Homeຂ່າວພາຍ​ໃນເມືອງວັງວຽງ ກຽມຈັດ 8 ກິດຈະກໍາໃນໂອກາດປີທ່ອງທ່ຽວລາວ 2024

ເມືອງວັງວຽງ ກຽມຈັດ 8 ກິດຈະກໍາໃນໂອກາດປີທ່ອງທ່ຽວລາວ 2024

Published on

ເມືອງວັງວຽງ, ແຂວງວຽງຈັນ ວາງຄາດໝາຍດຶງດດູນັກທ່ອງທ່ຽວທັັງພາຍໃນ ແລະ ຕ່າງປະເທດ ໃຫ້ໄດ້ 8 ແສນກວ່າຄົນໃນໂອກາດປີທ່ອງທ່ຽວລາວ 2024, ພາຍຫຼັງທີ່ປີ 2023 ດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ 6 ແສນກວ່າຄົນ.

ທ່ານ ບຸນຈັນ ມາລາວົງ, ເຈົ້າເມືອງວັງວຽງ, ແຂວງວຽງຈັນ ປະກາດຮັບຮອງຈຸດສຸມພັດທະນາຜາສັງ ເມືອງເຟືອງ ເປັັນຕົວ ເມືອງນ້ອຍໃນຊົນນະບົດ ຈັດຂຶ້ນເມື່ອບໍ່ດົນມານີ້ວ່າ: ເມືອງວັງວຽງ ກຽມຈັດທັງໝົດ 8 ກິດຈະກໍາໃນໂອກາດປີທ່ອງທ່ຽວລາວ 2024, ໃນນີ້ກິດຈະກໍາໃຫຍ່ ແມ່ນການຈັດເທສະການໝາກກ້ຽງຫວານເມືອງວັງວຽງ ໂດຍຈະຈັດຂຶ້ນພ້ອມກັບການເປີດປີທ່ອງທ່ຽວລາວ 2024 ຂອງແຂວງວຽງຈັນ ໃນວັນທີ 14 ກຸມພາ 2024 ນີ້. ສ່ວນກິດຈະກໍາອື່ນໆ ລວມມີ: ງານບຸນກິດຈຽງຂອງເຜົ່າມົ້ງ ແລະ ບຸນໃໝ່ເຜົ່າກຶມມຸ, ການປະກວດນາງສັັງຂານໃນໂອກາດບຸນປີໃໝ່ລາວ ແລະອື່ນໆ ໂດຍຈະຈັດຂຶ້ນໃຫ້ຄຶກຄື້ນ ແລະ ມ່ວນຊື່ນກວ່າທຸກປີຜ່ານມາ. ສ່ວນຄາດຫວັງໃນການດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດຂອງເມືອງວັງວຽງ ໃນປີ 2024 ນີ້ ແມ່ນ 8 ແສນກວ່າຄົນ.

ເຈົ້າເມືອງວັງວຽງ ໃຫ້ຮູ້ຕື່ມວ່າ: ເນື່ອງຈາກໃນໄລຍະຫລັງມານີ້ ເກີດກໍລະນີບໍ່ຄາດຝັນເຮັດໃຫ້ນັກທ່ອງທ່ຽວໄດ້ຮັບບາດເຈັບ ແລະ ເສຍຊີວິດຈໍານວນໜ້ອຍໜຶ່ງ. ດັ່ງນັ້ນ ເພື່ອຮັບປະກັນຄວາມປອດໄພໃຫ້ແກ່ນັກທ່ອງທ່ຽວດີຂຶ້ນກວ່າເກົ່າ, ອົງການປົກຄອງເມືອງໄດ້ມອບຄວາມຮັບຜິດຊອບໃຫ້ພາກສ່ວນກ່ຽວຂ້ອງຈັດປະຊຸມ ແລະ ວາງແຜນຮ່ວມກັນ, ລວມເຖີງປຸກລະດົມຫົວໜ່ວຍທຸລະກິດທ່ອງທ່ຽວເອົາໃຈໃສ່ວຽກງານນີ້ໃຫ້ຫລາຍຂຶ້ນກວ່າເກົ່າ.

ທັ້ງນີ້, ເນື່ອງຈາກໃນໄລຍະຜ່ານມາ ຫົວໜ່ວຍທຸລະກິດທ່ອງທ່ຽວພາຍໃນເມືອງວັງວຽງຈໍານວນໜຶ່ງມີຄວາມສ່ຽງ ຍ້ອນລະບຽບຄຸ້ມຄອງບໍ່ຮັດກຸ້ມຢ່າງເຂັ້ມງວດແທ້ ໂດຍສະເພາະການທ່ອງທ່ຽວທາງອາກາດ ເຊັ່ນ: ພາລາມໍເຕີ່, ເຄື່ອງບິນເບົາ, ລວມເຖີງລົດປັກກີ່ ແລະ ລົດໃຫ້ເຊົ່າຕ່າງໆ ເນື່ອງຈາກນັກທ່ອງທ່ຽວຕ່າງປະເທດບາງຄົນຂັບຂີ່ບໍ່ທັນເກັ່ງ ຫລື ບໍ່ເຄີຍຊົມໃຊ້ໃນປະເທດຂອງຕົນມາກ່ອນ, ແຕ່ເມື່ອມາເຫັນແລ້ວຢາກລອງເພື່ອຄວາມມ່ວນຊື່ນຈຶ່ງເຮັດໃຫ້ເກີດອຸບັດຕິເຫດຂຶ້ນ.
ເພື່ອແກ້ໄຂບັນຫາທີ່ເກີດຂຶ້ນ ອົງການປົກຄອງເມືອງຈະວາງລະບຽບເພີ່ມຕື່ມແກ່ຜູ້ປະກອບການທ່ອງທ່ຽວເພື່ອຮັບປະກັນຄວາມປອດໄພຂອງນັກທ່ອງທ່ຽວໃຫ້ຫຼາຍຂຶ້ນ, ລວມເຖີງໃຫ້ຫົວໜ່ວຍທຸລະກິດເຫຼົ່ານີ້ເຂົ້າຫາປະກັນໄພເພື່ອຄໍ້າປະກັນໃນເວລາເກີດອຸບັດຕິເຫດຂອງນັກທ່ອງທ່ຽວ ຫຼື ເກີດມາແລ້ວມີຄວາມພ້ອມໃນການແກ້ໄຂຢ່າງທັນການ.

ທີ່ມາ: Lao National Radio

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...