spot_img
Homeຂ່າວພາຍ​ໃນເຂດເສດຖະກິດພິເສດສາມຫຼ່ຽມຄໍາກາຍເປັນຕົວເມືອງສາກົນແບບອັດສະລິຍະ

ເຂດເສດຖະກິດພິເສດສາມຫຼ່ຽມຄໍາກາຍເປັນຕົວເມືອງສາກົນແບບອັດສະລິຍະ

Published on

ທ່ານ ຈ້າວ ເຫວີຍ ປະທານສະພາບໍລິຫານເຂດເສດຖະກິດພິເສດສາມຫຼ່ຽມຄຳ ໄດ້ກ່າວຕໍ່ພິທີເປີດງານເທດສະການດອກງິ້ວບານລະຫວ່າງວັນທີ 26-28 ມັງກອນ 2024 ຜ່ານມາ ໂດຍບາງຄຳເຫັນໄດ້ກ່າວວ່າ: ນັບແຕ່ປີ 2007 ທີ່ເຂດເສດຖະກິດພິເສດສາມຫຼ່ຽມຄໍາ ສປປ ລາວ ໄດ້ຮັບການສ້າງຕັ້ງຂື້ນ, ມາຮອດປັດຈຸບັນໄດ້ຮັບການພັດທະນາກາຍເປັນຕົວເມືອງທີ່ມີລັກສະນະສາກົນແບບອັດສະລິຍະ ຫຼື ສະມາດຊິດຕີ ທີ່ເໝາະແກ່ການດໍາເນີນທຸລະກິດ, ການດໍາລົງຊີວິດ ແລະ ການທ່ອງທ່ຽວ, ກະສິກຳ, ການຂົນສົ່ງ, ການຄ້າ ແລະ ອຸດສາຫະກຳເບົາລວມທັງການຄຸ້ມຄອງເຂດເສດຖະກິດພິເສດ, ວຽກງານປ້ອງກັນຊາດ-ປ້ອງກັນຄວາມສະຫງົບ, ການຕ້ານສິ່ງເສບຕິດ, ການຮ່ວມມືແບບຫຼາຍຝ່າຍ ແລະ ອື່ນໆ.

ເຂດເສດຖະກິດພິເສດສາມຫຼ່ຽມຄໍາໄດ້ກໍານົດເອົາຂະແໜງອຸດສາຫະກໍາການທ່ອງທ່ຽວ ແລະ ກະສິກຳຂະໜາດໃຫຍ່, ຂະແໜງຂົນສົ່ງ, ການຄ້າ ແລະ ອຸດສາຫະກຳເບົາເປັນທິດທາງຍຸດທະສາດ ຫຼື ຂະແໜງການຫຼັກຂອງເສດຖະກິດ, ໄດ້ເອົາໃຈໃສ່ການກໍ່ສ້າງ ແລະ ປັບປຸງພື້ນຖານໂຄງລ່າງເພື່ອຮັບໃຊ້ການດໍາລົງຊີວິດ ຊຶ່ງອົງປະກອບການບໍລິການ ແລະ ການສະໜັບສະໜູນບັນດາຂະແໜງການເສດຖະກິດໃຫ້ມີຄວາມສະດວກ ແລະ ສົມບູນ.

ທ່ານ ຈ້າວ ເຫວີຍ ຍັງຢັ້ງຢືນວ່າ: ພາຍຫຼັງມີຜົນສຳເລັດ ເຂດເສດຖະກິດພິເສດສາມຫຼ່ຽມຄຳຈະໄດ້ສ້າງນະໂຍບາຍສະໜັບສະໜູນອູ້ມຊູຊ່ວຍເຫຼືອນໍາເອົາຜົນປະໂຫຍດກັບຄືນມາໃຫ້ພໍ່ແມ່ປະຊາຊົນໂດຍສະ ເພາະແມ່ນນະໂຍບາຍດ້ານຕ່າງໆໃນບັນດາໂຄງການທີ່ຈະກໍ່ສ້າງໃນຕໍ່ໜ້າກໍຄືປັດຈຸບັນເປັນຕົ້ນວຽກງານການທ່ອງທ່ຽວ,ການບໍລິການຮ້ານອາຫານ,ຂັບລົດຕຸກໆ,ຕະຫຼາດມືດແລະໂຄງການ ອື່ນໆ.

ປັດຈຸບັນສິ່ງອຳນວຍຄວາມສະດວກດ້ານຕ່າງໆຂອງເຂດເສດຖະກິດພິເສດສາມຫຼ່ຽມຄຳ ສາມາດຮອງຮັບພົນລະເມືອງຜູ້ດຳລົງຊີວິດແບບຖາວອນໄດ້ 100.000 ຄົນ, ໃນແຕ່ລະປີສາມາດຮອງຮັບນັກທ່ອງທ່ຽວໄດ້ 2 ລ້ານເທື່ອຄົນ. ພ້ອມນີ້, ໃນອະນາຄົດຈະສືບຕໍ່ຂະຫຍາຍແລະມີແຜນຈະສ້າງເປັນຕົວເມືອງທີ່ສາມາດຮອງຮັບພົນລະເມືອງດຳລົງຊີວິດແບບຖາວອນໃຫ້ໄດ້ປະມານ 300.000 ຄົນ.

ເຂດເສດຖະກິດພິເສດສາມຫຼ່ຽມຄຳຕັ້ງຢູ່ເມືອງຕົ້ນເຜິ້ງເບື້ອງຕາເວັນຕົກສ່ຽງເໜືອຂອງແຂວງບໍ່ແກ້ວ,ມີເນື້ອທີ່ທັງໝົດ 10.000 ເຮັກຕາ, ໃນນັ້ນ, ເປັນປ່າສະຫງວນທຳມະຊາດພູກິ່ວລົມ 7.000 ເຮັກຕາ, ເຂດພັັດທະນາຕົວເມືອງ 3.000 ເຮັກຕາ, ປັດຈຸບັນໄດ້ສໍາເລັດການບຸກເບີກ ແລະ ພັດທະນາແລ້ວປະມານ 1.000 ເຮັກຕາ. ຢູ່ເຂດຊາຍແດນລະຫວ່າງລາວ, ໄທ ແລະ ມຽນມາ, ໂດຍມີນໍ້າຂອງເປັນຊາຍແດນ.
ແຫຼ່ງຂ່າວ: ປະຊາຊົນ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...