spot_img
Homeຂ່າວຕ່າງປະເທດແອບນຽນ! ຍິງສາວສັ່ງອາຫານ ກິນແລ້ວບໍ່ຈ່າຍ ແຕ່ອ້າງວ່າເປັນເທບ.

ແອບນຽນ! ຍິງສາວສັ່ງອາຫານ ກິນແລ້ວບໍ່ຈ່າຍ ແຕ່ອ້າງວ່າເປັນເທບ.

Published on

ສຳນັກຂ່າວໄທລາຍງານໃນວັນທີ 14 ທັນວາ 2023, ກ່ຽວກັບເຫດການແມ່ຄ້າຮ້ານກ້ວຍຕຽວ (ເຝີ) ຖືກລູກຄ້າເຂົ້າມາສັ່ງອາຫານຄົນດຽວເຕັມໂຕະ ແຕ່ກິນແລ້ວບໍ່ຍອມຈ່າຍ ແລະ ອ້າງວ່າຕົນເປັນເທບສຸດທ້າຍຖືກຕຳຫຼວດຄວບຄຸມໂຕ ຢູ່ທີ່ຮ້ານກ້ວຍຕຽວແຫ່ງໜຶ່ງໃກ້ປໍ້ານໍ້າມັນ ເມືອງຂ່ອນແກ່ນ ປະເທດໄທ.

ໂດຍກ້ອງໄດ້ບັນທຶກພາບລູກຄ້າເປັນຍິງສາວເສື້ອແດງທີ່ເຂົ້າມານັ່ງຢູຸ່ໂຕະພາຍໃນຮ້ານ ແລ້ວສັ່ງຂອງກິນຫຼາຍຢ່າງ ເຈົ້າຂອງຮ້ານໄດ້ເລົ່າວ່າ: ຍິງຄົນດັ່ງກ່າວຍ່າງເຂົ້າມາແລ້ວໄດ້ສັ່ງອາຫານລາຍຈານ ພ້ອມມີເຂົ້າໜົມ ແລະ ເຄື່ອງດື່ມ ຈາກນັ້ນນາງກໍໄດ້ຍ່າງມາສັ່ງອີກແຕ່ຮອບນີ້ມີພິລຸດ ທາງດ້ານເຈົ້າຂອງຮ້ານຈຶ່ງໂທໃຫ້ແຟນມາເບິ່ງຊ່ວຍ, ຕໍ່ມາຍິງຄົນດັ່ງກ່າວກິນອາຫານຈົນເກືອບໝົດແລ້ວ ກ່ອນທີ່ຈະລຸກຂຶ້ນພະຍາຍາມຍ່າງອອກໄປ ແຕ່ແຟນເຈົ້າຂອງຮ້ານເຫັນກ່ອນຈຶ່ງໄດ້ຍ່າງໄປຂໍເກັບເງິນນຳຈຳນວນ 320 ບາດ ຫຼື ປະມານ ເກືອບ 2 ແສນກີບ ພ້ອມກັບຕຳຫຼວດທີ່ຢູ່ໜ້າຮ້ານ ແຕ່ຍິງຄົນດັ່ງກ່າວເວົ້າວ່າ “ຂ້ອຍຕ້ອງຈ່າຍບໍ່ ຂ້ອຍເປັນເທບ”

ຈາກນັ້ນຕຳຫຼວດຈຶ່ງພາຍິງຄົນດັ່ງກ່າວໄປ ສຳນັກງານຕຳຫຼວດເມືອງຂອນກ່ອນ ເຊິ່ງທາງເຈົ້າຂອງຮ້ານກໍບໍ່ໄດ້ເອົາຜິດນຳ ເພາະຖ້າຫານຢາກກິນກໍໃຫ້ບອກກັນດີໆ ພ້ອມທີ່ຈະໃຫ້ກິນຟຣີ ແຕ່ຕຳຫຼວດເວົ້າວ່າ: ຍິງຄົນດັ່ງກ່າວຄ້າຍຄົນສະຕິບໍ່ດີເຊິ່ງກ່ອນໜ້າທີ່ຈະເຂົ້າຮ້ານກ້ວຍຕຽວ ກໍໄດ້ຍ່າງເຂົ້າຮ້ານສະດວກຊື້ ແລະ ໄດ້ພະຍາຍາມຈະລັກເຄື່ອງແຕ່ຖືກເຫັນເສຍກ່ອນ.

ທີ່ມາ: ຂ່າວສົດ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...