ອີງຕາມເວັບໄຊ້ຂ່າວຕ່າງປະເທດລາຍງານໃນວັນທີ 14 ຕຸລາ 2023 ນີ້ວ່າເກີດເຫດສຸດເສົ້າຂຶ້ນໃນສະຫະລັດອາເມຣິກາ ເມື່ອເດັກຊາຍອາຍຸ 14 ປີທີ່ອາໃສຢູ່ໃນລັດແມສຊາຊູເຊດ ມີອາການປວດທ້ອງຢ່າງຮຸນແຮງ ຈົນໝົດສະຕິ ແລະ ເສຍຊີວິດໃນເວລາຕໍ່ມາ ຫຼັງຈາກລອງກິນເຂົ້າໜົມມັນຝຣັ່ງທອດ ທີ່ເຜັດທີ່ສຸດໃນໂລກຕາມກະແສຍອດນິຍົມທີ່ມີຊື່ວ່າ: One Chip Challenge.
ຕາມການລາຍງານໄດ້ລະບຸວ່າ: ເດັກຊາຍດັ່ງກ່າວຊື່ ແຮຣິສ ໂວໂລບາ ໄດ້ລອງກິນມັນຝຣັ່ງທອດ ທີ່ໝູ່ໃນຊັ້ນຮຽນເອົາໃຫ້ກິນ ຫຼັງຈາກນັ້ນກໍຮູ້ສຶນປວດທ້ອງຢ່າງຮຸນແຮງ ທາງໂຮງຮຽນຈຶ່ງໄດ້ໂທຫາແມ່ໃຫ້ມາຮັບ ເດັກຊາຍບອກວ່າຕົນຮູ້ສຶກດີຂຶ້ນຫຼັງຈາກໄດ້ກັບມາພັກຢູ່ບ້ານ ແຕ່ສຸດທ້າຍກໍໝົດສະຕິໃນຊ່ວງຕອນແລງ ແລະ ບໍມີການຕອບສະໜອງ ທາງບ້ານຈຶ່ງຮີບນຳຕົວສົ່ງໂຮງໝໍຢ່າງເລັ່ງດ່ວນ ກ່ອນທີມແພດຈະແຈ້ງໃນເວລາຕໍ່ມາວ່າ ເດັກຊາຍໄດ້ເສຍຊີວິດແລ້ວ.
ຢ່າງໃດກໍຕາມ, ບໍລິສັດທີ່ຜະລິດມັນທີ່ຜະລິດມັນຝຣັ່ງເຜັດນີ້ ໄດ້ອອກຖະແຫຼງການໂດຍກ່າວວ່າ “ພວກເຮົາມີຄວາມໂສກເສົ້າຢ່າງເລິກເຊິ່ງຕໍ່ການເສຍຊີວິດຂອງ ທ້າວ ໂວໂລບາ ແລະ ພ້ອມຢືນຢັນວ່າຜະລິດຕະພັນດັ່ງກ່າວຈະສືບຕໍ່ປະຕິບັດຕາມມາດຕະຖານຄວາມປອດໄພຂອງອາຫານ ແຕ່ໄວລຸ້ນສ່ວນຫຼາຍບໍ່ສົນໃຈຄໍາເຕືອນທີ່ຢູ່ໃນຊອງເຂົ້າໝົທດັ່ງກ່າວ.