Homeຂ່າວພາຍ​ໃນໂຄງການກໍ່ສ້າງຂົວຂ້າມນໍ້າຂອງແຫ່ງທີ v ມີຄວາມຄືບໜ້າ 83,67%

ໂຄງການກໍ່ສ້າງຂົວຂ້າມນໍ້າຂອງແຫ່ງທີ v ມີຄວາມຄືບໜ້າ 83,67%

Published on

ມາຮອດປັດຈຸບັນ, ໂຄງການກໍ່ສ້າງຂົວຂ້າມນໍ້າຂອງມິດຕະພາບ ລາວ-ໄທແຫ່ງທີ v (ບໍລິຄໍາໄຊ-ບຶງການ) ແຜນການລວມມີຄວາມຄືບໜ້າ 83,67% ຄາດວ່າຈະໃຫ້ສໍາເລັດໃນເດືອນສິງຫາ 2024 ແລະ ຈະໄດ້ມອບຮັບໂຄງການໃນທ້າຍປີ 2024. ພາຍຫລັງໂຄງການດັ່ງກ່າວສໍາເລັດ ຈະຮອງຮັບໃຫ້ແກ່ການຂົນສົ່ງ, ການໄປ-ມາຫາສູ່ກັນສະດວກສະບາຍຍິ່ງຂຶ້ນ.

ທ່ານ ໄລທອງ ພົມມະວົງ ຫົວໜ້າໂຄງການກໍ່ສ້າງຂົວຂ້າມນໍ້າຂອງມິດຕະພາບ ລາວ-ໄທ ແຫ່ງທີ v ກ່າວວ່າ: ການປະຕິບັດແຜນງານຂອງໂຄງການມາຮອດທ້າຍເດືອນພະຈິກ 2023 ສໍາລັບໜ້າວຽກໃນສັນຍາທີ 1 ວຽກກໍ່ສ້າງຂົວຂ້າມນໍ້າຂອງ ມາຮອດປັດຈຸບັນສໍາເລັດ 73% ແລະ ສັນຍາທີ 2 ການກໍ່ສ້າງທາງເຊື່ອມຕໍ່ເຂົ້າຂົວ ແລະ ກໍ່ສ້າງອາຄານດ່ານກວດຄົນເຂົ້າອອກ-ອອກເມືອງ ສໍາເລັດ 94%. ສ່ວນບັນດາໜ້າວຽກຕ່າງໆ ກໍມີຄວາມຄືບໜ້າຫລາຍສົມຄວນ.

ຂະນະທີ່ວຽກຊົດເຊີຍທີ່ດິນໃຫ້ປະຊາຊົນທີ່ຖືກຜົນກະທົບ ຈາກໂຄງການກໍ່ສ້າງຂົວຂ້າມນໍ້າຂອງແຫ່ງດັ່ງກ່າວ ໃນເນື້ອທີ່ 52,4 ເຮັກຕາ ລວມມີ: ດິນສວນ, ຕົ້ນໄມ້ ມູນຄ່າທັງໝົດ 5,33 ຕຶ້ກວ່າກີບ ໄດ້ມີການຊົດເຊີຍສໍາເລັດ 100% ໂດຍນໍາໃຊ້ທຶນສົມທົບພາຍໃນຂອງລັດຖະບານລາວເຂົ້າໃນການຊໍາລະ.

ສໍາລັບແຜນວຽກການກໍ່ສ້າງໃນເດືອນທັນວາ 2023 ແມ່ນຈະສຸມໃສ່ປະຕິບັດເຮັດໃຫ້ແຜນລວມທັງ 2 ສັນຍາຄື: ສັນຍາ 1 ຊ່ວງ 2B ຈະປະຕິບັດວຽກໃຫ້ໄດ້ 2,70% ແຜນການລວມທັງໝົດ 76,97%; ສັນຍາ 2 ຊ່ວງ 3 ວາງແຜນການປະຕິບັດວຽກໃນເດືອນໃຫ້ໄດ້ 4,93% ແຜນການລວມທັງໝົດ 100%. ແຜນລວມທັງ 2 ແຜນໃນເດືອນທັນວາໃຫ້ໄດ້ 3,81% ແຜນການລວມ 88,48%.

ແຫຼ່ງຂ່າວ: ປະເທດລາວ ຮູບພາບ: ປະເທດລາວ, Buengkan day.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...