ເວັບໄຊ້ຂ່າວຕ່າງປະເທດລາຍງານໃນວັັນທີ 8 ກໍລະກົດ 2024 ນີ້ກ່ຽວກັບເຫດການຄວາມວຸ່ນວາຍໃນຖ້ຽວບິນ CA2754 ຂອງສາຍການບິນ ແອຊາຍນ່າ ທີ່ມີກຳນົດໃນການເດີນທາງຈາກ ສະໜາມບິນສູໂຈໄປເຊີນຕູ ຕ້ອງຖືກຍົກເລີກຖ້ຽວບິນ ຫຼັງປ້າຊາວຈີນຄົນໜຶ່ງໄດ້ເປີດປະຕູສຸກເສີນອອກ ເພາະຄິດວ່າເປັນປະຕູຫ້ອງນ້ຳ ເຮັດໃຫ້ສະໄລ້ສຸກເສີນກາງອອກ.
ຕາມການລາຍງານເຫດການດັ່ງກ່າວເກີດຂຶ້ນເມື່ອວັນທີ 4 ກໍລະກົດ 2024 ເຮັດໃຫ້ຜູ້ໂດຍສານທີ່ຢູ່ໃນເຮືອບິນແຕກຕື່ນ ແລະ ທາງສາຍການບິນຕ້ອງໄດ້ຍົກເລີກຖ້ຽວບິນ ຂະນະດຽວກັນທາງສຳນັກງານຄວາມປອດໄພສາທາລະນະຂອງສະໜາມບິນສູໂຈ ອອມາຢືນຢັນວ່າ: ນີ້ເປັນຄັ້ງທຳອິດທີ່ປ້າຄົນດັ່ງກ່າວຂຶ້ນເຮືອບິນ.
ຢ່າງໃດກໍຕາມພາຍຫຼັງຍົກເລີກຖ້ຽວບິນດັ່ງກ່າວ ທາງສາຍການບິນໄດ້ຈ່າຍຄ່າຊົດເຊີຍຫ້ອງພັກໃຫ້ກັບຜູ້ໂດຍສານທຸກຄົນ ຖືກຄົນລະ 400 ຢວນ ຫຼື ປະມານເກືອບ 1,500,000 ກີບ. ຕາມການລາຍງານຍັງເປີດເຜີຍອີກວ່າ: ຄ່າຊົດເຊີຍທີ່ຜູ້ໂດຍສານລາຍນີ້ຕ້ອງໄດ້ຈ່າຍອາດສູງເຖິງ 100,000-200,000 ຢວນ ຫຼື ປະມານ 700 ລ້ານກີບ ຂຶ້ນຢູ່ກັບປະເພດຂອງເຮືອບິນ.
ທີ່ມາ: ຂ່າວສົດ