ແຟນຄັບໄທຄັ່ງສິລະປິນດາຣາ ຈົນເອົາມີດຈີ້ຄໍຕົນເອງຫວັງໃຫ້ສິລະປິນຫັນມາສົນໃຈ.
ໃນວັນທີ 11 ຕຸລາ 2023 ທີ່ຜ່ານມາ ເກີດເຫດສາວຄັ່ງໃຊ້ມີດຈີ້ຄໍຕົນເອງພາຍໃນຫ້າງສັບພະສິນຄ້າ ສາຂາລັງສິດ ຈັງຫວັດປະທຸມທານີ ປະເທດໄທ ໂດຍບ່ອນເກີດເຫດພົບເປັນສາວ ອາຍຸກາງຄົນ ຢູ່ບໍລິເວນຊັ້ນ 2 ຂອງຫ້າງສັບພະສິນຄ້າ ໃຊ້ມີດແຫຼມຈີ້ຄໍຕົນເອງແລ້ວນັ່ງອີງຝາຢູ່ບ່ອນວາງເຂົ້າສານ ຕໍ່ມາເຈົ້າໜ້າທີ່ກໍໄດ້ເຈລະຈາໄກ່ເກ່ຍໃຫ້ວາງມີດ ເພື່ອນຳຕົວສົ່ງໂຮງໝໍ.
ເບື້ອງຕົ້ນໄດ້ຮູ້ວ່າ ຜູ້ກ່ຽວແມ່ນຢາກພົບກັບ ອິງຟ້າ ວະຣາຫະ Miss Grand Thailand 2022 ແລະ ຜູ້ກ່ຽວກໍເຄີຍໃຊ້ມີດກີດແຂນ ແລະ ຂາຂອງຕົນເອງມາກ່ອນ.
ຍັງຮູ້ຕື່ມອີກວ່າ ຜູ້ກ່ຽວເປັນແຟນຄັບຂອງ ອິງຟ້າ ໂດຍຜູ້ກ່ຽວນັ້ນເຫັນອິງຟ້າຮ້ອງໄຫ້ ຈຶ່ງຢ້ານວ່າຕົນເອງເປັນສາເຫດທີ່ເຮັດໃຫ້ອີງຟ້າເສຍໃຈຫຼືບໍ່ ແລ້ວຢາກໃຫ້ເຂົ້າໃຈວ່າຕົນເອງນັ້ນບໍ່ແມ່ນສາເຫດ ປະກອບກັບຜູ້ກ່ຽວມີບັນຫາກັບລູກ ໂດຍການເຈລະຈາໃນສະຖານທີ່ເກີດເຫດ ກໍມີການໂອ້ລົມເພື່ອຢາກເຈລະຈາກັບອິງຟ້າ ແຕ່ບໍ່ສາມາດຕິດຕໍ່ໄດ້ເພາະອິງຟ້າກໍມີວຽກ ຈົນຜູ້ກ່ຽວນັ້ນໄດ້ຈົນໄດ້ຍອມວາງມີດ.
ທາງດ້ານ ອິງຟ້າ Miss Grand Thailand 2022 ກ່ອນໜ້າມື້ເກີດເລື່ອງກໍໄດ້ເລົ່າພ້ອມຮ້ອງໄຫ້ວ່າ ມີແຟນຄັບຄົນໜຶ່ງກີດແຂນຕົນເອງໃນງານວັນທີ 10 ຕຸລາ ຍ້ອນວ່ານ້ອຍໃຈທີ່ມາທຸກເທື່ອແຕ່ບໍ່ເຄີຍໄດ້ຖ່າຍຮູບນຳ ຈົນເຮັດໃຫ້ແຟນຄັບຄົນນີ້ເຫັນວ່າການກີດແຂນຕົນເອງຈະເຮັດໃຫ້ໄດ້ຢູ່ໃກ້ກັບສິລະປິນທີ່ຕົນເອງມັກ ຫຼັງຈາກນັ້ນກໍໄດ້ກໍ່ເຫດກີດແຂນ ໃນຂະນະທີມງານ ແລະ ແຟນຄັບຄົນອື່ນໆ ຕ່າງກໍຕົກໃຈຕໍ່ເຫດການດັ່ງກ່າວ.
ນອກນີ້ ອິງຟ້າກໍເລົ່າຕື່ມວ່າ ຕອນໄປງານໃນຊຽງໃໝ່ ມີຜູ້ຍິງຄົນໜຶ່ງຖືກລົດຕຳແລ້ວບໍ່ຍອມໄປຫາໝໍ ມານັ່ງອາບເລືອດຢູ່ໜ້າງານແລ້ວບອກຢາກເຫັນອິງຟ້າໃຫ້ໄດ້ ເຊິ່ງທີມງານກໍມາຢືນຢັນວ່າ ຜູ້ຍິງຄົ້ນນີ້ແມ່ນຄົນດຽວກັນແນ່ນອນ.
ແຫຼ່ງຂ່າວ Thairath