ຈາກການຕິດຕາມກວດກາຂອງເຈົ້າໜ້າທີ່ຈະລາຈອນ ແຂວງອຸດົມໄຊ ໃນໄລຍະບຸນປີໃໝ່ລາວ ແຕ່ວັນທີ່ 12-16 ເມສາ ທີ່ຜ່ານມາ ໄດ້ມີການລາຍງານກ່ຽວກັບສະພາບການເກີດອຸບັດຕິເຫດ ທີ່ເກີດຂຶ້ນມີ 12 ຄັ້ງ, ພາຫະນາເປ່ເພ 13 ຄັນ ເປ່ເພສົມຄວນ 14 ຄັນ, ໃຊ້ການບໍ່ໄດ້ 2 ຄັນ ຄົນໄດ້ຮັບບາດເຈັບ 29 ຄົນ ໃນນີ້, ບາດເຈັບເລັກນ້ອຍ 19 ຄົນ, ບາດເຈັບສົມຄວນ 8 ຄົນ, ບາດເຈັບສາຫັດ 1 ແລະ ເສຍຊີວິດ 1 ຄົນ (ໃນຄັ້ງວັນທີ 12) ລວມມູນຄ່າການເສຍຫາຍ 200 ກວ່າລ້ານກີບ.

ທ່ານ ພັນໂທ ອ່ອນສີ ແສງມະນີ ຫົວໜ້າພະແນກຕຳຫລວດຈະລາຈອນ ປກສ ແຂວງອຸດົມໄຊ ໄດ້ໃຫ້ຮູ້ຕື່ມອີກວ່າ: ສາເຫດຫຼັກຂອງການເກີດອຸບັດເຫດແມ່ນຜູ້ຂັບຂີ່ລະເມີດຂໍ້ຫ້າມ ເປັນຕົ້ນແມ່ນ ເມົາແລ້ວຂັບ ກໍ່ໃຫ້ເກີດອຸບັດເຫດຕາມມາ.

ຂ່າວ: ແສງອາທິດ
ພາບ: ກູ້ໄພອົງການກາແດງລາວອຸດົມໄຊ