ເລື່ອງລາວດັ່ງກ່າວເປັນຂອງທ້າວຈູ ອາຍຸ 35 ປີ ສັນຊາດຈີນ ໂດຍໄດ້ພົບກັບອະດີດແຟນຜ່ານການນັດພົບກັນ ແລະ ຕັດສິນໃຈແຕ່ງດອງກັນ ຫຼັງຈາກຄົບຫາກັນໄດ້ເກືອບສິບເດືອນ.
ກ່ອນໜ້ານີ້ ທັງສອງໄດ້ຕົກລົງຄ່າດອງກັນເປັນທີ່ຮຽບຮ້ອຍ ໂດຍຢູ່ທີ່ປະມານ 188,000 ຢວນ (600 ກວ່າລ້ານກີບ) ແຕ່ເມື່ອໃກ້ຮອດມື້ງານທາງແຟນສາວກໍຂໍຄ່າດອງເພີ່ມອີກ 30,000 ຢວນ (100 ກວ່າລ້ານກີບ) ແລະ ທັງສອງກໍເລີ່ມຜິດກັນ ທາງຝ່າຍຍິງບອກວ່າຖ້າໃຫ້ບໍ່ໄດ້ກໍຄືຈົບ ຈາກນັ້ນກໍວາງສາຍໄປ, ຕັ້ງແຕ່ນັ້ນມາທັງສອງກໍບໍ່ໄດ້ຕິດຕໍ່ກັນເລີຍ ຝ່າຍຊາຍຄາດວ່າອາດເປັນການບອກເລີກ.
ຫຼັງຈາກນັ້ນທ້າວຈູ ກໍເອົາງິນຈຳນວນດັ່ງກ່າວໄປທ່ອງທ່ຽວ, ເລາະທົ່ວປະເທດຈີນ ໂດຍການເດີນທາງດ້ວຍລົດໄຟ ໃນລະຫວ່າງທາງລາວກໍໄດ້ບັນທຶກພາບບັນຍາກາດຕ່າງໆລົງໃນອອນລາຍອີກດ້ວຍ.
ທີ່ມາ:Weibo