ອີງຕາມເວັບໄຊ້ຂ່າວຕ່າງປະເທດລຍງານໃນວັນທີ 9 ພະຈິກ 2023 ນີ້ວ່າ: ຍິງສາວຊາບຈີນຄົນໜຶ່ງເຂົ້າແຈ້ງຄວາມ ສະຖາບັນວິໄຈເນື້ອງອກ ແຫ່ງນຶ່ງໃນເມືອງອູ່ຫັ່ນ ເຂດຫູ່ເປີ່ຍຕອນກາງຂອງປະເທດຈີນ ຫຼັງແມ່ຂອງນາງໄດ້ກວດພົບວ່າເປັນມະເຮັງ ແລ້ວຖືກຕົວະໃຫ້ຈ່າຍເງິນ 200,000 ຢວນ ຫຼື ປະມານ ເກືອບ 700 ລ້ານກີບ ສຳລັບການຮັກສາດ້ວຍການເອົາປູນຊີມັງມາທາບໍລິເວນຜິວໜັງ ຈົນເຮັດໃຫ້ແມ່ຂອງນາງເສຍຊີວິດ.
ສື່ທ້ອງຖິ່ນໄດ້ລະບຸວ່າ: ຜູ້ຍິງຊາວຈີນໄດ້ເລົ່າວ່າ: ແມ່ຂອງນາງໄດ້ຮັບການກວດພະຍາດແລ້ວພົບວ່າເປັນມະເຮັງເຕົ້ານົມໄລຍະສຸດທ້າຍ ເມື່ອທ້າຍປີ 2021 ຈຶ່ງພະຍາຍາມຫາທາງຮັກສາແມ່ ພາຍຫຼັງໄດ້ຮັບຄຳແນະນຳຈາກໝູ່ຢູ່ສື່ສັງຄົມອອນລາຍໃຫ້ໄປພົບຜູ້ຊ່ຽວຊານດ້ານການຮັກສາມະເຮັງຄົນໜຶ່ງ ຈຶ່ງມີຄວາມຫວັງວ່າຈະຮັກສາໂຣກມະເຮັງໄດ້, ຍິງສາວກັບແມ່ໄດ້ເດີນທາງໄປພົບຊາຍຈີນຊື່ວ່າ: ແຊ່ອະວີ້ ເຈົ້າຂອງວິໄຈ ສະຖາບັນວິໄຈມະເຮັງອະວີ້ຊານເປົ່າ ໂດຍອ້າງວ່າສາມາດຄິດຄົ້ນຢາທີ່ກຳຈັດເຊວມະເຮັງໄດ້ ແລະ ຍັງສະແດງເອກະສານ ໃບຮັບຮອງຕ່າງໆ ທີ່ເບິ່ງນ້າເຊື່ອຖື.
ແມ່ຂອງລາວຈຶ່ງຕັດສິນໃຈຊື້ຢາຊຸດທຳອິດມີລາຄາ 20,000 ຢວນຫຼືປະມານ ເກືອບ 70 ລ້ານກີບ ເປັນຢາສຳລັບກິນເທົ່ານັ້ນ ໂດຍຕະຫຼອດໄລຍະໜຶ່ງປີ ຜູ້ຍິງແລະແມ່ຂອງນາງໄດ້ເດີນທາງຈາກຫຼຽວນິງ ໄປ ອູ່ຫັ່ນເພື່ອຮັບຢາມາຮັກສາເຖິງ 6 ຄັ້ງ ລວມເປັນເງິນ 200,000 ຢວນ. ນອກຈາກນີ້ ໝໍເຖື່ອນລາຍນີ້ຍັງຮັກສາແມ່ຂອງນາງໂດຍການເອົາເຂັມແທງໄປບໍລິເວນໜ້າເອິກໃຫ້ເລືອດອອກແລ້ວເອົາແກ້ວມາງວມເພື່ອດູດເລືອດອອກ ຫຼາຍກວ່າ 10 ຄັ້ງ ລວມເຖິງເອົາປູນຊີມັງມາທາບໍລິເວນກ້ອງຂີ້ແຮ້ທີ່ເປັນເຊື້ອມະເຮັງ ໂດຍອ້າງວ່າຈະຊ່ວຍລົດຂະໜາດກ້ອນເນື້ອຂອງມະເຮັງໄດ້ ແມ່ຂອງນາງໄດ້ເຮັດຕາມຄຳແນະນຳ ແຕ່ຫຼັງຈາກການຮັກສາດ້ວຍວິທີດັ່ງກ່າວເປັນເວລາ 2 ເດືອນ ຜິດໜັງເກີດການຕິດເຊື້ອຈົນເໜົ່າເປື່ອຍ.
ຈາກນັ້ນໃນເດືອນເມສາທີ່ຜ່ານມາ, ອາການຂອງແມ່ລາວໄດ້ຮ້າຍແຮງກວ່າເກົ່າໂດຍແພດໃນພື້ນທີ່ໄດ້ແຈ້ງຂ່າວເສົ້າໃຫ້ລູກວ່າ: ມະເຮັງໄດ້ແຜ່ລາມໄປທົ່ວຮ່າງກາຍຂອງແມ່ໝົ້ດແລ້ວ້ ສຸດທ້າຍເມື່ອເດືອນ ມິຖຸນາທີ່ຜ່ານມາແມ່ຂອງນາງກໍເສຍຊີວິດ.
ທາງດ້ານໝໍເຖື່ອໄດ້ອອກມາຍອມຮັບພາຍຫຼັງວ່າ: ຕົນ ແລະ ສະຖາບັນ ບໍ່ໄດ້ມີຄຸນນະສົມບັດທາງດ້ານການແພດຈັກໜ້ອຍ ຕົນພຽງແຕ່ມີໜ້າທີ່ຂາຍຜະລິດຕະພັນອາຫານເສີມເທົ່ານັ້ນ ແລະ ຍັງຮັບສາລະພາບອີກວ່າໄດ້ຊື້ໃບຮັບຮອງ ແລະ ເອກະສານຕ່າງໆ ໃນລາຄາບໍ່ຮອດ 10,000 ຢວນ ທາງອອນລາຍ.