spot_img
Homeອຸບັດເຫດແລະປາກົດການຫຍໍ້ທໍ້ຮ່ວມກັນປຸ້ນຊັບ ສານສັ່ງຈຳຄຸກ 4 ປີເຄິ່ງ ຢູ່ແຂວງຫົວພັນ!

ຮ່ວມກັນປຸ້ນຊັບ ສານສັ່ງຈຳຄຸກ 4 ປີເຄິ່ງ ຢູ່ແຂວງຫົວພັນ!

Published on

6666 001

 

ເມື່ອບໍ່ດົນມານີ້ ສານປະຊາຊົນແຂວງຫົວພັນ ໄດ້ຕັດສີນລົງໂທດ ທ້າວ ບຸນຕາ (ແຫລ້) ອາຍຸ 39 ປີ ຢູ່ບ້ານຜາທຸມ

ເມືອງປາກອູ ແຂວງຫລວງພະບາງ, ທ້າວ ວັນໄຊ ເລົ່າ ອາຍຸ 30 ປີຢູ່ບ້ານຮວມສຸກ ເມືອງໄຊ ແຂວງອຸດົມໄຊ, ທ້າວ

ຈົ່ງ ທໍ່ ອາຍຸ 22 ປີ ແລະ ນາງ ຢົງເຮີ ອາຍຸ 32 ປີຢູ່ຊຳເໜືອ ແຂວງຫົວພັນ ໃຫ້ຈຳຄຸກເປັນເວລາ 4 ປີ 6 ເດືອນ. ໃນຂໍ້

ຫາປຸ້ນຊັບພົນລະເມືອງ, ໂດຍພວກເຂົາໄດ້ຮ່ວມກັນປຸ້ນຊັບ ທ້າວ ໄທ ວ່າງ ຢູ່ເມືອງຊຳເໜືອ ແຂວງຫົວພັນ. ເຊິ່ງ

ເຫດການມີຢູ່ວ່າ: ໃນວັນທີ 6 ພະຈິກ 2014 ທ້າວ ວັນໄຊ ໄດ້ເຂົ້າໄປຊື້ຢາໄອນຳທ້າວ ໄທ ວ່າງ ຢູ່ເຮືອນ, ຫລັງຈາກນັ້ນ

ທ້າວ ບຸນຕາ ແລະ ທ້າວ ຈົ່ງທໍ່ ໄດ້ປອມເປັນຕຳຫລວດສະແດງຕົວເຂົ້າຈັບທ້າວ ໄທ ວ່າງ, ສ່ວນ ນາງ ຍົງເຮີ ແມ່ນ

ເປັນຜູ້ແນມຕົ້ນທາງ, ຫລັງຈາກນັ້ນ ພວກເຂົາໄດ້ກວດຄົ້ນເຮືອນ ແລະ ບອກທ້າວ ໄທ ວ່າງ ເອົາເງິນຈຳນວນ 10

ພັນໂດລາສະຫະລັດໃຫ້ແກ່ພວກເຂົາ, ທ້າວ ໄທ ວ່າງ ຈຶ່ງອອກອຸບາຍວ່າຈະໄປເອົາເງິນມາໃຫ້ ແລະ ອອກຈາກເຮືອນ

ໄປ, ໃນຂະນະນັ້ນ ກໍໄດ້ຮ້ອງໃຫ້ຊາວບ້ານມາຊ່ວຍເຫລືອ ແລະ ກໍມີຊາວບ້ານມາຊ່ວຍ ແລະ ສາມາດຈັບຕົວພວກ

ແອບອ້າງດັ່ງກ່າວສົ່ງໃຫ້ເຈົ້າໜ້າທີ່ດຳເນີນຄະດີ.

 

ຂ່າວໃຫ້ຮູ້ຕື່ມວ່າ: ໃນວັນທີ 1 ທັນວານີ້, ເຈົ້າໜ້າທີ່ຕ້ານຢາເສບຕິດກະຊວງປ້ອງກັນຄວາມສະຫງົບ ໄດ້ມ້າງແກ໋ງ

ຄ້າຢາໄອ ຢູ່ຕະຫລາດຊັ່ງຈຽງ ເມືອງສີໂຄດຕະບອງ ນະຄອນຫລວງວຽງຈັນ ຈັບຜູ້ຕ້ອງຫາຄື ທ້າວ ເບົາ ອາຍຸ 54 ປີ

ສັນຊາດມຽນມາ ຢູ່ບ້ານພົງເມືອງ ເມືອງ ແລະ ແຂວງທ່າຂີ້ເຫລັກ ປະເທດມຽນມ້າ, ທ້າວ ແອ່ນ ອາຍຸ 29 ປີຢູ່ ບ້ານ

ໄຊສະຫວ່າງ ເມືອງໄຊທານີ, ທ້າວ ອີນ ອາຍຸ 31 ປີ, ທ້າວ ຄຳພຸດ ອາຍຸ 44 ປີພັກຢູ່ບ້ານຈອມແຈ້ງ ເມືອງສີສັດຕະນາກ

ແລະ ທ້າວ ສຸກ ອາຍຸ 52 ປີຢູ່ບ້ານທາດຫລວງ ເມືອງໄຊເສດຖາ ນະຄອນຫລວງວຽງຈັນ ພ້ອມ ຂອງກາງຢາໄອ 10

ກິໂລ, ລົດໃຫຍ່ໜຶ່ງຄັນ, ປືນໜຶ່ງກະບອກ ແລະ ລູກກະສູນຈຳນວນໜຶ່ງ, ເຈົ້າໜ້າທີ່ຈຶ່ງໄດ້ຢຶດໄວ້ເປັນຫລັກຖານ

ເພື່ອດຳເນີນຄະດີຕາມລະ ບຽບກົດໝາຍ.

 

ຂະນະທີ່ທ່ານພັນໂທ ຄຳເຫລັກ ທຳມະໂກດ ຫົວໜ້າຫ້ອງສັນຕິບານ ນະຄອນຫລວງວຽງຈັນ ໃຫ້ຮູ້ວ່າ: ໃນໜຶ່ງປີຜ່ານ

ມາ ໄດ້ກວດກາຄົນເຂົ້າ-ອອກເມືອງຜ່ານດ່ານສາກົນຂົວມິດຕະພາບ 1, ດ່ານສະຖານີລົດໄຟທ່ານາແລ້ງ ແລະ ດ່ານ

ທ້ອງຖິ່ນທ່າເດື່ອ ເມືອງຫາດຊາຍຟອງ ເຫັນວ່າ: ມີຜູ້ລະເມີດລະບຽບການເຂົ້າ-ອອກເມືອງ ຈຳນວນ 453 ຄົນ, ສ່ວນ

ຫລາຍແມ່ນຄົນຕ່າງປະເທດຢູ່ເກີນກຳນົດ, ໃຊ້ເອກກະສານຜ່ານແດນຜູ້ອື່ນ, ຜູ້ຕ້ອງຫາຄະດີຢາເສບຕິດ, ບຸກຄົນ

ຫ້າມເຂົ້າ-ອອກເມືອງ ແລະ ອື່ນໆ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...