Homeຂ່າວອຸບັດຕິເຫດເຫດຄົນຕົກທ້າຍລົດກະບະເສຍຊີວິດ ຢູ່ເສັ້ນທາງ ທະໜົນ R4 ທາງ ຫຼວງແຫ່ງຊາດ

ເຫດຄົນຕົກທ້າຍລົດກະບະເສຍຊີວິດ ຢູ່ເສັ້ນທາງ ທະໜົນ R4 ທາງ ຫຼວງແຫ່ງຊາດ

Published on

ອີງຕາມ ຂ່າວ ປກສ ແຂວງ ໄຊຍະບູລີ ລາຍງານໃນວັນທີ 1 ພະຈິກ 2023 ນີ້ໃຫ້ຮູ້ວ່າ: ໃນເວລາ 10 ໂມງ 30 ນາທີ ຂອງວັນທີ 28 ຕຸລາ 2023 ທີ່ຜ່ານມາໄດ້ເກີດອຸບັດຕິເຫດ ຢູ່ເສັ້ນທາງ ທະໜົນ R4 ທາງຫຼວງແຫ່ງຊາດ ຂອບເຂດບ້ານ ນໍ້າຊົ້ງ ເມືອງປາກລາຍ ແຂວງໄຊຍະບູລີ ໄດ້ມີຄົນນັ່ງທ້າຍລົດກະບະ ວິໂກ ຕົກອອກຈາກລົດເສຍຊີວິດ ,ລົດກະບະ ຍີ່ຫໍ້ໂຕໂຍຕາ ວິໂກ ສີປອນເງິນ ທະບຽນ ກຂ 3779 ໄຊຍະບູລີ ຂັບຂີ່ໂດຍ:ທ້າວ ສຸລິນ ອິນທະວົງ ອາຍຸ 42 ປີ ອາຊີບ ປະຊາຊົນ ປະຈຸບັນຢູ່ ບ້ານ ທ່າປໍ ເມືອງປາກລາຍ ແຂວງໄຊຍະບູລີ ຂັບຂີ່ລົດອອກຈາກບ້ານທ່າປໍ ເພື່ອເຂົ້າມາຕົວເມືອງປາກລາຍ.

ຕາມການລາຍງານ: ມີຜູ້ນັ່ງທ້າຍກະບະມານຳ 2 ຄົນຊື່ ທ້າວ ພອນປະເສີດ ອາຍຸ 50 ປີ ອາຊີບປະຊາຊົນ ແລະ ທ້າວ ຊາລັນ ອາຍຸ 2 ປີເປັນຫຼານຂອງຜູ້ກ່ຽວ ຢູ່ບ້ານ ທ່າປໍ ເມືອງປາກລາຍ ແຂວງໄຊຍະບູລີ ພໍມາຮອດຈຸດເກີດເຫດດັ່ງກ່າວຜູ່ຂັບລົດໄດ້ແລ່ນລົດໄວເປັນເສັ້ນທາງໂຄ້ງທາງເປັນຂຸມ ຈຶ່ງເຮັດໃຫ້ ທ້າວ ພອນປະເສີດ ແລະ ທ້າວ ຊາລັນ ຟົ້ງອອກຈາກທ້າຍກະບະລົດ ຫົວນອກພື້ນ ເຮັດໃຫ້ທ້າວ ພອນປະເສີດ ເຈັບສາຫັດ ແລ້ວນຳສົ່ງໂຮງໝໍເມືອງປາກລາຍ ແລ້ວຜູ່ກ່ຽວກໍເສຍຊີວິດໃນເວລາຕໍ່ມາ, ສ່ວນທ້າວ ຊາລັນ ຜູ້ເປັນຫຼານແມ່ນໄດ້ຮັບບາດເຈັບເລັກນ້ອຍ ສະພາບສະຖານທີ່ເກີດອຸບັດຕິເຫດ ເປັນເສັ້ນທາງປູຢາງ, ເປັນຂຸມທາງໂຄ້ງອສ່ວນສາເຫດເກີດຍ້ອນ ຂັບຂີ່ລົດໄວ ເປັນໂຄ້ງ ເປັນຂຸມ ຈຶ່ງເຮັດໃຫ້ຄົນຕົກຈາກລົດ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...