ປະທານປະເທດ ເດີນທາງຢ້ຽມຢາມ ສສ ຫວຽດນາມ

0
346

ໃນຕອນເຊົ້າຂອງວັນທີ 26 ກຸມພານີ້, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ປະທານປະເທດແຫ່ງ ສປປ ລາວ ພ້ອມດ້ວຍບັນດາສະຫາຍກົມການເມືອງສູນກາງພັກ ແລະ ຄະນະຕິດຕາມ ໄດ້ເດີນທາງເຖິງນະຄອນຫຼວງຮ່າໂນ້ຍ ສສ ຫວຽດນາມ, ເພື່ອເຂົ້າຮ່ວມກອງປະຊຸມພົບປະສອງກົມການເມືອງ ລະຫວ່າງ ພັກປະຊາຊົນ ປະຕິວັດລາວ ແລະ ພັກກອມມູນິດຫວຽດນາມ.

May be an image of 4 people

ບັນຍາກາດການຕ້ອນຮັບໄດ້ມີຂຶ້ນຢ່າງອົບອຸ່ນໂດຍການຕ້ອນຮັບຂອງສະຫາຍ ເລ ຮ່ວຍ ຈຸງ ເລຂາທິການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ພ້ອມດ້ວຍຄະນະ.

May be an image of 8 people and text

ການເດີນທາງເຂົ້າຮ່ວມກອງປະຊຸມຄັ້ງນີ້ ແມ່ນມີຄວາມໝາຍຄວາມສຳຄັນທີ່ສຸດລະຫວ່າງພັກປະຊາ ຊົນປະຕິວັດລາວ ແລະ ພັກກອມມູນນິດຫວຽດນາມ ຊຶ່ງຈະເປັນການສືບຕໍ່ເສີມຂະຫຍາຍ ແລະ ເພີ່ມທະວີສາຍພົວພັນໃຫ້ຮັດແໜ້ນ, ໝັ້ນຄົງຂະໜົງແກ່ນ ແລະ ແຕກດອກອອກຜົນດ້ວຍຜົນສຳເລັດອັນສົດໃສສວຍງາມຍິ່ງຂຶ້ນ.

ຂ່າວ-ພາບ: ສຸກສະຫວັນ