ໃນຕອນບ່າຍຂອງວັນທີ 11 ມິຖຸນາທີ່ຜ່ານມາ, ປະຊາຊົນໄດ້ຮັບແຈ້ງເຫດຕໍ່ເຈົ້າໜ້າທີ່ໄຟຟ້າວ່າ: ເຂດບ້ານດ່ານຊ້າງ, ຮ່ອມ 8, ເມືອງ ໄຊທານີ ນະຄອນຫຼວງວຽງຈັນ ເກີດເຫດໄຟຟ້າດັບເປັນບໍລິເວນກວ້າງ, ເມື່ອເຈົ້າໜ້າທີ່ໄດ້ຮັບແຈ້ງເຫດ ກໍໄດ້ອອກກວດທັນທີ.
ຜ່ານການລົງກວດກາພົບເຫັນສາຍກາບໝໍ້ແປງ ຖືກລັກຕັດສາຍໄຟ ຈຳນວນ 4 ເສັ້ນ, ເປັນສາຍກາບທີ່ມີຄວາມຍາວລວມຈຳນວນ 18 ແມັດ ຢູ່ໝໍ້ແປງ 250kVA ໃນບ້ານດັ່ງກ່າວ.
ດັ່ງນັ້ນ, ຈຶ່ງເກັບກຳຂໍ້ມູນໄວ້ເປັນຫຼັກຖານ ແລະ ໄດ້ສ້ອມແປງປ່ຽນຖ່າຍສາຍໄຟໃໝ່, ພ້ອມອຸປະກອນໄຟຟ້າຈຳນວນໜື່ງ, ເພື່ອໃຫ້ປະຊາຊົນເຂດດັ່ງກ່າວໄດ້ຊົມໃຊ້ໄຟ ແລະ ໄດ້ມອບໃຫ້ອໍານາດການປົກຄອງບ້ານ ຕິດຕາມນຳຕົວຄົນທີ່ກະທຳຜິດໃນການລັກຊັບສິນຂອງລັດ ມາລົງໂທດຕາມກົດໝາຍບ້ານເມືອງຕໍ່ໄປ.