spot_img
Homeຂ່າວພາຍ​ໃນຕິດຕາມລາຄາສິນຄ້າ ຢູ່ຕະຫລາດໃໝ່ປາກເຊ

ຕິດຕາມລາຄາສິນຄ້າ ຢູ່ຕະຫລາດໃໝ່ປາກເຊ

Published on

ແຫຼ່ງຂ່າວຈາກ ແຂວງຈຳປາສັກ ໃຫ້ຮູ້ວ່າ: ທ່ານ ບຸນຍະເດດ ທອງສະຫວັນ ຫົວໜ້າພະແນກອຸດສາຫະກໍາ ແລະ ການຄ້າ (ອຄ) ແຂວງຈຳປາສັກ ພ້ອມດ້ວຍຂະແໜງການຄ້າພາຍໃນ ແລະ ເຈົ້າໜ້າທີ່ກວດກາການຄ້າທີ່ກ່ຽວຂ້ອງ ເຄື່ອນໄຫວຕິດຕາມເກັບກໍາຂໍ້ມູນ ລາຄາສິນຄ້າ ອຸປະໂພກ-ບໍລິໂພກ ໂດຍສະພາະ ລາຄາໝາກໄມ້, ລາຄາເຄື່ອງນຸ່ງຫົ່ມ, ລາຄາຊີ້ນໝູ, ໄກ່, ປາ ແລະ ເຂົ້າສານ ໃນວັນທີ 31 ກໍລະກົດ ທີ່ຜ່ານມາ ທີ່ຕະຫຼາດໃໝ່ປາກເຊ, ພ້ອມທັງເກັບກໍາຂໍ້ມູນສິນຄ້າອຸປະໂພກ-ບໍລິໂພກ ທີ່ນໍາມາຈໍາໜ່າຍຢູ່ຕະຫຼາດດັ່ງກ່າວ, ຊຸກຍູ້ໃຫ້ພໍ່ຄ້າຊາວຂາຍ ຕິດລາຄາສິນຄ້າທີ່ວາງຈໍາໜ່າຍ ເປັນເງິນກີບ ແລະ ຊຸກຍູ້ໃຫ້ຕິດສະຫຼາກສິນຄ້າ ເປັນພາສາລາວ ຕື່ມອີກ.

May be an image of 5 people and text

ຈຸດປະສົງ ກໍເພື່ອເກັບກໍາຂໍ້ມູນລາຄາສິນຄ້າອຸປະໂພກ-ບໍລິໂພກ ຢູ່ຕະຫລາດໃໝ່ປາກເຊ ໃຫ້ເຫັນສະພາບຕົວຈິງ ດ້ານລາຄາສິນຄ້າ ທີ່ຜູ້ຄ້າຂາຍໄດ້ວາງຂາຍ ຖືກຕ້ອງຕາມລາຄາທີ່ພາກລັດກໍານົດ ຫລື ບໍ່ ເພື່ອປຸກລະດົມຊຸກຍູ້ ໃຫ້ແມ່ຄ້າໄດ້ຂາຍສິນຄ້າຂອງຕົນ ຖືກຕ້ອງຕາມລາຄາທີ່ລັດກໍານົດໃຫ້.

May be an image of 6 people and text

ສ່ວນລາຄາສິນຄ້າໃນໄລຍະທ້າຍ ເດືອນກໍລະກົດ 2024, ເຂົ້າສານໜຽວ ລາຄາ ຕໍ່າສຸດ 13.000 ກີບຕໍ່ກິໂລກຣາມ ແລະ ລາຄາ ສູງສຸດ 18.000 ກີບຕໍ່ກິໂລກຣາມ, ເຂົ້າສານຈ້າວ ລາຄາ ຕໍ່າສຸດ 20.000 ກີບຕໍ່ກິໂລກຣາມ ແລະ ລາຄາ ສູງສຸດ 25.000 ກີບຕໍ່ກິໂລກຣາມ, ຊີ້ນໝູ ລາຄາ 85.000 ກີບຕໍ່ກິໂລກຣາມ, ຊີ້ນງົວ ແລະ ຄວາຍ ລາຄາ 140.000 ກີບຕໍ່ກິໂລກຣາມ, ປານິນລ້ຽງ ມີລາຄາ 60.000 ກີບຕໍ່ກິໂລກຣາມ, ປາດຸກລ້ຽງ ລາຄາ 38.000 ກີບຕໍ່ກິໂລກຣາມ, ໄຂ່ໄກ່ ລາຄາ 65.000 ກີບຕໍ່ແຕະ.

May be an image of 5 people and text

ສໍາລັບການຕອບສະໜອງຄວາມຕ້ອງການ ສິນຄ້າ ໃນໄລຍະ 6 ເດືອນ 2024 ໂດຍສະເພາະ ເຂົ້າສານໜຽວ ສາມາດຕອບສະໜອງໄດ້ 23 ໂຕນຕໍ່ເດືອນ, ຊີ້ນໝູ ສາມາດຕອບສະໜອງຄວາມຕ້ອງການໄດ້ 80 ໂຕນຕໍ່ເດືອນ, ປານິນ ສາມາດຕອບສະໜອງໄດ້ 160 ໂຕນຕໍ່ເດືອນ, ໄຂ່ໄກ່ ສາມາດຕອບສະໜອງໄດ້ 210.000 ແຕະຕໍ່ເດືອນ.

ຂ່າວ-ພາບ: ທູນທອງໃຈ, ປະເທດລາວ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...