spot_img
Homeຂ່າວພາຍ​ໃນເສົາໄຟຫັກຫຼາຍຕົ້ນ ຈາກເຫດການນໍ້າຖ້ວມຊຸ ທີ່ແຂວງຫົວພັນ

ເສົາໄຟຫັກຫຼາຍຕົ້ນ ຈາກເຫດການນໍ້າຖ້ວມຊຸ ທີ່ແຂວງຫົວພັນ

Published on

ຈາກການລາຍງານຂອງ ລັດວິສາຫະກິດໄຟຟ້າລາວ ສາຂາແຂວງຫົວພັນ ໃຫ້ຮູ້ວ່າ: ເດືອນກໍລະກົດທີ່ຜ່ານມາ, ໃນຂອບເຂດທົ່ວແຂວງຫົວພັນ ມີຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ຫ້ວຍນໍ້າຫຼາຍສາຍ ມີລະດັບນໍ້າເພີ່ມຂຶ້ນຢ່າງໄວວາ, ເກີດມີນໍ້າປ່າໄຫຼຫຼາກເຮັດໃຫ້ມີຜົນກະທົບຕໍ່ເສັ້ນທາງຫຼາຍເສັ້ນ, ດິນຍຸບ, ນໍ້າໄຫຼສຸເຂົ້າເຮືອນຊານ, ໄຮ່ນາຂອງປະຊາຊົນເສຍຫາຍຫຼາຍພໍສົມຄວນ.

No photo description available.

ໃນນີ້ເມືອງຊ່ອນ, ເມືອງຮ້ຽມ ແລະ ເມືອງຫົວເມືອງ ກໍ່ເປັນເມືອງ ທີ່ໄດ້ຮັບຜົນກະທົບໜັກພໍສົມຄວນເຮັດໃຫ້ເຮືອນຈັກເຂື່ອນໄຟຟ້ານໍ້າແອດໄດ້ຖືກນໍ້າເຊາະເຈື່ອນເສຍຫາຍ, ມີເສົາໄຟຟ້າຫັກ/ລົ້ມ ເຂດແລວຕາຂ່າຍຈາກ ເມືອງຮ້ຽມ ຫາ ເທດສະບານເມືອງຊ່ອນ ຂໍ້ມູນເບື້ອງຕົ້ນ ເສົາ 12 ແມັດ ຈໍານວນ 42 ຕົ້ນ, ຄອນສາຍ 51 ຄອນ.

No photo description available.

ເຂດເມືອງຮ້ຽມ ຈຸດບ້ານນໍ້າປຸ່ງ ຫາ ສາກົກຂໍ້ມູນເບື້ອງຕົ້ນ ເສົາ 12 ແມັດ ຈໍານວນ 19 ຕົ້ນ, ຄອນສາຍ 43 ຄອນ ແລະ ເຂດເມືອງຫົວເມືອງ ຈຸດພູເລົ້າ, ບ້ານຫ້ວຍໃໝ່ ແລະ ບ້ານສົບນາ ຂໍ້ມູນເບື້ອງຕົ້ນ ເສົາ 8 ແມັດ ຈໍານວນ 3 ຕົ້ນ, ເສົາ 12 ແມັດ ຈໍານວນ 1 ຕົ້ນ, ຄອນສາຍ ຈໍານວນ 5 ຄອນ. ເຊິ່ງປັດຈຸບັນນີ້, ເຈົ້າໜ້າທີ່ພ້ອມພາກສ່ວນກ່ຽວຂ້ອງກຳລັງທຳການສ້ອມແປງບັນດາເສົາໄຟຟ້າທີ່ໄດ້ຮັບຄວາມເສຍຫາຍຈາກເຫດການດັ່ງກ່າວ.

May be an image of 1 person, grass and tree

ຂ່າວ: ລັດວິສາຫະກິດໄຟຟ້າລາວ ສາຂາແຂວງຫົວພັນ

ບົດຄວາມຫຼ້າສຸດ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...