ອີງຕາມການລາຍງານເມື່ອບໍ່ດົນມານີ້ກ່ຽວກັບເຫດການສະເທືອນຂວັນ ເມື່ອເດັກນ້ອຍຜູ້ຍິງອາຍຸ 14 ປີ ຖືກຂືນໃຈແລ້ວຖືກຄາຕະກຳ ທີ່ບ້ານທົ່ງສາລາ, ເມືອງບາຈຽງ, ແຂວງຈຳປາສັກ.
ຈາກເຫດການດັ່ງກ່າວ ອ້າຍຂອງຜູ້ເສຍຊີວິດໄດ້ອອກມາໂພສຜ່ານເຟສບຸກສ່ວນຕົວເພື່ອຂໍຄວາມເປັນທຳໃຫ້ແກ່ນ້ອງສາວ ໃນວັນທີ 26 ມິຖຸນາ 2024 ຜ່ານມາໂດຍມີເນື້ອໃນວ່າ: ຂໍຄວາມຍຸດຕິທຳໃຫ້ນ້ອງຜູ້ຂ້າແນ່ຖ້ອນ ຂໍໃຫ້ນຳຈັບຄົນຮ້າຍມາລົງໂທດຕາມກົດຫມາຍໄວໆດ້ວຍເທີ້ນ ຈະຢູ່ໃນຄວາມຊົງຈຳຕະຫລອດໄປຮັກແລະຄິດຮອດສະເໝີເດີນາງຟ້າໂຕນ້ອຍ ແດັດດີ້ ທີ່ບ້ານ:ທົ່ງສາລາ, ເມືອງບາຈຽງ, ແຂວງຈຳປາສັກ ຝາກເຕືອນທຸກຄົນໄປໃສມາໃສລະມັດລະວັງບໍ່ໃຫ້ໄປຄົນດຽວເດີທຸກມື້ນີ້ຕິດຢາບ້າກາວມັນຫລາຍ ສັງຄົມສູ່ມື້ນີ້ຢູ່ຍາກ, ຄະຕິເຕືອນໃຈ.
ເຊິ່ງເຫດການໃນຄັ້ງນີ້ກໍມີຫຼາຍຄົນໃຫ້ຄວາມສົມໃຈ ກັບຕັ້ງຄຳຖາມວ່າເກີດຫຍັງຂຶ້ນ ພ້ອມມາສະແດງຄວາມຄິດເຫັນເຊັ່ນ: ຂໍໃຫ້ຈັບຄົນຮ້າຍໄດ້ໄວໆ ແລະ ສະແດງຄວາມເສຍໃຈ ທັງນີ້ຂໍໃຫ້ເຈົ້າໜ້າທີ່ ແລະ ພາກສ່ວນກ່ຽວຂ້ອງສາມາດຈັບຕົວຄົນຮ້າຍມາລົງໂທດໃຫ້ໄດ້.