ອີງຕາມສຳນັກຂ່າວ​ຕ່າງປະ​ເທດ New York Post ​ໄດ້​ລາຍ​ງານໃນວັນ​ທີ 19 ກັນຍາ 2023 ​ກ່ຽວ​ກັບ​ເຫດການ ຜູ້ຍິງໃນລັດຄາລິຟໍເນຍ ອາຍຸ 40 ປີ ແຂນ ແລະ ຂາທັງສອງເບື້ອງຖືກຕັດຂາດ ຫຼັງຈາກກິນປານິນດິບ.

ຜູ້ປ່ວຍມີຊື່ວ່າ: Laura Barajas ນາງຕ້ອງໄດ້ຮັບການຜ່າຕັດທີ່ໃຫຍ່ທີ່ສຸດຂອງຊີວິດຂອງນາງ ເພື່ອຊ່ວຍຊີວິດຕົນເອງ ພາຍຫຼັງ​ໄດ້​ຮັບ​ການ​ປິ່ນປົວ​ຢູ່​ໂຮງໝໍ​ຫຼາຍ​ເດືອນ,

ທາງດ້ານ Anna Messina ໝູ່ສະໜິດຂອງ Laura Barajas ເປີດເຜີຍວ່າ: ນາງໄດ້ຊື້ປາຈາກຕະຫຼາດ ເພື່ອມາເຮັດອາຫານກິນ ໂດຍປານິນທີ່ນາງຊື້ມາມັນຍັງບໍ່ທັນສຸກ ແລະ ນາງໄດ້ກິນເມນູນັ້ນຄົນດຽວ, ຈາກນັ້ນບໍ່ດົນປະມານໜຶ່ງອາທິດ, ລາວປ່ວຍໜັກ ແລະ ຕ້ອງເຂົ້າໂຮງໝໍ ຈົນນາງຕ້ອງໃຊ້ເຄື່ອງຊ່ວຍຫາຍໃຈ, ນິ້ວມື, ຕີນ, ແລະ ຮີມສົບຂອງນາງກາຍເປັນສີດໍາ ນາງ​ໄດ້​ຮັບ​ການ​ຕິດ​ເຊື້ອ​ຢ່າງ​ຮ້າຍ​ແຮງ​ ແລະ ມີໝາກໄຂ່ຫຼັງສຸດໂສມ.

ຫຼັງຈາກໜຶ່ງເດືອນເຄິ່ງ, ທ່ານໝໍຕ້ອງໄດ້ຕັດແຂນ ແລະ ຂາຂອງ Laura ເພື່ອຊ່ວຍຊີວິດຂອງນາງ ເມີການເປີດເຜີຍຂໍ້ມູນວ່າ:  ນາງຕິດເຊື້ອ Vibrio Vulnificus ຈາກການປົນເປື້ອນ ເຊິ່ງເປັນເຊື້ອແບັກທີເຣຍທີ່ເປັນອັນຕະລາຍເຖິງຊີວິດ ພົບໃນອາຫານທະເລດິບ ແລະ ນ້ຳທະເລສາມາດເຂົ້າສູ່ຮ່າງກາຍຜ່ານຮອຍສັກ ຫຼື ບາດແຜໄດ້.