Homeຂ່າວພາຍ​ໃນໄຊຍະບູລີ ທຳລາຍຢາເສບຕິດຫຼາຍປະເພດ

ໄຊຍະບູລີ ທຳລາຍຢາເສບຕິດຫຼາຍປະເພດ

Published on

ວັນທີ 26 ມິຖຸນາທີ່ຜ່ານມາ, ປກສ ແຂວງໄຊຍະບູລີ ໄດ້ຈັດພິທີຈູດທຳລາຍຢາເສບຕິດ ປະເພດຢາບ້າ 374,422 ເມັດ, ນໍ້າໜັກ 41,834.4 ກຼາມ; ຢາຝິ່ນ 971.5 ກຼາມ ແລະ ຢາໄອສ໌ 42.1 ກຼາມ, ຢູ່ທີ່ເດີ່ນສະໜາມຫຼວງແຂວງໄຊຍບູລີ; ໂດຍການໃຫ້ກຽດເຂົ້າຮ່ວມຂອງ ພົຈວ ຄໍາແພງ ເພັດ ຫົວໜ້າກອງບັນຊາການ ປກສ ແຂວງໄຊຍະບູລີ, ຮອງປະທານຄະນະກຳມະການກວດກາ ແລະ ຄວບຄຸມຢາເສບຕິດຂັ້ນແຂວງ, ມີບັນດາກຳມະການປະຈຳພັກແຂວງ, ກຳມະການພັກແຂວງ, ສະມາຊິກສະພາປະຊາຊົນແຂວງ, ພະແນກການ, ກົມ-ກອງອ້ອມຂ້າງແຂວງ ແລະ ເມືອງ, ສະຖາບັນການສຶກສາ ຕະຫຼອດຮອດອໍານາດການປົກຄອງບ້ານພາຍໃນເທດສະບານເມືອງໄຊຍະບູລີ ເຂົ້າຮ່ວມ.

ພົຈວ ຄໍາແພງ ເພັດ ໃຫ້ຮູ້ວ່າ: ໃນຊຸມປີຜ່ານມາ, ພັກ-ລັດຖະບານ, ອົງການປົກຄອງແຂວງໄຊຍະບູລີ ກໍຄືກໍາລັງປ້ອງກັນຄວາມສະຫງົບແຂວງ, ເມືອງ, ການຈັດຕັ້ງທຸກຂັ້ນ ໄດ້ຖືເອົາການສະກັດກັ້ນ ແລະ ແກ້ໄຂບັນຫາຢາເສບຕິດ ເປັນວຽກງານບູລິມາສິດໜຶ່ງທີ່ສຳຄັນ ໂດຍສົມທົບຫຼາຍມາດຕະການເພື່ອແກ້ໄຂບັນຫາດັ່ງກ່າວ ເຊັ່ນ: ການລົງໂຄສະນາເຜີຍແຜ່ແນວທາງນະໂຍບາຍ, ລະບຽບກົດໝາຍ ແລະ ມະຕິ, ຄຳສັ່ງ, ຄຳແນະນຳຂອງພັກ-ລັດ ກ່ຽວກັບບັນຫາຢາເສບຕິດ ເປັນຕົ້ນແມ່ນໄດ້ເອົາໃຈໃສ່ໂຄສະນາສຶກສາອົບຮົມໃຫ້ປະຊາຊົນບັນດາເຜົ່າ ຮັບຮູ້ເຖິງຜົນຮ້າຍຂອງຢາເສບຕິດ ໄດ້ 1,082 ຄັ້ງ, ມີຜູ້ເຂົ້າຮ່ວມ 177,141 ເທື່ອຄົນ, ຍິງ 84,862 ເທື່ອຄົນ; ໄດ້ເອົາໃຈໃສ່ສ້າງບ້ານ, ສະຖາບັນການສຶກສາ ໃຫ້ປອດຢາເສບຕິດ ທົ່ວແຂວງ ມີໂຮງຮຽນປອດຢາເສບຕິດ 81 ແຫ່ງ, ບ້ານປອດຢາເສບຕິດ 178 ບ້ານ, ໄດ້ສ້າງເງື່ອນໄຂໃຫ້ປະຊາຊົນຫັນໄປປະກອບອາຊີບອື່ນທີ່ໝັ້ນຄົງໃນໂຄງການປູກພືດທົດແທນການປູກຝິ່ນ.

ໃນປີ 2023 ທົ່ວແຂວງ ສາມາດມ້າງລາຍຄະດີໄດ້ 249 ເລື່ອງ, ມີຜູ້ຖືກຫາ 291 ຄົນ, ຍິງ 34 ຄົນ, ຢຶດຢາເສບຕິດປະເພດຢາບ້າ 12,217,594 ເມັດ, ຢາໄອສ໌ 0.6 ກຼາມ, ຢາຝິ່ນ 0.4 ກຼາມ; ໃນປີ 2023 ສານຕັດສິນຄະດີຢາເສບຕິດ ນັບແຕ່ວັນທີ 12 ຕຸລາ 2023 – 26 ມິຖຸນາ 2024 ມີ 311 ເລື່ອງ, ມີນັກໂທດ 402 ຄົນ, ຍິງ 53 ຄົນ, ຢາບ້າ 374,422 ເມັດ, ນໍ້າໜັກ 41,834.4 ກຼາມ, ຢາຝິ່ນ 971.5 ກຼາມ ແລະ ຢາໄອສ໌ 42.1 ກຼາມ ເຊິ່ງຢາເສບຕິດຈຳນວນດັ່ງກ່າວ ໄດ້ນຳມາຈູດທຳລາຍຖິ້ມໃນຄັ້ງນີ້.

ຂ່າວ: ວາລະສານປ້ອງກັນຄວາມສະຫງົບ. ພາບ: ຂ່າວ ປກສ ແຂວງໄຊຍະບູລີ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...