳນົດໄວ້ ຊຶ່ງເປັນປະກົດການຫຍໍ້ທໍ້ເກີດຂຶ້ນໃນສັງຄົມ.

May be an image of lighting and text

ສຳລັບເນື້ອໃນແຈ້ງການ ໄດ້ເນັ້ນໜັກ ແລະ ລະບຸຊັດເຈນວ່າ: ມອບໃຫ້ຫົວໜ້າຫ້ອງການ ຖວທ 1 ນະຄອນ ແລະ 9 ຕົວເມືອງ ສົມທົບການຂະແໜງການທີ່ກ່ຽວຂ້ອງ ລົງສ້າງບົດບັນທຶກຮ່ວມກັບເຈົ້າຂອງທຸລະກິດຮ້ານອາຫານທີ່ຕົນອອກໃບອະນຸຍາດເຄື່ອນໄຫວເຮັດບໍລິການຮ້ານອາຫານ-ເຄື່ອງດຶ່ມ ແລະ ເພີ່ມການບໍລິການ ໃຫ້ແຂກຮ້ອງເພງ-ລຳ (ຄາຣາໂອເກະ) ແລະ ບໍລິການຮ້ອງເພງ-ລຳ ແກ່ແຂກ (ໂຟກຊອງ) ເພື່ອໃຫ້ຢຸດເຊົາການບໍລິການໃນຮູບແບບດັ່ງກ່າວ.

May be an image of 5 people, people studying and table

ແຕ່ຖ້າເຈົ້າຂອງທຸລະກິດຢາກສືບຕໍ່ດຳເນີນທຸລະກິດເພີ່ມ ໃນຮູບແບບບັນເທີງ ໃຫ້ແນະນຳເຈົ້າຂອງທຸລະກິດ ເຂົ້າມາຍື່ນຄຳຮ້ອງຂໍອະນຸຍາດການດຳເນີນທຸລະກິດບັນເທີງດ້ວຍຕົນເອງ ຢູ່ຫ້ອງການບໍລິ ການລົງທຶນປະຕູດຽວຂັ້ນແຂວງ ໂດຍກຳນົດສົ່ງບົດລາຍ ແລະ ບົດບັນທຶກຮ່ວມກັບເຈົ້າຂອງທຸລະກິດ ແກ່ພະແນກ ຖວທ ແຂວງໂດຍໄວ ໂດຍສະເພາະ ນະຄອນປາກເຊ, ຊຶ່ງເປັນນະຄອນທ່ອງທ່ຽວ ບໍ່ໃຫ້ເກີນວັນທີ 23 ສິງຫາ 2024.

May be an image of 12 people and text

ໂອກາດດຽວກັນ, ຄະນະດັ່ງກ່າວ ຍັງໄດ້ລົງກວດກາການເຄື່ອນ ໄຫວດຳເນີນທຸລະກິດ 2 ຮ້ານຄື: ຮ້ານ ເຢດ 99 ບາ ແລະ ຮ້ານ ໂຊບາ, ຊຶ່ງໃບທະບຽນອະນຸຍາດ ແມ່ນເປີດເປັນຮ້ານອາຫານ, ແຕ່ຕົວຈິງແມ່ນເປັນຮ້ານບັນເທີງ ຊຶ່ງຜິດກັບການອະນຸຍາດ ແລະ ໄດ້ເຮັດບົດບັນທຶກ ໃຫ້ເຈົ້າຂອງກິດຈະການ ໄປປະກອບເອກະສານອະນຸຍາດ ໃຫ້ຖືກຕ້ອງ.

ຂ່າວ: ໜັງສືພິມຈຳປາໃໝ່

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...