spot_img
Homeທົ່ວໄປອາສາສະໝັກ 3 ແຂວງຮ່ວມກັນຝຶກຊ້ອມ ເໝືອນຈິງ ວຽກງານກູ້ໄພສຸກເສີນ

ອາສາສະໝັກ 3 ແຂວງຮ່ວມກັນຝຶກຊ້ອມ ເໝືອນຈິງ ວຽກງານກູ້ໄພສຸກເສີນ

Published on

ການຝຶກຊ້ອມ ເໝືອນຈິງ ວຽກງານກູ້ໄພສຸກເສີນ ທີ່ອົງການກາແດງແຂວງຫຼວງພະບາງໄດ້ເປັນເຈົ້າພາບ ໄດ້ສຳເລັດໃນວັນທີ່ 2 ສີງຫາ 2024 ພາຍຫຼັງດຳເນີນມາແຕ່ວັນທີ 31 ກໍລະກົດ 2024 ນີ້ ທີ່ທ່ານ້ຳຄານບ້ານຫາດຮ່ຽນ ນະຄອນຫຼວງພະບາງ ມີທ່ານ ວຽງສະຫວັນ ກະເສີມສຸກ ຫົວໜ້າອົງການກາແດງແຂວງ, ພ້ອມດ້ວຍຮອງຫົວໜ້າພະແນກການ-ກົມກອງ ແລະ ອາສາສະໝັກກູ້ໄພຈາກ ແຂວງຫຼວງພະບາງ, ແຂວງໄຊຍະບູລີ ແລະແຂວງອຸດົມໄຊ ເຂົ້າຮ່ວມ.

ທ່ານ ວຽງສະຫວັນ ກະເສີມສຸກ ໄດ້ມີຄຳເຫັນເນັ້ນໜັກໃຫ້ອາສາສະໝັກ ຈາກທຸກພາກສ່ວນທີ່ເຂົ້າຮ່ວມ ພ້ອມກັນເອົາໃຈໃສ່ປະຕິບັດໜ້າທີ່ ຕາມການແນະນຳຂອງຄະນະຮັບຜິດຊອບ ເພື່ອເຮັດໃຫ້ການຝຶກຊ້ອມມີຄວາມປອດໄພ ແລະ ພ້ອມກັນນຳເອົາບົດຮຽນໄປໝູນໃຊ້ໃຫ້ໄດ້ຮັບຜົນດີ.

ການຝຶກຊ້ອມ ເໝືອນຈິງ ວຽກງານກູ້ໄພສຸກເສີນທາງບົກ, ທາງນໍ້າ, ການມອດໄຟ, ການຊ່ວຍຄົນຕົກນໍ້າ, ຍົກຍ້າຍ, ການປະຖົມພະຍາບານຜູ້ບາດເຈັບ, ການຊ່ວຍເຫຼືອບັນເທົາທຸກສຸກເສີນ ແລະວຽກງານສຸຂະພິບານເວລາມີເຫດສຸກເສີນ ຄັ້ງນີ້ ຈັດຂື້ນເປັນປີທີ່ 2 ໂດຍໄດ້ຮັບງົບປະມານສະໜັບສະໜູນຈາກອົງການກາແດງສະວິດສ໌ ຈຳນວນ 48 ລ້ານກີບ ປະກອບມີ 4 ພາກສ່ວນເຂົ້າຮ່ວມຄື: ອົງການກາແດງແຂວງຫຼວງພະບາງ, ແຂວງໄຊຍະບູລີ ແລະແຂວງອຸດົມໄຊ, ກອງເລຂາຄະນະກຳມະການຄຸ້ມຄອງໄພພິບັດຂັ້ນແຂວງ, ຕຳຫຼວດດັບເພີງ, ກອງບັນຊາການທະຫານແຂວງ ລວມທັງໝົດ 101 ຄົນ, ຍິງ 35 ຄົນ, ເຊີ່ງໄດ້ຮັບການຊີ້ນຳ ແລະຝຶກຕົວຈິງ ຈາກທິມງານວິຊາການພະແນກການແພດສຸກເສີນ ແລະພະແນກຄຸ້ມຄອງໄພພິບັດ ອົງການກາແດງແຫ່ງຊາດລາວ, ທັງຈັດຕັ້ງຂຶ້ນບົນພື້ນຖານ ສະພາບຕົວຈິງຂອງແຂວງຫຼວງພະບາງ ໂດຍຖືເອົາການກູ້ໄພທາງນໍ້າ-ທາງບົກເປັນຫຼັກ ແລະຖືເອົາບັນດາເຫດການ ທີ່ມັກຈະເກີດຂຶ້ນຢູ່ແຂວງຫຼວງພະບາງ ເປັນຕົ້ນ, ປະກົດການນໍ້າປ່າໄຫຼສຸ, ໄຟໄໝ້ລົດຕົກເຫວ ທີ່ມີຄົນຕິດຢູ່ຄ້າງໃນ ແລະການຊ່ວຍເຫຼືອບັນເທົາທຸກ ກໍຄື ວຽກງານສຸຂາພິບານໃນເຫດການສຸກເສີນ.

ໂອກາດນີ້ ຜູ້ເຂົ້າຮ່ວມໄດ້ຮັບຊົມການຝຶກຊ້ອມເປັນຕົ້ນ ການຊອກຫາ ແລະຊ່ວຍເຫຼືອປະຊາຊົນເວລາມີເຫດການນ້ຳປ່າໄຫຼສຸ, ການເຄື່ອນຍ້າຍປະຊາຊົນ ແລະຄົນເຈັບ ໄປສະຖານທີ່ປອດໄພ, ການດຳເນີນການມອດໄຟ ກໍລະມີມີເຫດການໄຟໄໝ້ເຮືອນ, ການສາທິດມອດໄຟທີ່ເກີດຂື້ນກັບຖັງແກັສ, ການມອດໄຟໄໝ້ທີ່ໃຊ້ກຳລັງຄົນ, ການຊ່ວຍເຫຼືອຄົນເຈັບຕິດຄ້າງໃນລົດ ເວລາເກີດອຸບັດຕິເຫດ ໂຍການນຳໃຊ້ເຄື່ອງຕັດຖ່າງ, ການຕັ້ງຈຸດບໍລິການບຳບັດນ້ຳເປື້ອນ ເພື່ອຊ່ວຍເຫຼືອປະຊາຊົນ ເວລາມີເຫດການນຳຖ້ວມ. ຊຶ່ງການຝຶກຊ້ອມສາມາດຮັບປະກັນຄວາມປອດໄພ ແລະບັນລຸຜົນສຳເລັດເປັນຢ່າງດີ.

ແຫຼ່ງຂ່າວ: Lao National Radio

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...