ຕາມການລາຍງານຈາກເວັບໄຊ້ hk01 ໃນວັນທີ 28 ທັນວາ 2023 ໄດ້ໂພສເຖິງເລື່ອງລາວຂອງຊາຍຍີ່ປຸ່ນຄົນໜຶ່ງຊື່ວ່າ ຣິວຕະ ວາຕານາເບະ ອາຍຸ 35 ປີ ຈາກຊັບໂປໂຮ ຮອກໄກໂດຂອງຍີ່ປຸ່ນ ໄດ້ເປີດເຜີຍການໃຊ້ຊີວິດທີ່ແຕກຕ່າງຈາກຄົນອື່ນ ໂດຍການມີເມຍ 4 ຄົນ ແລະ ລູກອີກ 3 ຄົນ.
ຣິວຕະ ໄດ້ເປີດເຜີຍວ່າ: ເຂົາຮັັກເມຍທຸກຄົນເທົ່າກັນ ແລະ ຈັດສັນເວລາຮ່ວມກັນຢ່າງເທົ່າທຽມ ໂດຍການສະລັບມື້ນອນກັບເມຍແຕ່ລະຄົນ, ແຖມເຂົາຍັງເປັນຄົນວ່າງວຽກ ແລະ ໄດ້ອາໃສຢູ່ກັບເມຍທັງສາມ ເຊິ່ງມີອາຍຸ 27 ປີ, 24 ປີ, 22 ປີ (ສ່ວນເມຍຄົນທີ່ 4 ແຍກກັນຢູ່ ແລະ ບໍ່ໄດ້ເປີດເຜີຍຂໍ້ມູນ)
ສ່ວນເມຍທັງ 3 ເປີດເຜີຍວ່າ: ຮູ້ຕັ້ງແຕ່ທຳອິດແລ້ວວ່າຣິວຕະບໍ່ແມ່ນຜູ້ຊາຍປະເພດທີ່ຈະມີຄົນຮັກດຽວ ແລະ ຮູ້ດີວ່າເຂົາກຳລັງວ່າງວຽກ ແຕ່ບັນດາເມຍກໍບໍ່ໄດ້ມີປັນຫາກັບ 2 ຢ່າງນີ້ເຊິ່ງຄ່າຄອງຊີບຂອງຄອບຄົວຢູ່ປະມານ 850.000 ເຍນ ປະມານ 120 ລ້ານກີຍຕໍ່ເດືອນ ທາງດ້ານເມຍເປັນຄົນຮັບຜິດຊອບຫາເງິນລ້ຽງຄອບຄົວສ່ວນຜູ້ເປັນຜົວຈະຮັບຜິດຊອບເລື່ອງວຽກເຮືອນ ໂດຍມີເມຍຄົນທຳອິດຊ່ວຍແຕ່ງກິນ, ຜູ້ທີ່ສອງຊັກເຄື່ອງ, ຜູ້ທີ 3 ເບິ່ງລູກ.