spot_img
Homeຂ່າວທ້ອງຖິ່ນແກ້ໄຂບັນຫາຈາກໂຮງງານຜະລິດມັນຕົ້ນ

ແກ້ໄຂບັນຫາຈາກໂຮງງານຜະລິດມັນຕົ້ນ

Published on

ອີງຕາມຫາງສຽງສັງຄົມໄດ້ລາຍງານເຖິງບັນຫາທີສົ່ງຜົນກະທົບຕໍ່ສິ່ງແວດລ້ອມເຊິ່ງເກີດຂຶ້ນຈາກໂຮງງານຜະລິດແປ້ງມັນຕົ້ນລາວທີທີແອວ ພັດທະນາຄົບວົງຈອນຈໍາກັດ ທີ່ບ້ານມະນີລາດ, ເມືອງໄຊບູລີ, ແຂວງສະຫວັນນະເຂດ, ເພື່ອແກ້ໄຂບັນຫາຕາມຫາງສຽງສັງຄົມຮຽກຮ້ອງຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງໄຊບູລີ ພ້ອມທີມງານຂັ້ນເມືອງ,ບ້ານ ແລະ ທ່ານ ສຸລິວົງ ສີວໍລະວົງ ຮອງເຈົ້າເມືອງໄຊບູລີ ກໍໄດ້ລົງຕິດຕາມກວດກາໂຮງງານດັ່ງກ່າວ ເມື່ອວັນທີ 13 ມັງກອນທີ່ຜ່ານມາ.

ຜ່ານການລົງຕິດຕາມກວດກາຕົວຈິງຂອງທີມງານກວດກາພາກສະໜາມຂັ້ນເມືອງ ແມ່ນພົບເຫັນບັນຫາທີ່ສົ່ງຜົນກະທົບທາງດ້ານສິ່ງແວດລ້ອມ ເປັນຕົ້ນ ເກີດມີກິ່ນເໝັນຈາກການຜະລິດ, ມີບັນຫານໍ້າເປື້ອນທີ່ໄຫຼຊຶມລົງແຫຼ່ງນໍ້າທໍາມະຊາດ, ມີບັນຫາຝຸ່ນລະອອງໃນເວລາຂົນສົ່ງ ແລະ ເກີດມີສຽງດັງໃນການດຳເນີນງານເວລາກາງຄືນ. ດັ່ງນັ້ນ, ຄະນະກໍາມະການຕິດຕາມກວດກາ ຈຶ່ງໄດ້ແນະນໍາທາງດ້ານວິຊາການໃຫ້ເຈົ້າຂອງໂຮງງານ ປະຕິບັດຕາມບົດບັນທຶກຂອງການຕິດຕາມກວດກາດ້ານສິ່ງແວດລ້ອມ, ໂດຍໃຫ້ໂຮງງານເຮັດທຸກວິທີທາງ ເພື່ອກັນນໍ້າທີ່ບໍ່ທັນບໍາບັດບໍ່ໃຫ້ໄຫຼຊຶມລົງສູ່ແຫຼ່ງນໍ້າທໍາມະຊາດ, ຢຸດຕິການປ່ອຍນໍ້າເປື້ອນລົງໃສ່ແຫຼ່ງນໍ້າທໍາມະຊາດ, ໃຫ້ໂຮງງານປົກປິດ ອ່າງນໍ້າເສຍ, ເຊິ່ງເປັນອ່າງທີ່ສົ່ງກິ່ນເໝັນໃຫ້ສໍາເລັດພາຍໃນ 1 ເດືອນ.

ສໍາລັບຂໍ້ມູນບາງດ້ານທີ່ຄະນະວິຊາການລົງຕິດຕາມກວດກາແລ້ວ ບໍ່ພົບເຫັນຕາມຫາງສຽງສັງຄົມທີ່ເກີດຂຶ້ນແມ່ນມອບໃຫ້ຄະນະປົກຄອງບ້ານມະນີລາດ ເປັນຜູ້ເກັບກໍາຂໍ້ມູນຕື່ມອີກ ແລະ ກ່ອນຈະເປີດທໍາການຜະລິດຢ່າງເປັນທາງການ ຈະຕ້ອງໄດ້ກວດກາຄືນທັງໝົດ ໂດຍອີງຕາມລະບຽບຫລັກການຂອງໂຮງງານ ແລະ ພາກສ່ວນທີ່ກ່ຽວຂ້ອງ.

ຮງງານຜະລິດແປ້ງມັນຕົ້ນ ລາວທີທີແອວ ພັດທະນາຄົບວົງຈອນຈໍາກັດ ໄດ້ສ້າງຂຶ້ນໃນປີ 2021 ເປັນໂຄງການຜະລິດແປ້ງມັນຕົ້ນເພື່ອຈໍາໜ່າຍ ແລະ ສົ່ງອອກສູ່ຕະຫຼາດພາຍໃນ ແລະ ຕ່າງປະເທດ, ເຊິ່ງໄດ້ເລີ່ມດໍາເນີນການຜະລິດແບບທົດລອງໃນວັນທີ 20 ພະຈິກ ປີ 2023 ທີ່ຜ່ານມາ.

ຂ່າວຈາກ: ປະເທດລາວ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...