spot_img
Homeຂ່າວພາຍ​ໃນພົບພຣະເກືອບ 20 ອົງ ທີ່ບ້ານນາສອບ

ພົບພຣະເກືອບ 20 ອົງ ທີ່ບ້ານນາສອບ

Published on

ຕາມການລາຍງານຂອງນາຍບ້ານນາສອບ, ເມືອງໄຊບູລີ, ແຂວງສະຫວັນນະເຂດໄດ້ໃຫ້ຮູ້ວ່າ: ໃນວັນທີ 14 ພຶດສະພາທີ່ຜ່ານມາ ມີປະຊາຊົນບ້ານນາສອບຊື່ທ້າວ ແຫຼ້ ອາຍຸ 30 ປີ ແລະ ນາງ ກົງ ອາຍຸ 28 ປີ ທັງ 2 ເປັນຄູ່ຜົວເມຍໄດ້ເອົາລົດໄຖ ໄປໄຖສວນຂອງຕົນຢູ່ບ້ານນາສອບເພື່ອກະກຽມປູກມັນຕົ້ນ, ເວລາໄຖດິນໄດ້ພົບເຫັນໄຫຈໍານວນ 1 ໜ່ວຍ ( ໄຫດິນເຜົາ ) ແລ້ວຕົນເອງສ່ອງເບິ່ງໄຫດັ່ງກ່າວມີພະພຸດທະຮູບຈໍານວນ 19 ອົງພ້ອມແຊ່ງ 1 ຄູ່.

ไม่มีคำอธิบายรูปภาพ

ສ່ວນພະພຸດທະຮູບມີອົງນ້ອຍ-ໃຫຍ່ແຕກຕ່າງກັນ, ລັກສະນະສີຂອງອົງພະມີສີເຫຼືອງ 2 ອົງ, ສີເງິນ 17 ອົງ. ຈາກນັ້ນຄູ່ຜົວເມຍກໍໄດ້ແຈ້ງຕໍ່ອໍານາດການປົກຄອງບ້ານ ນໍາເອົາວັດຖຸດັ່ງກ່າວມາໄວ້ທີ່ວັດບ້ານນາສອບເພື່ອຮັກສາໄວ້ ແລະ ນໍາສະເໜີໃຫ້ຂັ້ນເທິງຮັບຮູ້.ຕໍ່ມາໃນວັນທີ 15 ພຶດສະພາຜ່ານມາ, ທ່ານ ສຸລິວົງ ສີວໍລະວົງ ຮອງເຈົ້າເມືອງໄຊບູລີ ຜູ້ຊີ້ນໍາວຽກງານວັດທະນະທໍາ-ສັງຄົມ ພ້ອມດ້ວຍ ທ່ານ ສີດໍາ ຄໍາທະຈັນ ຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ເມືອງໄດ້ສົມທົບກັບອໍານາດການປົກຄອງບ້ານລົງຕິດຕາມກວດກາຕົວຈິງເຫັນວ່າມີຂໍ້ມູນຄວາມຈິງທຸກປະການ. ດັ່ງນັ້ນ, ທາງຫ້ອງການ ຖວທ ເມືອງຈຶ່ງໄດ້ເຮັດບົດລາຍງານຫາການນໍາເມືອງ ແລະ ພະແນກ ຖວທ ແຂວງເພື່ອຮັບຊາບ ແລະ ຂໍທິດຊີ້ນໍາໃນການຈັດຕັ້ງປະຕິບັດຂັ້ນຕໍ່ໄປ.

 

ຂ່າວ: ເມືອງໄຊບູລີ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...