ປ.ກ.ສ ເມືອງອຸທຸມພອນສຶກສາອົບຮົມໄວໜຸ່ມ

0
588

ທ່ານ ພັນຕີ ຄໍາຕັນ ເຄນໄຊບຸນຍະເລດ ຮອງຫົວໜ້າພະແນກ ຊີ້ນໍາວຽກຈາລະຈອນ,ກອງບັນຊາການ ປກສ ເມືອງໃຫ້ຮູ້ວ່າ: ສໍາລັບໄວໜຸ່ມທີ່ນໍາມາສຶກສາອົບຮົມຄັ້ງນີ້ແມ່ນຢາກໃຫ້ຮູ້ຈັກລະບຽບກົດໝາຍ,ຮູ້ຈັກການຂັບຂີ່ລົດຕາມທ້ອງຖະໜົນຫຼວງ,ຮູ້ຈັກກົດລະບຽບຈາລະຈອນ,ພ້ອມທັງຮຽກຮ້ອງໃຫ້ພໍ່ແມ່ຜູ້ປົກຄອງຕ້ອງໄດ້ເອົາໃຈໃສ່ຕິດຕາມລູກຫຼານຂອງຕົນຢ່າງຄັກແນ່ບໍ່ໃຫ້ມີການຂັບຂີ່ລົດໄວ,ໃຊ້ສຽງດັງ ທີ່ສ້າງຄວາມລົບກວນແກ່ຜູ້ອືນໃນຍາມຫຼັບນອນກາງຄືນ.

May be an image of 7 people, people studying and text

ໂອກາດດັ່ງກ່າວ ທ່ານ ພັນໂທ ປທ ສາຄອນ ສີສຸກ ຮອງຫົວໜ້າກອງບັນຊາການ ປກສ ເມືອງ ຍັງໄດ້ໂອ້ລົມຕໍ່ກຸ່ມເປົ້າໝາຍຕື່ມວ່າ: ລູກຫຼານຜູ້ທີ່ຍັງໜຸ່ມແໜ້ນ,ກໍາລັງແຮງອັນສໍາຄັນຂອງປະເທດຊາດຈົ່ງຢ່າໄດ້ນໍາເອົາສິ່ງທີ່ບໍ່ດີ ບໍ່ງາມ ໂດຍສະເພາະ ກໍ່ແມ່ນການດັດແປງສະພາບເຕັກນິກລົດ ເຮັດໃຫ້ລົດມີສຽງດັງ,ຂັບຂີ່ລົດໄວ,ແຂ່ງກັນໃນຍາມກາງຄືນ,ສ້າງຄວາມລໍາຄານໃຫ້ແກ່ປະຊາຊົນທີ່ກໍາລັງນອນລັບພັກຜ່ອນໃນຍາມຄໍ່າຄືນ,ລົດທີ່ເອົາເມືອຕ້ອງໄດ້ປ່ຽນຢາງນ້ອຍ,ແມັກ,ທໍ່,ໃສ່ແວ່ນ ແລະ ອື່ນໆໃຫ້ກັບຄືນສູ່ສະພາບເດີມເສຍກ່ອນຈິ່ງເອົາເມືອໄດ້.

May be an image of 4 people, scooter, dirt bike, motorcycle and text

ຈາກນັ້ນທາງເຈົ້າໜ້າທີ່ ກໍ່ໄດ້ປັບໃໝ ຕາມກົດໝາຍປະມວນອາຍາມາດຕາ 149,150 ແລະ 188,ພ້ອມທັງເຮັດບົດບັນທຶກກັບພໍ່ແມ່ຜູ້ປົກຄອງ ແລະ ອໍານາດການປົກຄອງບ້ານຕື່ມອີກ.

ຂ່າວ: ນັກຂ່າວເມືອງອຸທຸມພອນ ບຸນຊູ ພົມມະເທບ