spot_img
Homeຂ່າວຄາດຕະກຳຈັບໄດ້ແລ້ວມືປືນໃຈໂຫດ! ຍິງສາວເສຍຊີວິດຄາທີ່ເພາະຫຶງຫວງ

ຈັບໄດ້ແລ້ວມືປືນໃຈໂຫດ! ຍິງສາວເສຍຊີວິດຄາທີ່ເພາະຫຶງຫວງ

Published on

ຈາກເຫດການຍິງກັນເສຍຊີວິດທີ່ຮ້ານອາຫານ ເດີ່ນເທນນິດ ບ້ານທ່າເມືອງ ນະຄອນໄກສອນພົມວິຫານ ແຂວງສະຫວັນນະເຂດໃນວັນທີ 9 ທັນວາ 2023 ທີ່າຜ່ານມາ, ເຮັດໃຫ້ມີຜູ້ເສຍຊີວິດ 1 ຄົນຍ້ອນສາເຫດຫຶງຫວງກັນ.

ຕາມການລາຍງານເບື້ອງຕົ້ນຜູ້ເສຍຊີວິດຊື່ວ່າ: ນາງ ພອນທິດາ ຫຼື ອຸ້ຍ ອາຍຸ 33 ປີ ອາຊີບ ຄ້າຂາຍຢູ່ບ້ານລັດຕະນະລັງສີໃຕ້ ນອຄອນໄກສອນພົມວິຫານ ສ່ວນຜູ້ກໍ່ເຫດ ຊື່ວ່າທ້າວຮຸ່ງອາຍຸ 58 ປີ, ອາຊີບຄ້າຂາຍ ສັນຊາດຫວຽດນາມ ຢູ່ບ້ານໄຊຍະພູມ ນະຄອນໄກສອນພົມວິຫານ.

ຕາມການໃຫ້ຂໍ້ມູນຂອງເຈົ້າໜ້າທີ່ໃຫ້ຮູ້ວ່າ: ເຫດການດັ່ງກ່າວເກີດຂຶ້ນຢູ່ທີ່ເດີ່ນເທນນິດບ້ານ ທ່າເມືອງ ນະຄອນໄກສອນພົມວິຫານ ແລະ ມີຜູ້ຢູ່ມນເຫດການທັງໝົດ 6 ຄົນ: ທ້າວ ຊົມພູ ພົງສາ ອາຍຸ 71 ປີ, ທ້າວ ແຂກ ອາຍຸ 62 ປີ,  ທ້າວ ພູວັນ ອາຍຸ 64 ປີ, ທ້າວ ເບ ອາຍຸ 65 ປີ, ທ້າວ ວົງພະທິດ ອາຍຸ 60 ປີ, 5. ນາງ ພອນນິດາ ຫຼື ອຸ້ຍ ອາຍຸ 33 ປີ (ຜູ້ເສຍຊີວິດ) ຫຼັງຈາກນັ້ນກໍ່ພາກັນນັ່ງ ຊຸມແຊວກິນເຂົ້າ ແລະ ດື່ມເບຍຢູ່ໃນຮ້ານດັ່ງກ່າວ.

ພໍຮອດເວລາປະມານ 21 ໂມງ 00 ນາທີ, ຂອງວັນດຽວກັນ ທ້າວ ຮຸ່ງ ອາຍຸ 58 ປີ (ຜູ້ກໍ່ເຫດ) ໄດ້ຍ່າງເຂົ້າມາໃນຮ້ານແລ້ວນັ່ງຢູ່ໂຕະທາງດ້ານນອກ ຕໍ່ມານາງ ພອນນິດາ ຫຼື ອຸ້ຍ (ຜູ້ຕາຍ) ໄດ້ຍ່າງອອກໄປນັ່ງນໍາທ້າວ ຮຸ່ງ ຢູ່ໂຕະແລ້ວມີປາກສຽງກັນພ້ອມທັງເອົາປືນສັ້ນອອກມາຍິງນາງ ພອນນິດາ ຫຼື ອຸ້ຍ ຈໍານວນ 02 ນັດ ຈົນເສຍຊີວິດຄ່າທີ່ ພາຍຫຼັງຍິງແລ້ວກໍ່ຍ່າງເຂົ້າໄປຍິງທ້າວ ຊົມພູ ພົງສາ ຢູ່ ໃນຫ້ອງແອ ຈໍານວນ 02 ນັດ ຈົນໄດ້ຮັບບາດເຈັດສາຫັດ ຕໍ່ມາທ້າວ ວົງພະທິດ ທີ່ນັ່ງຊຸມແຊວນໍາກັນ ຈິ່ງໄດ້ ຍາດເອົາປືນໃນມືຂອງທ້າວ ຮຸ່ງ ໄດ້ ຈາກນັ້ນທ້າວ ຮຸ່ງ ຈິງໄດ້ເອົາຕົວຫຼົບຫນີໄປ ສ່ວນສາເຫດແຮງຈູງໃຈເກີດຂຶ້ນຍ້ອນຄວາມຫຶງຫວງ.

ຫຼ້າສຸດໃນວັນທີ 16 ທັນວາ 2023 ເຈົ້າໜ້າທີ່ໄດ້ເຂົ້າຈັບກຸມຜູ້ກໍ່ເຫດໄດ້ ຢູ່ທີ່ແຂວງອຸບົກຣາຊະທານີ ແລະ ໄດ້ຄຸມຕົວມາດ່ານກວດຄົນເຂົ້າເມືອງມຸກດາຫານ-ສະຫວັນນະເຂດ ແລະ ສົ່ງຕົວໃຫ້ເຈົ້າໜ້າທີ່ລາວດຳເນີນຄະດີຕໍ່ໄປ.

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...