spot_img
Homeຂ່າວທ້ອງຖິ່ນພິທີທຳລາຍອາວຸດລ່າເນື້ອ ແລະ ວັດຖຸຕ້ອງຫ້າມ

ພິທີທຳລາຍອາວຸດລ່າເນື້ອ ແລະ ວັດຖຸຕ້ອງຫ້າມ

Published on

ໃນວັນທີ 22 ກັນຍາ 2023 ຜ່ານມາ, ກອງບັນຊາການປ້ອງກັນຄວາມສະຫງົບ ແຂວງຄຳມ່ວນ ໄດ້ພິທີທຳລາຍອາວຸດລ່າເນື້ອ ແລະ ວັດຖຸຕ້ອງຫ້າມ, ໂດຍການເຂົ້າຮ່ວມຂອງ ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ, ມີ ພັອ ທິບພະຈັນ ໂພໄຊ ຫົວໜ້າກອງບັນຊາການ ປກສ ແຂວງ, ຄະນະກອງບັນຊາການ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ພັອ ຄຳສິງ ນົນທະສອນ ຮອງຫົວໜ້າກອງບັນຊາການ ປກສ ແຂວງ ກ່າວວ່າ: ອາວຸດທີ່ນໍາມາທຳລາຍໃນຄັ້ງນີ້ ແມ່ນສອງກອງບັນຊາການປ້ອງກັນຊາດ-ປ້ອງກັນຄວາມສະຫງົບແຂວງ ໄດ້ປະສານສົມທົບກັນຢ່າງເຂັ້ມງວດ ເພື່ອເຄື່ອນໄຫວເກັບກູ້, ທ້ອນໂຮມອາວຸດເສິກ, ອາວຸດລ່າເນື້ອ ແລະ ວັດຖຸຕ້ອງຫ້າມທຸກຊະນິດ ທີ່ເປັນອັນຕະລາຍ ແລະ ເປັນບັນຫາປະກົດການຫຍໍ້ທໍ້ໃນສັງຄົມ ກ່ຽວກັບການນຳໃຊ້ອາວຸດປືນ, ອາວຸດລ່າເນື້ອຢ່າງຊະຊາຍ ໂດຍບໍ່ຄຳນຶງເຖິງກົດໝາຍ ແລະ ລະບຽບການ ເຊິ່ງໄດ້ສ້າງຄວາມເສຍໃຫ້ໃຫ້ແກ່ຊີວິດ ແລະ ຊັບສິນຂອງພົນລະເມືອງ ເປັນຕົ້ນ: ການນຳໃຊ້ອາວຸດປືນໃນການນາບຂູ່, ປຸ້ນຈີ້ຊີງຊັບ, ຂ້າເຈົ້າເອົາຂອງ, ຄາດຕະກຳ; ເຊິ່ງປະກົດການດັ່ງກ່າວ ໄດ້ສົ່ງຜົນກະທົບ ແລະ ມີຜົນເສຍຫາຍຢ່າງໃຫຍ່ຫຼວງຕໍ່ສັງຄົມ.

ຜ່ານການເຄື່ອນໄຫວຈັດຕັ້ງປະຕິບັດ ສາມາດກອບກູ້, ທ້ອນໂຮມອາວຸດ ແລະ ວັດຖຸຕ້ອງຫ້າມ ໄດ້ຈຳນວນຫຼາຍລາຍການ ປະກອບມີ: ອາວຸດປືນ ລວມມີ 194 ກະບອກ. ໃນນີ້, ອາວຸດເສິກ (ປືນຍາວ) ຈໍານວນ 85 ກະບອກ, ອາວຸດເສິກ (ປືນສັ້ນ) ຈໍານວນ 109 ກະບອກ, ອາວຸດລ່າເນື້ອ 2.593 ກະບອກ, ເລົາປືນ 387 ເລົາ, ວັດຖຸຕ້ອງຫ້າມປະເພດໝໍ້ຊ໋ອດໄຟຟ້າ ຈໍານວນ 67 ເຄື່ອງ ແລະ ຈັກສະຕິນ 20 ເຄື່ອງ.

ສຳລັບເປົ້າໝາຍການທຳລາຍໃນພິທີຄັ້ງນີ້ ມີອາວຸດລ່າເນື້ອ 2.593 ກະບອກ, ເລົາປືນ 387 ເລົາ, ໝໍ້ຊ໋ອດໄຟຟ້າ 67 ເຄື່ອງ ແລະ ຈັກສະຕິນ 20 ເຄື່ອງ; ສ່ວນອາວຸດເສິກຈໍານວນໜຶ່ງ ແມ່ນໄດ້ເກັບຮັກສາໄວ້ ແລະ ມອບຕໍ່ໃຫ້ກະຊວງທີ່ກ່ຽວຂ້ອງຄຸ້ມຄອງ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...