ແຫຼ່ງຂ່າວຈາກ ແຂວງໄຊຍະບູລີໃຫ້ຮູ້ວ່າ: ເມືອງເງິນ ແຂວງ ໄຊຍະບູລີ ໄດ້ຈັດພິທີ ປະກາດການຈັດຕັ້ງຫ້ອງການການເງິນເມືອງ ແລະ ຕິດແຜ່ນກາໝາຍ (QR code) ໃສ່ລົດບໍລິຫານລັດ ໃນວັນທີ 7 ພຶດສະພາທີ່ຜ່ານມາ, ໂດຍການເຂົ້າຮ່ວມຂອງທ່ານ ວັນດາວ ແວວທະນັດສີ ຫົວໜ້າພະແນກການເງິນແຂວງໄຊຍະບູລີ, ທ່ານ ທອງພັນ ສຸກສະຫວັດ ຮອງເຈົ້າເມືອງໆເງິນ, ພ້ອມດ້ວຍພະນັກງານຫຼັກແຫຼ່ງຂອງຂະແໜງການເງິນເມືອງ ແລະ ທີມງານຂອງພະແນກການເງິນ ເຂົ້າຮ່ວມ.
ການຈັດຕັ້ງການມອບແຜນກາໝາຍນໍາໃຊ້ QR code ໃສ່ລົດຂອງລັດ ໃຫ້ເມືອງ ລະຫວ່າງພະແນກການເງິນແຂວງ ແລະ ອົງການປົກຄອງເມືອງເງິນ ໂດຍການຕິດແຜນການໝາຍນໍາໃຊ້ QR code ໃສ່ລົດຂອງລັດແຕ່ລະຄັນ ໃຫ້ບັນດາຂະແໜງການອ້ອມຂ້າງເມືອງຕາມບັນຊີ ຂອງຄະນະຮັບຜິດຊອບຂັ້ນແຂວງ ແຈ້ງຕິດແຜນການໝາຍນໍາໃຊ້ QR code ໃສ່ລົດຂອງລັດພາຍໃນເມືອງເງິນ ລວມທັງໝົດ ຈຳນວນ 55 ຄັນ, ໃນນັ້ນ ລົດໃຫຍ່ຈຳນວນ 12 ຄັນ ແລະ ລົດຈັກ 43 ຄັນ. ພ້ອມດຽວກັນນີ້, ທາງທີມງານຂອງພະແນກການເງິນແຂວງ ກໍໄດ້ຕິດແຜນກາໝາຍນໍາໃຊ້ QR code ໃສ່ລົດຂອງລັດຕາມບັນຊີໃຫ້ສໍາເລັດຕາມຄາດໝາຍ.
ຂ່າວ: ອິນແປງ ແຫວນຄຳ