spot_img
Homeຂ່າວພາຍ​ໃນອຸປະສັກພັດທະນາຊົນນະບົດ-ແກ້ໄຂຄວາມທຸກຍາກ

ອຸປະສັກພັດທະນາຊົນນະບົດ-ແກ້ໄຂຄວາມທຸກຍາກ

Published on

ໃນການດຳເນີນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີ IX, ທ່ານ ຄໍາສິງ ໄຊສົມແພງ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 14 ແຂວງສາລະວັນ ໄດ້ປະກອບຄໍາເຫັນຕໍ່ບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດາຄາດໝາຍຂອງວຽກງານ ພັດທະນາຊົນນະບົດ ແລະ ແກ້ໄຂຄວາມທຸກຍາກ ເຊິ່ງມີບາງຕອນທ່ານກ່າວວ່າ ປັດໄຈຕົ້ນຕໍທີ່ເປັນອຸປະສັກຕໍ່ການພັດທະນາຊົນນະບົດ ກໍຄືການແກ້ໄຂຄວາມທຸກຍາກຂອງປະຊາຊົນແມ່ນ:

May be an image of 5 people and text

1. ທີ່ດິນ: ເປັນປັດໄຈສໍາຄັນ ແລະ ເຫັນວ່າມີຄວາມຫຍຸ້ງຍາກ ເຖິງແມ່ນມີການຈັດສັນ, ແບ່ງປັນໃຫ້ແຕ່ລະຄອບຄົວແລ້ວກໍຕາມ ແຕ່ຍັງບໍ່ພຽງພໍ ເພາະການພັດທະນາຊົນນະບົດ ແມ່ນກ່ຽວຂ້ອງກັບການຜະລິດ, ປູກຝັງ ແລະ ລ້ຽງສັດຕ່າງໆ ລ້ວນແລ້ວແຕ່ອາໄສທີ່ດິນ ຖ້າເຮົາບໍ່ມີທີ່ດິນພຽງພໍເພື່ອຕອບສະໜອງໃຫ້ປະຊາຊົນທໍາມາຫາກິນ ກໍຖືວ່າມີຄວາມຫຍຸ້ງຍາກ ແລະ ບໍ່ປະສົບຜົນສໍາເລັດໃນການພັດທະນາຊົນນະບົດ ກໍຄືການແກ້ໄຂຄວາມທຸກຍາກຂອງປະຊາຊົນ.

May be an image of motorcycle

2. ພື້ນຖານໂຄງລ່າງ: ລະບົບເສັ້ນທາງ ແລະ ຊົນລະປະທານ ຫາກບໍ່ຕອບສະໜອງໄດ້ ກໍພາໃຫ້ປະສົບບັນຫາ; ຜ່ານການລົງພົບປະປະປະຊາຊົນ ເຫັນວ່າໃນລະດູຝົນເຂົາເຈົ້າທໍາການຜະລິດໄດ້ ແຕ່ການກະຈາຍຫາຕະຫຼາດບໍ່ໄດ້ ຍ້ອນບັນຫາເສັ້ນທາງ, ເວລາຝົນຕົກນໍ້ານອງບໍ່ມີຂົວຂ້າມ.

No photo description available.

3. ບຸກຄະລາກອນ ຫຼື ກໍາລັງແຮງງານ: ບໍ່ວ່າແຕ່ຢູ່ຊົນນະບົດ, ຢູ່ໃນເມືອງກໍເຊັ່ນດຽວກັນ ຈະຊອກຫາໄວໜຸ່ມສີມືແຮງງານແມ່ນຍາກຫຼາຍ ກໍຄືເຮົາຮູ້ນໍາກັນແລ້ວວ່າ ກໍາລັງແຮງງານສ່ວນຫຼາຍເຂົາໄປອອກແຮງງານຢູ່ຕ່າງປະເທດ ເຮັດໃຫ້ພາຍໃນຂາດແຄນແຮງງານ; ແຮງງານທີ່ມີ ບາງຄັ້ງພັດກ່ຽວຂ້ອງກັບຢາເສບຕິດ ເຊິ່ງຜ່ານການລົງພົບປະຜູ້ມີສິດເລືອກຕັ້ງ ເຫັນວ່າບາງຄອບຄົວໄດ້ສະເໜີໃຫ້ຊ່ວຍແກ້ໄຂເລື່ອງຢາເສບຕິດ ເພາະຫົວໜ້າຄອບຄົວບໍ່ຄ່ອຍຢູ່ບ້ານ ສ່ວນຫຼາຍແມ່ນໜີໄປຢູ່ປ່າເພື່ອເສບຢາ, ຫົວໜ້າຄອບຄົວບໍ່ເປັນເຈົ້າການ, ບໍ່ເປັນຕົວຕັ້ງຕົວຕີນໍາພາຄອບຄົວ ກໍເປັນອຸປະສັກຕໍ່ການພັດທະນາຊົນນະບົດ ກໍຄືການແກ້ໄຂຄວາມທຸກຍາກຂອງປະຊາຊົນໄດ້ຄືກັນ.

ຂ່າວ: ວສລ, ພາບ:ບ່າວຊຽງຊຳໃຕ້, Sorn on tour

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...