spot_img
Homeຂ່າວພາຍ​ໃນຂໍແກ້ໄຂບັນຫາພາຍໃນຄອບຄົວກ່ອນ

ຂໍແກ້ໄຂບັນຫາພາຍໃນຄອບຄົວກ່ອນ

Published on

ຈາກກໍລະນີທີ່ມີຜູ້ຍິງຖືກຜູ້ຊາຍທໍາຮ້າຍຮ່າງກາຍກາງງານບຸນກິນຈຽງທີ່ແຂວງຊຽງຂວາງ ເມື່ອວັນທີ 14 ມັງກອນ ທີ່ຜ່ານມາ ແລະ ໄດ້ກາຍເປັນຂ່າວດັງຜ່ານສື່ສັງຄົມອອນລາຍ ພ້ອມທັງເປັນທີ່ວິພາກວິຈານກັນເຖິງການກະທຳອັນໃຊ້ຄວາມຮຸນແຮງ ຕໍ່ກັບແມ່ຍິງຢ່າງຫຼວງຫຼາຍໃນສັງຄົມ, ຕໍ່ກັບເຫດການດັ່ງກ່າວທາງສະຫະພັນແມ່ຍິງແຂວງຊຽງຂວາງ ກໍໄດ້ເອົາໃຈໃສ່ໃຫ້ການຊ່ວຍເຫຼືອ ແລະ ຕິດຕາມສະພາບການປິ່ນປົວຂອງຜູ້ເສຍຫາຍຢ່າງຕໍ່ເນື່ອງ. ​

May be an image of 7 people and hospital

ທ່ານ ນາງ ຈັນທະສອນ ພູນສຸກ, ປະທານສະຫະພັນແມ່ຍິງແຂວງຊຽງຂວາງ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນທີ 18 ມັງກອນທີ່ຜ່ານມາວ່າ: ຕໍ່ເຫດການທີ່ເກີດຂຶ້ນ, ສະຫະພັນແມ່ຍິງແຂວງ ກໍບໍ່ໄດ້ນິ່ງນອນໃຈ ໂດຍໄດ້ແຕ່ງຕັ້ງຄະນະໄປຢ້ຽມຢາມ, ໃຫ້ກໍາລັງໃຈ ແລະ ໃຫ້ຄໍາປຶກສາແກ່ຜູ້ເສຍຫາຍ, ປັດຈຸບັນພວມປິ່ນປົວຢູ່ໂຮງໝໍແຂວງ ແລະ ໃຫ້ແຍກຢູ່ຫ້ອງຄົນດຽວ ເພື່ອບໍ່ໃຫ້ຄົນອື່ນເຂົ້າໄປລົບກວນ. ສ່ວນຜູ້ກໍ່ເຫດແມ່ນຢູ່ພາຍໃຕ້ການຄວບຄຸມຕົວ ຂອງເຈົ້າໜ້າທີ່ກ່ຽວຂ້ອງ. ​

May be an image of 1 person and hospital

ທ່ານໃຫ້ຮູ້ຕື່ມວ່າ: ສໍາລັບສາເຫດຂອງການໃຊ້ຄວາມຮຸນແຮງໃນຄັ້ງນີ້, ແມ່ນມອບໃຫ້ເຈົ້າໜ້າທີ່ກ່ຽວຂ້ອງເປັນຜູ້ສືບສວນສອບສວນ, ສ່ວນສະຫະພັນແມ່ຍິງແຂວງແມ່ນຈະມີການຕິດຕາມ ແລະ ໃຫ້ການຊ່ວຍເຫຼືອດ້ານການໃຫ້ຄໍາປຶກສາຕ່າງໆຕາມພາລະບົດບາດຂອງຕົນ, ເຊິ່ງຄາດວ່າຜູ້ກ່ຽວຈະອອກໂຮງໝໍໃນໄວໆນີ້ ເພາະອາການດີຂຶ້ນຢ່າງຕໍ່ເນື່ອງ. ຂະນະທີ່ຍາດພີ່ນ້ອງຂອງທັງຝ່າຍຍິງ ແລະ ຝ່າຍຊາຍ ໄດ້ເອົາໃຈໃສ່ເບິ່ງແຍງຜູ້ກ່ຽວເປັນຢ່າງດີ.

ສໍາລັບການແກ້ໄຂບັນຫາ, ໃນເບື້ອງຕົ້ນທັງຝ່າຍຍິງ ແລະ ຊາຍ ໄດ້ແຈ້ງຕໍ່ເຈົ້າໜ້າທີ່ກ່ຽວຂ້ອງວ່າ: ຈະຂໍແກ້ໄຂບັນຫາທີ່ເກີດຂຶ້ນພາຍໃນຄອບຄົວເຂົາເຈົ້າເທົ່ານັ້ນ.ຢ່າງໃດກໍຕາມ, ສະຫະພັນແມ່ຍິງແຂວງກໍຄືທຸກພາກສ່ວນທີ່ກ່ຽວຂ້ອງຂອງແຂວງຈະຕິດຕາມຜູ້ກ່ຽວຢ່າງໃກ້ຊິດ ເພື່ອໃຫ້ການຊ່ວຍເຫຼືອຕາມຄວາມເໝາະສົມຖ້າຫາກມີຄວາມຈໍາເປັນ.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...