spot_img
Homeຂ່າວຕ່າງປະເທດໄຕ້ຫວັນເກີດເຫແຜ່ນດິນໄຫວຂະນາດ 7.4 ຣິກເຕີ ຮຸນແຮງທີ່ສຸດໃນຮອບ 25 ປີ

ໄຕ້ຫວັນເກີດເຫແຜ່ນດິນໄຫວຂະນາດ 7.4 ຣິກເຕີ ຮຸນແຮງທີ່ສຸດໃນຮອບ 25 ປີ

Published on

ສຳນັກຂ່າວ ບີບີຊີລາຍງານໃນວັນທີ 3 ເມສາ 2024 ນີ້ວ່າເກີດເຫດແຜ່ນດິນໄຫວຂະນາດ 7.4 ຣິກເຕິ ທີ່ລະດັບຄວາມເລິກ 15.5 ກິໂລແມັດ ໃນພຶ້ນທີ່ຊາຍຝັ່ງຕາເວັນອອກໄຕ້ຫວັນ ຫ່າງຈາກເມືອງຫົວຫຼຽນຫ່າງຈາກທິດຕາເວັນຕົກສ່ຽງໃຕ້ ປະມານ 18 ກິໂລແມັດ ເຮັດໃຫ້ຕ້ອງເຕືອນໄພສຶນາມິທົ່ວທັງເກາະ ແລະ ປະເທດໃກ້ຄຽງ.

ຈາກເຫດການແຜ່ນດິນໄຫວສົ່ງຜົນໃຫ້ມີອາຄານບາງສ່ວນໄດ້ຮັບຄວາມເສຍຫາຍ ເບື້ອງຕົ້ນຍັງບໍ່ມີລາຍງານຜູ້ໄດ້ຮັບບາດເຈັບ ຫຼື ເສຍຊີວິດ, ທາງດ້ານເຈົ້າໜ້າທີ່ອຸຕຸນິຍົມວິທະຍາຢີ່ປຸ່ນປະກາດເຕືອນໄພສຶນາມິສູງເຖິງ 3 ແມັດທີ່ຄາດຈະພັດຖະຫຼົ່ມບໍລິເວນຊາຍຝັ່ງທາງຕາເວັນຕົກສ່ຽງໃຕ້ ເປັນບໍລິເວນກວ້າງ ໂດຍສະເພາະບໍລິເວນແຂວງໂອກິນາວະ ແລະ ລາຍງານຫຼ້າສຸດ ມີລາຍງານສຶນາມິມີຄວາມສູງ 30 ຊັງຕີແມັດພດັດຖະຫຼົ່ມເກາະໂຍນາກຸນິແລ້ວເມື່ອເວລາ 9:18 ໂມງຂອງວັນທີ 3 ເມສາ 2024.

ຢ່າງໃດກໍຕາມສຳນັກຂ່າວທາງການຂອງໄຕ້ຫວັນລາຍງານວ່າ: ແຜ່ນດິນໄຫວຄັ້ງນີ້ຖືເປັນແຜ່ນດິນໄຫວຄັ້ງໃຫຍ່ທີ່ສຸດທີ່ເກີດຂຶ້ນຢູ່ເກາະໄຕ້ຫວັນນັບຕັ້ງແຕ່ປີ 1999 ຫຼື 25 ປີ ເຊິ່ງກ່ອນໜ້ານີ້ເຄີຍເກີດແຜ່ນດິນໄຫວຂະນາດ 7.6 ຣິກເຕີ ເຮັດໃຫ້ໄດ້ຮັບຄວາມເສຍຫາຍເປັນຈຳນວນຫຼາຍ ແລະ ມີຜູ້ເສຍຊີວິດຈາກເຫດການນີ້ປະມານ 2.400 ຄົນ.

ແຫຼ່ງຂ່າວ: BBC

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...