Homeຂ່າວກິລາທັບນັກກິລາກະຕໍ້ລາວ ສ້າງຜົນງານລື່ນຄາດໝາຍຄວ້າ 2 ຫຼຽນຄຳ, 2 ຫຼຽນເງິນ ແລະ 4 ຫຼຽນທອງ ສອງງານໃຫຍ່ ທີ່ ສປ...

ທັບນັກກິລາກະຕໍ້ລາວ ສ້າງຜົນງານລື່ນຄາດໝາຍຄວ້າ 2 ຫຼຽນຄຳ, 2 ຫຼຽນເງິນ ແລະ 4 ຫຼຽນທອງ ສອງງານໃຫຍ່ ທີ່ ສປ ຈີນ

Published on

ທັບນັກກິລາກະຕໍ້ທີມຊາດລາວ ສ້າງຜົນງານໄດ້ລື່ນຄາດໝາຍຍາດໄດ້ 2 ຫຼຽນຄຳ, 2 ຫຼຽນເງິນ ແລະ 4 ຫຼຽນທອງ ໃນການແຂ່ງຂັນກະຕໍ້ນາໆຊາດ ໃນບັນດາສະມາຊິກປະເທດຂົງເຂດອາຊຽນ ຫຼື ລາຍການ 2023 ASEAN Cup International Sepaktakraw Invitational Tournament 2023 ລະຫວ່າງວັນທີ 17-21 ພະຈິກ ປະຈຳປີ 2023 ແລະ ການແຂ່ງຂັນກິລາກະຕໍ້ ເຊື່ອມສຳນພັນທະໄມຕີ ລະຫວ່າງປະເທດລຸ່ມແມ່ນໍ້າຂອງ ແລະ ຂົງເຂດອາຊຽນ ປະຈຳປີ 2023 ຫຼື ລາຍການ 2023 China Sepak Takraw open of Lancang-Mekong Cooperation ລະຫວ່າງວັນທີ 23-27 ພະຈິກ 2023 ທີ່ ສປ ຈີນ.

ໃນຕອນເຊົ້າວັນທີ 27 ພະຈິກ ຜ່ານມາ ທີ່ສະໜາມບິນສາກົນວັດໄຕ ທັບນັກກິລາກະຕໍ້ທີມຊາດລາວ ຊຸດສ້າງຜົນງານໄດ້ຢ່າງໂດດເດັ່ນ ຄວ້າ 2 ຫຼຽນຄຳ, 2 ຫຼຽນເງິນ ແລະ 4 ຫຼຽນທອງ ໃນການແຂ່ງຂັນກະຕໍ້ 2 ງານໃຫຍ່ ທີ່ສປ ຈີນ ເປັນເຈົ້າພາບ ໂດຍການນໍາພາຂອງທ່ານ ນາງ ເກດສຸດາ ເລັ່ງສະຫວັດ ຮອງຜູ້ອຳນວຍການສະຖາບັນກິລາ-ກາຍະກຳ ຫຼື ສບກ ທັງເປັນຫົວໜ້າຄະນະ ແລະ ທ່ານ ນາງ ຄໍາຫຼ້າ ເພັງສີດາລາ ຜູ້ອຳນວຍການໂຮງຮຽນພອນສະຫວັນກິລາ-ກາຍະກຳ ເປັນຜູ້ຈັດການທີມ ໄດ້ເດີນທາງກັບຈາກ ສປ ຈີນ ເຖິງສປປ ລາວ ນະຄອນຫຼວງວຽງຈັນ ມີບັນດາພໍ່ແມ່ພີ່ນ້ອງມາຕ້ອນຮັບ ແລະ ສະແດງຄວາມຍິນດີຕໍ່ຜົນງານດັ່ງກ່າວ.

ສະຫະພັນກິລາກະຕໍ້ແຫ່ງຊາດລາວ ໄດ້ສົ່ງທັບນັກກິລາກະຕໍ້ທີມຊາດລາວ ຊຶ່ງໄດ້ປະສົມກັບບັນດານັກສຶກສາຂອງສະຖາບັນກິລາ-ກາຍະກຳ ແລະ ໂຮງຮຽນພອນສະຫວັນກິລາ-ກາຍະກຳ ໄດ້ສົ່ງນັກກີລາຈຳນວນ 16 ຄົນ, ໃນນັ້ນ ມີຄະນະນຳ 2 ຄົນ, ຄູຝຶກ 2 ຄົນ ແລະ ນັກກິລາ 12 ຄົນ ໃນການເຂົ້າຮ່ວມ 2 ງານດັ່ງກ່າວ ສາມາດຕີລາຄາໄດ້ສູງພວກເຮົາສ້າງຜົນງານໄດ້ລື່ນຄາດໝາຍ ຄວ້າ 2 ຫຼຽນຄຳ, 2 ຫຼຽນເງິນ ແລະ 4 ຫຼຽນທອງ ເຊິ່ງລາຍການດັ່ງກ່າວມີ 6 ປະເທດເຂົ້າຮ່ວມ ປະກອບມີ ເຈົ້າພາບ ສປ ຈີນ, ສສ ຫວຽດນາມ, ອິນໂດເນເຊຍ, ມາເລເຊຍ, ມຽນມາ ແລະ ສປປ ລາວ.

ສຳລັບຜົນງານໃນເຂົ້າຮ່ວມການແຂ່ງຂັນກິລາກະຕໍ້ນານາຊາດ ຊີງແຊ໋ມອາຊຽນ 2023 ລະຫວ່າງວັນທີ 17-21 ພະຈິກ ຜ່ານມາ ທີ່ເມືອງກຸຍຢາງ ທັບນັກກິລາກະຕໍ້ທີມຊາດລາວ ຍາດໄດ້ 1 ຫຼຽນເງິນ ແລະ 3 ຫຼຽນທອງ ແລະ ຜົນງານໃນການເຂົ້າຮ່ວມແຂ່ງຂັນກິລາກະຕໍ້ ເຊື່ອມສຳນພັນທະໄມຕີ ລະຫວ່າງປະເທດລຸ່ມແມ່ນໍ້າຂອງ ແລະ ຂົງເຂດອາຊຽນ ປະຈຳປີ 2023 ລະຫວ່າງວັນທີ 23-27 ພະຈິກ 2023 ທີ່ ສປ ຈີນ ສາມາດຍາດໄດ້ 2 ຫຼຽນຄຳ ຈາກປະເພດທີມດ່ຽວຊາຍ ແລະ ທີມ 4 ຄົນຊາຍ, 1 ຫຼຽນເງີນ ຈາກປະເພດທີມດ່ຽວຍິງ ແລະ 1 ຫຼຽນທອງຈາກປະເພດທີມ 4 ຄົນ.

ຂ່າວໂດຍ: ໜັງສືພິມສຶກສາ-ກິລາ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...