spot_img
Homeຂ່າວພາຍ​ໃນຈັບ 4 ຜູ້ຕ້ອງຫາພ້ອມຢາບ້າ 264 ເມັດ

ຈັບ 4 ຜູ້ຕ້ອງຫາພ້ອມຢາບ້າ 264 ເມັດ

Published on

ໃນຕົ້ນເດືອນ ກໍລະກົດ 2024 ຜ່ານມານີ້ ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງຫຼວງນໍ້າທາ ແຂວງຫຼວງນ້ຳທາ ໄດ້ຮັບລາຍງານຈາກພົນລະເມືອງດີວ່າ ມີກຸ່ມຄົນບໍ່ດີເຄື່ອນໄຫວມົ້ວສຸມຢາເສບຕິດ ຢູ່ເຂດ ບ້ານນ້ຳແງ້ນ, ບ້ານຫຼວງ ແລະ ບ້ານໂພນໄຊສະຫວ່າງ ເມືອງ ແລະ ແຂວງຫຼວງນ້ຳທາ.

ທາງໜ່ວຍງານສະກັດກັ້ນ ແລະ ຕ້ານຢາເສບຕິດ ລົງເຄື່ອນໄຫວຕິດຕາມ ກວດກາຕົວຈິງ, ສາມາດກັກຜູ້ຖືກຫາໄດ້ 4 ຄົນ ຊື່ ທ້າວ ສິງໄລ ອາຍຸ 33 ປີ, ຢູ່ ບ້ານນາຫ້ອມ, ພ້ອມຂອງກາງຢາບ້າຈຳນວນ 81 ເມັດ; ທ້າວ ແປງ, ອາຍຸ 27 ປີ, ຢູ່ ບ້ານນໍ້າແງ້ນ, ພ້ອມຂອງກາງຢາບ້າ 6 ເມັດ; ທ້າວ ສີລົງ, ອາຍຸ 48 ປີ, ຢູ່ບ້ານຫຼວງ, ພ້ອມຂອງກາງຢາບ້າຈຳນວນ 171 ເມັດ, ທັງ 3 ຄົນ ແມ່ນປະຊາຊົນ ຢູ່ເມືອງ ແລະ ແຂວງຫຼວງນໍ້າທາ; ທ້າວ ທອງວັນ, ອາຍຸ 35 ປີ, ປະຊາຊົນຢູ່ ບ້ານໃຕ້, ເມືອງຍອດອູ ແຂວງຜົ້ງສາລີ, ພ້ອມຂອງກາງຢາບ້າ 6 ເມັດ.

ຜ່ານການສອບສ່ວນຂອງເຈົ້າໜ້າທີ ຜູ້ຖືກຫາທັງ 04 ຄົນໄດ້ຮັບສາລະພາບວ່າ: ຢາເສບຕິດ ປະເພດຢາບ້າ ທີ່ເຈົ້າໜ້າທີ່ກວດພົບເຫັນນັ້ນ ແມ່ນຂອງພວກກ່ຽວແທ້ ເຊິ່ງພວກກ່ຽວໄດ້ພົວພັນ ຊື້-ຂາຍ ນໍາຜູ້ຮ່ວມຂະບວນການດຽວກັນ ຈຸດປະສົງແມ່ນຊື້ມາໄວ້ເພື່ອເສບ ແລະ ຂາຍຍ່ອຍ. ປັດຈຸບັນຜູ້ຖືກຫາທັງ 04 ຄົນ ເຈົ້າໜ້າທີທີ່ກ່ຽວຂ້ອງ ກັກຂັງໄວ້ຄ້າຍຂຸມຂັງ-ດັດສ້າງ ປກສ ແຂວງ

ຂ່າວ: ຮອ ຈ໋າຍຮ່ວມ ວິວັນໂຫຼຍ, ປກສ ແຂວງຫຼວງນ້ຳທາ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...