ສະຖາບັນໂຣກຕິດເຊື້ອແຫ່ງຊາດຂອງຍີ່ປຸ່ນອອກຖະແຫຼງການໃນວັນທີ 11 ມິຖຸນາ 2024 ຜ່ານມາ, ກ່ຽວກັບໂຣກແບັກທີເຣຍກິນເນື້ອໜັງ (flesh-eating Bacteria) ຫຼື ເອີ້ນວ່າແບັກທີເຣຍກິນຊີ້ນຄົນກຳລັງລະບາດຢ່າງໄວວາໃນຍີ່ປຸ່ນ ໂດຍພົບຜູ້ປ່ວຍຈາກການຕິດເຊື້ອ (Streptococcus) ສະເຕັບໂຕຄໍລັດ ກໍຄືເຊື້ອແບັກທີເຣຍວົງກົມ ກຸ່ມA ເຊິ່ງກໍ່ໃຫ້ເກີດໂຣກ ແບັກທີເຣຍກິນເນື້ອໜັງ ລວມແລ້ວເຖິງ 977 ຄົນ ໃນຊ່ວງໄລຍະ 6 ເດືອນຕົ້ນປີ 2024 ເຊິ່ງເປັນສະຖິຕິຈຳນວນຫຼາຍທີ່ສຸດໃນປະຫວັດສາດຍີ່ປຸ່ນ ນັບຕັ້ງແຕ່ມີການລາຍງານພົບຜູ້ປ່ວຍຕິດເຊື້ອແບັກທີເຣຍກິນເນື້ອໜັງສູງສຸດເປັນຄັ້ງທຳອິດໃນປີ 1999.
ສື່ໃນຍີ່ປຸ່ນ Minichi ລາຍງານວ່າ: ໃນຈຳນວນແຂວງທີ່ພົບຜູ້ປ່ວຍໂຣກແບັກທີເຣຍກິນເນື້ອໜັງນັ້ນລວມທັງນະຄອນໂຕກຽວ ເມືອງຫຼວງຂອງຍີ່ປຸ່ນ ເຊິ່ງພົບຜູ້ປ່ວຍໂຣກແບັກທີເຣຍກິນເນື້ອໜັງສູງສຸດເຖິງ 145 ຄົນ.
ທັງນີ້ໂຣກແບັກທີເຣຍ ກິນເນື້ອໜັງ ຫຼື ໂຣກເນື້ອເໜົ່າ ເປັນໂຣກທີ່ທີການລະບາດຢ່າງໄວວາ, ຮຸນແຮງ ແລະ ມີອັດຕາການເສຍຊີວິດສູງ ສະເລ່ຍຢູ່ຮ້ອຍລະ 32.2 ແລະ ຜູ້ປ່ວຍທີ່ມີໂຣກປະຈຳຕົວມີໂອກາດເສຍຊີວິດຫຼາຍຂຶ້ນ ທາງດ້ານຜູ້ຊ່ຽວຊານດ້ານໂຣກຕິດເຊື້ອທີ່ມະຫາວິທະຍການແພດໃນຍີ່ປຸ່ນ ຍັງເຕືອນວ່າ: ຄົນທີ່ມີບາດຢູ່ຕີນ ສາມາດເຮັດໃຫ້ມີຄວາມອ່ອນເພຍ ເປັນພິດໃນການຕິດເຊື້ອແລ້ວກໍ່ເປັນໂຣກແບັກທີເຣຍກິນເນື້ອໜັງ.
ແຫຼ່ງຂ່າວ: Thairath