Homeຂ່າວຄາດຕະກຳເຫດຍິງກັນຢູ່ບ້ານໜອງຫີນ ເມືອງປາກຊ່ອງ ແຂວງຈຳປາສັກ ເສຍຊີວິດ 1 ຄົນ

ເຫດຍິງກັນຢູ່ບ້ານໜອງຫີນ ເມືອງປາກຊ່ອງ ແຂວງຈຳປາສັກ ເສຍຊີວິດ 1 ຄົນ

Published on

ກອງບັນຊາການ ປກສ ແຂວງຈຳປາສັກ ລາຍງານວ່າ: ໃນວັນທີ 20 ກັນຍາ 2023 ນີ້, ມີເຫດຍິງກັນຢູ່ບ້ານໜອງຫີນ ເມືອງປາກຊ່ອງ ແຂວງຈຳປາສັກ ເຮັດໃຫ້ມີຜູ້ເສຍຊີວິດ ສາເຫດເກີດຈາກຫຶງຫົວເມຍເກົ່າທີ່ນັ່ງກິນດື່ມກັບຜູ້ບ່າວ.

ຂໍ້ມູນເບື້ອງຕົ້ນລະບຸວ່າ: ຜູ້ກໍ່ເຫດ ຊື່ ທ້າວ ພະຍຸ ອາຍຸ 37 ປີ ຊາວສວນ ຢູ່ບ້ານໜອງຫີນ ເມືອງປາກຊ່ອງ ແຂວງຈຳປາສັກ ໃຊ້ປືນແກັບຍິງ ທ້າວ ພູຊົງ ສັນຊາດໄທ ອາຍຸ 39 ປີ ກຳມະກອນເຝົ້າສວນຖົ່ວລຽນ ຈົນເສຍຊີວິດ.

ຜ່ານການສືບສວນ-ສອບສວນຂອງເຈົ້າໜ້າທີ່ ທ້າວ ພະຍຸ ຮັບສາລະພາບວ່າ: ເວລາປະມານ 19:00 ຂອງວັນທີ 20 ກັນຍາຜ່ານມາ ຕົນໄດ້ນັ່ງຢູ່ຖຽງສວນ ແລະ ໄດ້ຍິນສຽງລູກຮ້ອງໄຫ້ຢູ່ສວນຖົ່ວລຽນ ເຂດໃກ້ຄຽງກັນ ຈຶ່ງຍ່າງໄປເບິ່ງ ເຊິ່ງເຫັນເມຍເກົ່ານັ່ງກິນດື່ມສິ່ງມຶນເມົາ ກັບທ້າວ ພູຊົງ ສັນຊາດໄທ ອາຍຸ 39 ປີ ກຳມະກອນເຝົ້າສວນຖົ່ວລຽນ ແລະ ກຳມະກອນອີກປະມານ 10 ຄົນ ຢູ່ສວນ ໃກ້ກັນ, ເມື່ອເປັນແນວນັ້ນຈຶ່ງໄດ້ບອກເມຍເກົ່າເອົາລູກເມືອນອນ, ແຕ່ເມຍເກົ່າກໍບໍ່ຍອມເມືອ ຍັງນັ່ງກິນນັ່ງດື່ມຢູ່ຕໍ່ໄປອີກ, ຍ້ອນຄວາມໃຈຮ້າຍ ແລະ ຫຶງຫວງ ເມຍເກົ່າ ທ້າວ ພະຍຸ ຈຶ່ງດຶງຜົມເມຍເກົ່າມາ ແລ້ວໃຊ້ມືຕົບຫົວ 1 ບາດ ຈາກນັ້ນກໍ ຍ່າງກັບຖຽງສວນ.

ຂະນະດຽວກັນ ທ້າວ ພູຊົງ ເກີດຄວາມບໍ່ພໍໃຈ ຈຶ່ງຊວນໝູ່ທີ່ນັ່ງດື່ມນຳກັນ 4-5 ຄົນ ຍ່າງໄປຫາ ທ້າວ ພະຍຸ ຢູ່ເທິງຖຽງ ແລະ ເກີດຜິດຖຽງກັນ, ເມື່ອເຫັນແນວນັ້ນ ທ້າວ ພະຍຸ ຈຶ່ງຈັບປືນແກັບອອກມາ, ທ້າວ ພູຊົງ ໄດ້ພະຍາຍາມແລ່ນໜີ ແຕ່ກໍຖືກທ້າວ ພະຍຸ ຍິງປຶນໃສ່ຖືກບໍລິເວນສັນຫລັງໄດ້ຮັບບາດເຈັບສົມຄວນ ແລະ ເສຍຊີວິດໃນເວລາຕໍ່ມາ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...