ຕາມການລາຍງານຂອງສຳນັກຂ່າວຕ່າງປະເທດໃນວັນທີ 13 ທັນວາ 2023 ນີ້ໄດ້ມີນັກທ່ອງທ່ຽວພົບປາວານ (ຫົວທຸຍ) ຂະນາດໃຫຍ່ໄດ້ລອຍເກຍຕື້ນເຂົ້າໃກ້ຝັງ ບໍລິເວນແຄມຊາຍຫາດເວສເທິນ ໃນປະເທດ ອອສເຕເລຍ ເຈົ້າໜ້າທີ່ຄາດວ່າຖືກເຮືອຕໍາຈົນລອຍນ້ຳເຂົ້າມາໃກ້ແຄມຝັງ.
ຫຼ້າສຸດສື່ທ້ອງຖິ່ນລາຍງານວ່າ: ປາວານໂຕດັ່ງກ່າວມີຂະນາດຍາວ 15 ແມັດ ແລະ ໄດ້ຕາຍແລ້ວໃນຊ່ວງເຊົ້າຂອງມື້ນີ້ໂດຍຄາດວ່າຖືກເຮືອຕຳ ແລ້ວລອຍເຂົ້າໃກ້ບໍລິເວນແຄມຝັງ ເຊິ່ງເຈົ້ານ້າທີ່ໄດ້ປິດຊາຍຫາດບໍລິເວນດັ່ງກ່າວ ເພື່ອຍ້າຍຊາກຂອງປາວານອອກຈາກພື້ນທີ່ໃຫ້ໄດ້ໄວທີ່ສຸດ.
ເຊິ່ງກ່ອນໜ້ານີ້ເຈົ້າໜ້າທີ່ອານຸລັກ ທີ່ເຫັນຄລິບວີດີໂອດັ່ງກ່າວຕ່າງກໍພາກັນຕັ້ງຂໍ້ສັງເກດວ່າ: ການລອຍນ້ຳເຂົ້າມາໃກ້ຊາຍຫາດມັນຜິດປົກກະຕິນອກສະຈາກປາວານນັ້ນມີອາການປ່ວຍ ຫຼື ມີຄວາມຜິດປົກກະຕິບາງຢ່າງ ເຊິ່ງທາງເຈົ້າໜ້າທີ່ໄດ້ທຳການເລັ່ງພິສູດເພື່ອຫາສາເຫດຂອງການຕາຍຕໍ່ໄປ.
ທີ່ມາ: 9news