spot_img
Homeຂ່າວພາຍ​ໃນມອບ-ຮັບ ໜ້າທີ່ຫົວໜ້າກົມຕຳຫຼວດຈະລາຈອນ

ມອບ-ຮັບ ໜ້າທີ່ຫົວໜ້າກົມຕຳຫຼວດຈະລາຈອນ

Published on

ໃນວັນທີ 23 ພຶດສະພາ 2024 ທີ່ຜ່ານມານີ້ ກົມຕໍາຫຼວດຈະລາຈອນ ໄດ້ຈັດພິທີມອບຮັບໜ້າທີ່ ຫົວໜ້າກົມຕຳຫຼວດຈະລາຈອນ ເປັນປະທານໂດຍ ພົຈວ ປອວັນທອນ ສຸລິສັກ ຮອງຫົວໜ້າກົມໃຫຍ່ຕຳຫຼວດ, ມີຄະນະພັກ-ຄະນະກົມ ແລະ ຫົວໜ້າພະແນກ-ຮອງພະແນກອ້ອມຂ້າງ ເຂົ້າຮ່ວມ.

ໃນພິທິມອບ-ຮັບ ພັທ ບຸນທັນ ຜາງທະວົງ ຫົວໜ້າພະແນກບໍລິຫານ-ສັງລວມ ແລະ ຈັດຕັ້ງ ຕາງໜ້າໃຫ້ ຫົວໜ້າກົມຕຳຫຼວດຈະລາຈອນ (ຜູ້ເກົ່າ) ຜ່ານບົດລາຍງານ ໃນການເຄື່ອນໄຫວນຳພາ-ຊີ້ນຳວຽກງານ ໃນໄລຍະເວລາ 05 ປີ ທີ່ຜ່ານມາ: ໄດ້ຖືເອົາວຽກງານສຶກສາອົບຮົມນຳພາແນວຄິດໃຫ້ພະນັກງານ-ນັກລົບ ກຳລັງຕຳຫຼວດຈະລາຈອນ ມີຄຸນທາດການເມືອງໜັກແໜ້ນ, ມີຄຸນສົມບັດ, ຈັນຍາບັນ-ຈັນຍາທຳ ຂອງກຳລັງປ້ອງກັນຄວາມສະຫງົບ, ປະກອບສ່ວນເຂົ້າໃນວຽກງານປ້ອງກັນຄວາມສະຫງົບຮອບດ້ານ ແລະ ຄວາມເປັນລະບຽບຮຽບຮ້ອຍປອດໄພໃນການສັນຈອນ.

ວຽກງານທີ່ພົ້ນເດັ່ນແມ່ນໄດ້ມີການປັບປຸງກົງຈັກການຈັດຕັ້ງພາຍໃນກົມຕໍາຫຼວດຈະລາຈອນ ໄດ້ສະເໜີຂັ້ນເທິງຍຸບ 01 ພະແນກ ແລະ ສ້າງຕັ້ງໃໝ່ອີກ 01 ພະແນກ, ໃນນັ້ນສະເພາະຢູ່ທ້ອງຖິ່ນ ໃນທົ່ວປະເທດໄດ້ສະເໜີຂັ້ນເທິງ ປັບປຸງພະແນກຕຳຫຼວດຈະລາຈອນ ແລະ ມອດໄຟ ມາເປັນພະແນກຕຳຫຼວດຈະລາຈອນແຂວງ-ນະຄອນຫຼວງ ແລະ ເຂດເສດຖະກິດພິເສດສາມຫຼ່ຽມຄຳ.

ໃນທ້າຍກອງພິທີ ພົຈວ ປອ ວັນທອນ ສຸລິສັກ ຮອງຫົວໜ້າກົມໃຫຍ່ຕຳຫຼວດ ໄດ້ເປັນກຽດໂອ້ລົມ ແລະ ຍ້ອງຍໍຊົມເຊີຍຕໍ່ຜົນງານການເຄື່ອນໄຫວໃນໄລຍະຜ່ານມາ ພ້ອມທັງເນັ້ນໜັກໃຫ້ຫົວໜ້າກົມຕຳຫຼວດຈະລາຈອນ ຜູ້ໃໝ່ ສືບຕໍ່ເຮັດວຽກງານສຶກສາອົບຮົມແນວຄິດໃຫ້ ພະນັກງານ-ນັກລົບ ເພື່ອພ້ອມກັນປະຕິບັດໜ້າທີ່ວຽກງານທີ່ໄດ້ຮັບມອບໝາຍ, ແກ້ໄຂຂໍ້ຄົງຄ້າງໃນໄລຍະຜ່ານມາໃຫ້ມີຜົນສຳເລັດ, ປັບປຸງແບບແຜນວິທີເຮັດວຽກໄປຄຽງຄູ່ກັບການເຕົ້າໂຮມຄວາມສາມັກຄີພາຍໃນໃຫ້ເປັນເອກະພາບ ເພື່ອພ້ອມກັນພັດທະນາກຳລັງຕຳຫຼວດຈະລາຈອນ ໃຫ້ກ້າວໜ້າ ມີໃບໜ້າໃໝ່ ທັນຕໍ່ຄວາມຮຽກຮ້ອງຕ້ອງການໃນຍຸກປະຈຸບັນ.

ແຫຼ່ງຂ່າວ: ກົມຕຳຫຼວດຈະລາຈອນ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...