Homeຂ່າວອຸບັດຕິເຫດອຸບັດຕິເຫດໄລຍະບຸນປີໃໝ່ລາວ ເກີດຂຶ້ນ 316 ຄັ້ງໃນຂອບເຂດທົ່ວປະເທດ

ອຸບັດຕິເຫດໄລຍະບຸນປີໃໝ່ລາວ ເກີດຂຶ້ນ 316 ຄັ້ງໃນຂອບເຂດທົ່ວປະເທດ

Published on

ພັອ ຄຳສອນ ສີດາວົງ ຮອງຫົວໜ້າກົມຕຳຫຼວດຈະລາຈອນ ກົມໃຫຍ່ຕຳຫຼວດ ກະຊວງ ປກສ ໄດ້ຖະແຫຼງໃຫ້ຮູ້ໃນວັນທີ 19 ເມສາ 2024 ວ່າ: ການປະຕິບັດວຽກງານປ້ອງກັນການສະເຫຼີມສະຫຼອງບຸນປີໃໝ່ລາວ ພສ 2567 ລະຫວ່າງວັນທີ 11-17 ເມສາ 2024 ເຖິງວ່າເຈົ້າໜ້າທີ່ຈະລາຈອນໃນຂອບເຂດທົ່ວປະເທດໄດ້ເອົາໃຈໃສ່ປະຕິບັດໜ້າທີ່ຢ່າງເຂັ້ມງວດ ແຕ່ກໍຍັງມີຜູ້ໃຊ້ລົດໃຊ້ຖະໜົນຈຳນວນໜຶ່ງ ບໍ່ປະຕິບັດຕາມກົດລະບຽບທີ່ກຳນົດໄວ້ ເຊັ່ນ: ຂັບລົດໄວເກີນກຳນົດ, ເມົາແລ້ວຂັບ, ປ່ຽນທິດທາງ ອັນເປັນສາເຫດເຮັດໃຫ້ໃນຂອບເຂດທົ່ວປະເທດ ມີອຸບັດຕິເຫດເກີດຂຶ້ນ 316 ຄັ້ງ ເສຍຊີວິດ 33 ຄົນ ຍິງ 4 ຄົນ; ທຽບໃສ່ປີ 2023 ອຸບັດຕິເຫດຫຼຸດລົງ 26 ເລື່ອງ ( ປີ 2023 ເກີດຂຶ້ນ 342 ຄັ້ງ ).

ອຸບັດຕິເຫດໃນໄລຍະປີໃໝ່ລາວປີນີ້ມີພາຫະນະເປ່ເພ 567 ຄັນ ຫຼຸດລົງ 22 ຄັນ, ຄົນໄດ້ຮັບບາດເຈັບ 594 ຄົນ ຫຼຸດລົງ 17 ຄົນ, ຄົນເສຍຊີວິດ 33 ຄົນ ຍິງ 4 ຄົນ ຫຼຸດລົງ 2 ຄົນ. ເຊິ່ງສາເຫດຫຼັກຂອງການກໍ່ໃຫ້ເກີດອຸບັດຕິເຫດແມ່ນ: ຂັບຂີ່ລົດໄວເກີນກຳນົດ 108 ກໍລະນີ ເສຍຊີວິດ 22 ຄົນ; ດື່ມສິ່ງມຶນເມົາແລ້ວຂັບຂີ່ລົດ 99 ກໍລະນີ ເສຍຊີວິດ 3 ຄົນ; ປ່ຽນທິດທາງ 33 ກໍລະນີ ເສຍຊີວິດ 1 ຄົນ.

ແຂວງທີ່ມີອຸບັດຕິເຫດເກີດຂຶ້ນຫຼາຍກວ່າໝູ່ແມ່ນ ແຂວງວຽງຈັນ 43 ເລື່ອງ, ແຂວງຈຳປາສັກ 39 ເລື່ອງ, ນະຄອນຫຼວງວຽງຈັນ 37 ເລື່ອງ; ແຂວງທີ່ມີຄົນເສຍຊີວິດຫຼາຍກວ່າໝູ່ແມ່ນ ແຂວງວຽງຈັນ 5 ຄົນ, ແຂວງຫຼວງພະບາງ 5 ຄົນ ແລະ ນະຄອນຫຼວງວຽງຈັນ 4 ຄົນ.

ແຫຼ່ງຂ່າວ: ຄວາມສະຫງົບ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...