ໃນວັນທີ 5 ກໍລະກົດ 2024 ຢູ່ຫ້ອງວ່າການແຂວງວຽງຈັນ, ໄດ້ຈັດພິທີຈູດທໍາລາຍຢາເສບຕິດ ປະຈໍາປີ 2024, ເນື່ອງໃນໂອກາດສະເຫຼີມສະຫຼອງ ວັນສາກົນຕ້ານຢາເສບຕິດ 26 ມິຖຸນາ, ຄົບຮອບ 37 ປີ; ໂດຍການເປັນກຽດເຂົ້າຮ່ວມຂອງທ່ານ ຄໍາພັນ ສິດທິດຳພາ, ກຳມະການສູນກາງພັກ ເຈົ້າແຂວງວຽງຈັນ.
ຢາເສບຕິດທີ່ນຳມາທຳລາຍໃນຄັ້ງນີ້ ເປັນຢາເສບຕິດທີ່ສານຕັດສິນຢ່າງເດັດຂາດ ແລະ ຂອງກາງທີ່ດຳເນີນສໍາເລັດ ທີ່ກອງບັນຊາການ ປກສ ແຂວງວຽງຈັນ, ສົມທົບກັບພາກສ່ວນກ່ຽວຂ້ອງ ແລະ ປກສ 11 ເມືອງ, ໄດ້ສັງລວມມາທໍາລາຍ ນັບຕັ້ງແຕ່ 6 ເດືອນທ້າຍປີ 2023 ຫາ 6 ເດືອນຕົ້ນປີ 2024 ລວມມີ: ຢາບ້າ 215,499 ເມັດ, ນໍ້າໜັກ 19.39 ກິໂລກຣາມ, ຢາໄອສ 502.10 ກິໂລກຣາມ, ຢາອີ 33 ເມັດ ນໍ້າໜັກ 12.47 ກຣາມ ແລະ ຄໍລາເຈນ 3 ຊອງ ນໍ້າໜັກ 198.81 ກຣາມ, ໃບກະທ້ອມ 34.7 ກິໂລກຣາມ(ສະເພາະແຂວງມ້າງ), ຢາດີໄອ 605 ແກ້ວ ແລະ ຢາສູບໄຟຟ້າ 288 ອັນ ມາຈູດທໍາລາຍຖິ້ມ.
ຂ່າວ: ວສລ